Přednošk Moniki Gerdesoweje
Chrósćicy. We wobłuku swjedźenskeho tydźenja 800. róčnicy prěnjeho naspomnjenja Chrósćic přednošuje rozhłosownica Monika Gerdesowa wo temje „Chrósćicy – stacija na Via Regii za putnikow něhdy a dźensa“. A to jutře štwórtk, 19. junija, w 19 hodź. w swjedźenskim stanje na nawsy.
Poetry-akademija w Radworju
Radwor. Pod titulom „Lost poetry zetka Łužicu“ zarjaduje hižo mnohe lěta we Łužicy aktiwna jewišćowa poetka, Jessy James LaFleur z wuchodneje Belgiskeje, nowe wudaće poetry-akademije w Radworskim Słodeńku. Nimo organizatorki jimaja so pjatk, 20. junija, w 19 hodź. tež młodźi wuměłcy Alina Stark, Jonas Pjetaš, Josephine Ziegler a Sam Ziemeck słowa.
Barokna hudźba w Malešecach
Malešecy. W swjedźenskim tydźenju 800. róčnicy Malešec wuhotuje hudźbny ansambl Weimar Baroque pjatk, 20. junija, w 19 hodź. swjedźenski koncert w tamnišej cyrkwi. Sobuzałožićel ansambla Hans Christian Martin je dźensa kantor při Silbermannowych pišćelach w Chróstawje. Wosebite ćežišćo w repertoirje ćělesa su twórby J. S. Bacha. Zastup je darmotny, wo pjenježny dar pak proša.
Radźićeljo wuradźuja
Njebjelčicy. Přichodne posedźenje Njebjelčanskeje gmejnskeje rady wotměje so srjedu, 18. junija, w 19 hodź. w Njebjelčanskej gmejnskej sydarni. Radźićeljo porěča mjez druhim wo tym, hač hodźał so stary puć Lindach wot Miłoćic do Njebjelčic za trening jězbneje šule wužiwać. Wotpowědny namjet jutře radźićelam předstaja. W njezjawnym dźělu chcedźa wo tym wuradźować, kak hodźała so hospodarska situacija gmejny polěpšić.
Ručne zwónčki zaklinča
Smochćicy. Chór ručnych zwónčkow ewangelskeje wosady swjateho Michała z Kassela koncertuje štwórtk, 19. junija, w 19.30 hodź. w Smochčanskim kubłanišću swjateho Bena. Chór wobsteji mjeztym 25 lět a njewobrubja w swojej wosadźe jenož bohosłužby, ale wuhotuje po wšej Němskej tež koncerty. Wjackróć poby wón hižo w Smochćicach. Zastup budźe štwórtk darmotny, prosy so wo dary.
Powjedu po pohrjebnišću
Poskićuje šulersku protyčku
Kamjenc. Zapósłanča Sakskeho krajneho sejma Elaine Jenčec (CDU) poskićuje w swojim běrowje na Zapadnej 4 w Kamjencu nowu šulersku protyku Sakskeho krajneho sejma za šulske lěto 2025/2026. Wona je za šulerjow wot 7. lětnika. Tydźenska protyka kombinuje praktisku pomoc wšědneho dnja z politiskim kubłanjom. Nimo městna za zapisanje domjacych nadawkow, hodźinskich planow a noticow wobsahuje wona informacije wo krajnym sejmje a wo nadawkach zapósłancow. Běrow zapósłanče je wot póndźele hač do pjatka wot 8 do 14 hodź. wočinjeny.
Wo stawiznach kachlow
Hórnikecy. Nowu wosebitu wustajeńcu, kotraž wěnuje so stawiznam kachlow w zašłych sto lětach, pokazaja wot 18. junija w Hórnikečanskej energijowej fabrice. Na wernisažu přehladki přeprošuja srjedu w 17 hodź. Wustajene budu historiske kachle runje tak kaž cyle moderne. Zastup je darmotny.
Konjace zapřahi pojědu
Ramnow. Hižo 23. raz wotměje so njedźelu, 15. junija, Ramnowska hrodowa kołojězba konjacych zapřahow. Čara je kaž kóžde lěto něhdźe 25 kilometrow dołha a wjedźe po rjanej hornjołužiskej krajinje. Wjerškaj stej wotjězd konjacych zapřahow rano w 9 hodź. a jich nawrót w 14 hodź. Byrnjež jězba charakter wubědźowanja njeměła, chcedźa najrjeńše zapřahi mytować. Wopytowarjo su wutrobnje přeprošeni. Kołowokoło Ramnowskeho hrodu změja tež kulinariske poskitki.
Busowe zastanišća wutwarja
Předstaja plahowanje chmjela
Wučkecy. Mjeztym hižo 60 lět plahuja we Wučkecach (Auschkowitz) chmjel. Składnostnje toho změje agrarne předewzaće Tuchorski lěs sobotu, 14. junija, wot 10 do 16 hodź. dźeń wotewrjenych duri. Wopytowarjam chcedźa předstajić, kak tam chmjel plahuja, kak jón předźěłaja a dokal jón dodawaja. W 11 a 14 hodź. planuja přednošk a wodźenje po techniskej připrawje.
Łuku prawje hladać
Njeswačidło. Přirodowa centrala Budyskeho wokrjesa wuhotuje sobotu, 21. junija, wot 9 do 14 hodź. dźeń hladanja łuki. Při tym chcedźa łuku při Dobrošćanskim hrodźišću z kosu posyc. Zajimcam poskićuja tohodla kurs syčenja. Dźěći móža tón dźeń insekty wobkedźbować. Na kóncu přeprošuja na zhromadny piknik. Po přizjewjenju zajimcam zdźěla, hdźe so woni dokładnje zetkaja. Přizjewjenja přijimuja hač do 17. junija pod telefonowym čisłom 035933 30077 abo e-mailnje pod naturschutzstation-nesch.
Organizuja lětni swjedźeń
Předstaja nowu knihu
Jubilej Nowaka-Njechorńskeho
Dorost brigady koncertuje
Skupinarjo kolesuja
Přewjedu prózdninske dny
Smjerdźaca. Serbske šulske towarstwo přewjedźe w lětnich prózdninach w swojim kubłanskim srjedźišću LIPA w Smjerdźacej zhromadne prózdninske dny za dźěći wot šěsć lět a jich wowki a dźědow. Wone wotměja so wot 14. do 17. julija stajnje wot 9 do 14 hodź. Z wobdźělnikami chcedźa kreatiwni być a sportować, wušiknosć a pomjatk trenować a policajski rewěr w Kamjencu wopytać. Wobdźělenje płaći za dorosćeneho 40 eurow, za dźěćo 30 eurow. Přizjewjenja přijimuja pod telefonowym čisłom 01520 8783147 abo e-mailnje pod .
Zaso do kulturneje zahrody
Budyšin. Rjad lětušich zarjadowanjow pod hołym njebjom na zahrodźe Serbskeho ludoweho ansambla zahaji so sobotu, 7. junija, w 19.30 hodź. Na jewišću Sundowner Bar & Lounge wustupi skupina Quintense z Lipska. Zastupne lisćiki dóstanu zajimcy za 13 eurow w předpředani w Löbnerec hudźbnym domje na Kotołskej a w Budyskej turistiskej informaciji na Hłownym torhošću.
Radźićeljo wuradźuja
