Njeswačidło. Šwišk (Hausrotschwanz) – ptačk našeje domizny – je Ptačk lěta 2025. Štóž chce wjace wo nim zhonić, njech poda so sobotu, 8. nowembra, na fachowe zarjadowanje do Njeswačanskeje přirodoškitneje stacije. W času wot 9.30 do 16.30 hodź. přeradźa fachowcy tójšto zajimawych faktow wo spěwatym ptačku. Zamołwići proša wo přizjewjenje pod abo telefonisce pod čo. 035933 179862. Wobdźělenje je darmotne, wo pjenježny dar so prosy.

Radšo muzej wopytać

Budyšin. Na Budyskim nakupowanskim wječoru sobotu, 8. nowembra, tež měšćanski muzej w času mjez 16 hodź. a 20 hodź. swoje durje wotewrje a přeprošuje na darmotny wopyt trajneje ­wustajeńcy, noweje wosebiteje wusta­jeńcy „Budyšin fascinuje – napohlady ­na město wot 1620 do 1900“ kaž tež ­kabinetneje wustajeńcy z fotami Budyskeho fotoweho chronista Rolfa Dvora­ceka. Za małych a wulkich zajimcow su zamołwići muzeja tež staciju z klankodźiwadłom přihotowali. Tu móža so ze zhotowjenjom klankow zaběrać a dožiwja nimo toho krótke sceny z klankami. Wonka před muzejom budźe mały ­woheń, w kotrymž móžeš sej chlěb na ­kiju spjec.

Zhorjelc. Zhorjelski klimowy manager a wokrjesny wotrjad za strukturne wuwiće přeprošujetaj jutře, štwórtk, 6. nowembra, wšitkich zajimowanych na nowe wudaće Łužiskeje kofejownje. Zarjadowanje w tamnišej chłódźerni (Při dwórnišću Weinhübel 2) steji pod hesłom „Pućowanje po Łužicy“ a zahaji so we 18 hodź. Zhromadnje z hosćimi chcedźa zamołwići wšelake temy z wobłuka „energija a naslědnosć“ nazornišo rozjimać. Wšako so přichod prosće njestawa, ale my wšitcy sej jón stworimy. Zarjadowanje je darmotne. Tež napoje a mały bifej poskića.

Paslenje z filcom nawuknyć

Smochćicy. Hnydom dwaj paslenskej kursaj z filcom poskićuje Smochčanske kubłanišćo swj. Bena. W prěnim, kónc tydźenja 8. a 9. nowembra, móža sej wobdźělnicy swój wosobinski porik zymskich toflow nadźěłać.

W druhim kursu kónc tydźenja 15. a 16. nowembra, steji paslenje hodownych ­darikow a dekoracijow w srjedźišću. Přizjewjenja su pod tel. čo. 035935 220 abo emailnje na móžne.

Budyšin. Zwjazk serbskich spěwarskich towarstwow (ZSST) přeprošuje na měsačne zhromadne spěwanje w nowembrje, kotrež wotměje so dźensa, wutoru, we 18 hodź. w chórowej rumnosći Serbskeho ­ludoweho ansambla. Wšitcy zajimcy su wutrobnje witani!

Gmejnska rada we Worklecach

Worklecy. Worklečanski wjesnjanosta Clemens Poldrak přeprošuje wšitkich zajimcow wutrobnje na posedźenje gmejnskeje rady srjedu, 5. nowembra. Zjawny dźěl zarjadowanja we Worklečanskim dźěćacym dnjowym přebywanišću „K wódnemu mužej“ zahaja w 19 hodź. Na dnjowym porjedźe stejitej mjez druhim přepodaće nadawka za zrealizowanje wohnjoškita a přitwar lifta na Serbskej wyšej šuli „Michał Hórnik“ kaž tež wothłosowanje wo zběhnjenju wustawkow za staršiske a dalše popłatki za Worklečansku pěstowarnju a žłobik.

Do kina w Kamjentnym domje

Chrósćicy. Župa „Michał Hórnik“ přewjedźe 29. nowembra kubłansku jězbu do Drježdźan. Wotjězd budźe w 10 hodź. z Chrósćic. Na programje stejitej mj. dr. wodźenje po telewizijnym studiju Wuhladka a zetkanje z předsydstwom towarstwa „Stup dale“. Nimo toho budźe składnosć, wopytać adwentne wiki. Přinošk na wosobu je 15 eurow. Zastaranje płaći kóždy sam. Přizjewjenja přijimuja hač do 10. nowembra w Chróšćanskim regionalnym běrowje Domowiny pod telefonowym ­čisłom 035796 96254 abo e-mejlnje pod .

Dróha S 106 połnje zawrjena

Budyšin. Wot dźensnišeho wuporjedźeja bankety na dróze S 106 mjez Minakałom a Kamjenej. Tohodla je statna dróha hač do njedźele, 9. nowembra, połnje zawrjena. W tutym času su zamołwići wobjězdku zarjadowali: wot Kamjeneje na směr Wulka Dubrawa, wot Wulkeje Dubrawy na směr Klukš a wottam dale do Minakała. Wobjězdka płaći runje tak za na­přećiwny směr. Busowe zastanišća mjez Minakałom a Kamjenej so za čas zawrjenja dale posłužuja.

Jednotliwe městna hišće maja