Seniorojo škotuja
Pančicy-Kukow. Druhi lětuši škotowy turněr serbskich seniorow wotměje so jutře, wutoru, w „Karstenowej piwowej stwičce“ w Pančicach-Kukowje. Započatk budźe w 14 hodź. Nowačkojo su kaž přeco wutrobnje witani. Posledni dźeń měrca zetkaja so škotowarjo potom w Njeswačanskim hosćencu.
Pjatk nic sam snědać
Rakecy. Kóždy pjatk přeprošuje Rakečanska ewangelska wosada na zhromadnu snědań do farskeje bróžnje. Je to poskitk za wšitkich, kotřiž su hewak často sami a so nad rozmołwu při snědani wjesela. Za wudawki wuproša sej organizatorojo dar we wobjimje jednoho eura abo dweju eurow, zdźěli farar Robert Malink w Rakečanskej gmejnskej nowinje.
Wo wukubłanju so wobhonić
Wobornicy na „hłownu“
Ralbicy. Aktiwni čłonojo dobrowólnych wohnjowych woborow gmejny Ralbicy-Róžant su jutře, sobotu, we 18 hodź. na hłownu zhromadźiznu do jědźernje Ralbičanskeje šule přeprošeni. Na dnjowym porjedźe steja mjez druhim rozprawy nawodow wjesnych woborow a nawody gmejnskeje wobory. Dale wjesnjanosta Hubertus Ryćer zasadźenja w lěće 2025 wuhódnoći a jednotliwych wobornikow powyši a počesći.
Kachlestajer powěda
Hórnikecy. Kachle a stawiznički kachlestajerja steja jutře, sobotu, w srjedźišću zarjadowanja Hórnikečanskeje energijoweje fabriki. Započatk budźe w 14.30 hodź. Z hosćom budźe kachlestajer Frank Altmann z Łaza. W rozmołwje z nim póńdźe wo jeho powołanje, wo jeho wosobinski zwisk k zběrce kachlow w energijowej fabrice a wo praktiske pokiwy za kóždeho, kiž doma kachle tepi. Wopytowarjo móža jeho radlubje so prašeć. Energijowa fabrika chce wot lěta 2028 zaso dźěl swojeje 800 objektow wopřijaceje zběrki kachlow zjawnosći pokazować. Zastup za jutřiše zarjadowanje płaći pjeć eurow. Wšitcy zajimcy su wutrobnje přeprošeni.
Powjedźe po wustajeńcy
Pytaja hudźbnikow
Budyšin. Mjeztym štwórty raz ma so 21. junija w Budyšinje hudźbny swjedźeń Fête de la Musique wotměć. Město přeprošuje hudźbnikow wšitkich žanrow, zo bychu zjawne naměsta, hasy a parki z live-hudźbu wožiwili. Wobdźělić móža so profijojo runje tak kaž amaterojo. Wšitke koncerty su zjawne, bjez zastupa a njekomercielne. Hudźbnicy za to honorar njedóstanu. Přizjewić móža so woni hač do 30. apryla w měšćanskim zarjadnistwje e-mailnje pod .
Porěči wo bahnje
Łaz. „Přirodoškitne pasmo Dubrjenske bahno – poslednje wulke zachowane bahno Hornjeje Łužicy“ je hesło přednoška jutře, pjatk, we Łazowskim Domje Zejlerja a Smolerja. Tamniše spěchowanske towarstwo na njón přeprošuje. Započatk budźe w 17 hodź. Herbert Schnabel z Kulowskeje skupiny NABU porěči wo stawiznach, přitomnosći a přichodźe Dubrjenskeho bahna. Mjez druhim předstaji wón zwěrjata a rostliny, kiž su tam zadomjene, pokaza na hrožace strachi a znazornja škitne naprawy. Herbert Schnabel dźěła dlěje hač 50 lět za přirodoškit a so za zachowanje bahna zasadźuje. Zastup je darmotny, dary su witane.
Za rěčny kurs so přizjewić
Budyšin. W kursach serbšćiny na niwowowym schodźenku A2 su hišće swobodne městna w Budyšinje, Pančicach-Kukowje a Radworju. Nowy semester započina so spočatk měrca a traje hač dosrjedź junija, kaž Rěčny centrum WITAJ informuje. Štóž chce swoje zakładne znajomosće skrućić a rozšěrić, njech so prošu přizjewi. Přehlad jednotliwych kursow a přizjewjenski formular nańdu zajimcy na internetnej stronje RCW.
Zhromadnje sej zahraja
Pančicy-Kukow. Na zhromadny hrajny wječor přeprošuje Domowinska skupina Pančicy-Kukow wšitkich swojich čłonow a dalšich zajimcow jutře, štwórtk, 19. februara, we 18 hodź. do Karstenoweje piwoweje stwički. Wšitcy móža swoje najlubše hry sobu přinjesć, wšojedne hač karty za škot a rommé abo kóstki a figury za deskowe hry. Karsten njeposkići wopytowarjam jenož napoje, ale změje tež mały wuběr jědźow.
Zhromadnje sej zahraja
Pančicy-Kukow. Na zhromadny hrajny wječor přeprošuje Domowinska skupina Pančicy-Kukow wšitkich swojich čłonow a dalšich zajimcow štwórtk, 19. februara, we 18 hodź. do Karstenoweje piwoweje stwički. Wšitcy móža swoje najlubše hry sobu přinjesć, wšojedne hač karty za škot a rommé abo kóstki a figury za deskowe hry. Karsten njezměje jenož napoje w poskitku, ale tež mały wuběr jědźow.
Serbski poskitk w Barće
Bart. Z přisłowom „Hdźež je dobra mysl, tam je ruma dosć“ wabi syć za serbsku rěč a regionalnu identitu Zari do Barta. W rjedźe „Rjana pisanosć“ wotměwaja so měsačne zarjadowanja. Štwórtk, 19. februara, wot 17.30 hodź. móža wopytowarjo w gratowni Bartskeje wohnjoweje wobory mjez druhim sušenki zhotowić.
Wiki jutrownych jejkow
Budyšin. Spěchowanski kruh za serbsku ludowu kulturu skedźbnja hižo nětko na 33. serbske jutrowne wiki. Te wotměja so po tradiciji druhi kónc tydźenja w póstnym času, potajkim sobotu, 28. februara, a njedźelu, 1. měrca. Na woběmaj dnjomaj budu wiki wot 10 do 18 hodź. w Budyskim Serbskim domje wotewrjene. Wšitcy zajimcy su k tomu wutrobnje witani.
Eficientnje mobilny być
Wojerecy. Pućowanska wustajeńca „Eficientna mobilita“ Sakskeje energijoweje agentury SAENA je wot dźensnišeho hač do 13. měrca we Wojerowskej starej radnicy přistupna. Na třoch wulkich taflach předstajeja centralne aspekty moderneje mobility. Mjez druhim informuja wo elektomobiliće, inteligentnych wobchadnych systemach a wo perspektiwach přichodnych formow mobility. Wustajeńca je we wobłuku wotewrjenskich časow radnicy přistupna.
Arabsko-němske čitanje
Budyšin. „Rěč rejuje“ je hesło literarno-hudźbneho wječora jutře, wutoru, 17. februara, w 19 hodź. w Budyskim Kamjentnym domje. Awtorka Hamida Taamiri Thabet Azzawi čita teksty dwurěčnje arabsce a němsce. W nich tematizuje wona nazhonjenja w eksilu, hłosy žonow a fragilnu runowahu.
Powjedźe po muzeju
Budyšin. Budyski Serbski muzej přeprošuje 22. februara na njedźelne wjedźenje, kotrež wěnuje so narodnej drasće. Andrea Pawlikowa předstaji mnohotnosć drastowych wariantow, jich wuznam a symboliku kaž tež změny drasty w běhu časow. Hižo w 16 hodź. započnje so němskorěčne wjedźenje. Jemu so serbske wjedźenje přizamknje.
Serbja w srjedźišću
Pančicy-Kukow. Tradicije Serbow a jich dźensniše žiwjenje steja w srjedźišću dalšeho zarjadowanja w rjedźe „Kulinarika a kultura“ w klóšterskej kofejowni swjateho Michała w Pančicach-Kukowje. Wone wotměje so sobotu, 21. februara. Započatk je w 17 hodź. Referent budźe předsyda Domowiny Dawid Statnik. Zastupne lisćiki za 30 eurow dóstanu zajimcy jeničce w předpředani w klóšterskej pjekarni kaž tež w kofejowni swjateho Michała, telefonowe čisło 035796/ 99 443.
Za dźěłarničku so přizjewić
Spalernju sej wobhladać
Njeswačidło/Łuty. Njeswačanska přirodoškitna stacija zajimcow přeprošuje, sej pjatk, 27. februara, wot 17 do 18.30 hodź. spalernju wotpadkow we Łutach wobhladać. Wopytowarjo tam nazornje zhonja, što so z našimi wšědnymi wotpadkami stanje. Zastup je darmotny, přizjewjenje pak je trěbne, a to e-mailnje pod abo pod telefonowym čisłom 035933/ 300 77. Wobdźělnicy zetkaja so direktnje na industrijowej přestrjeni we Łutach.
Rozprawja wo dalokim běhu
Wojerecy. Ekstremowy sportowc Ronald Prokein budźe jutře, pjatk, w 19 hodź. z hosćom we Wojerowskej měšćanskej bibliotece „Brigitte Reimann“. Tam rozprawja wón wo swojim tři měsacy trajacym a 5 004 kilometrow dołhim běhu wot Bosporusa w Turkowskej hač k najsewjernišemu dypkej Europy w Norwegskej. Při tym njeměješe sportowc jenož jedne z najhorcyšich lěćow přetrać, ale dožiwi tež někotryžkuli strašny wokomik. Nimo psa je jeho jeničce kameramuž z Wartburgom přewodźał a ekstremny běh dokumentował. Zastup płaći jědnaće eurow na wosobu.
Wonjaty swět zelow zeznać
Stróža. Za dźěći a młodostnych w starobje 6 do 16 lět maja zamołwići biosferoweho rezerwata Hornja Łužica zajimawy prózdninski poskitk. W Domje tysac hatow w Stróži chce jim zelowa pedagogowka Anja Ludwig 13. februara wonjaty swět zelow a płodow předstajić. W dźěłarničce móža sej wobdźělnicy po swojim słodźe wosobinski čaj změšeć a zhonja připódla tójšto wo wužitnych wuskutkach najwšelakorišich rostlin a płodow. Popłatk za wobdźělenje wučinja 4,50 eurow. Organizatorojo proša wo přizjewjenje pod čo. 035932-3650 abo z mejlku na: .
Póstnicy w bibliotece
Dźěći na wyšej šuli přizjewić
Worklecy. Serbska wyša šula „Michał Hórnik“ we Worklecach přijimuje wot dźensnišeho přizjewjenja dźěći do 5. lětnika. Šulski běrow je w slědowacym času wotewrjeny:
Wot póndźele do štwórtka, 9. do 12. februara, wot 7.30 do 13.30 hodź.; pjatk, 13. februara, wot 7.30 do 10.00 hodź.; póndźelu, 23. februara, wot 7.30 do 13.30 hodź.; wutoru, 24. februara, wot 10.00 do 17.00 hodź.; srjedu a štwórtk, 25. a 26. februara, wot 7.30 do 14.00 hodź. a pjatk, 27. februara, wot 7.30 do 10.00 hodź.
Staršim, kotrymž přizjewjenje w tutym času móžne njeje, njech zazwonja šulski sekretariat pod čo. 035796-96831. Informaciju wo podłožkach namakaja online na www.oberschule.schule-raeckelwitz.de.
