Přednošk wo witalnej jědźi
Wojerecy. Dźěćaca a młodźinska farma Křesćansko-socialneho skutka (CSB) přeprošuje jutře, 28. awgusta, w 19 hodź. na přednošk wo witalnej jědźi do Wojerec. Christine Ungerowa a Kerstin Mickanowa chcetej wobdźělnikam wujasnić, kak integruja witalnu jědź do wšědneho dnja. Zastup płaći 9 eurow. Zajimcy njech so hač do 27. awgusta pola Elžbjety Hojeroweje z mejlku na abo telefonisce pod čisłom 03571 979164 přizjewja.
Pytaja hladanske swójby
Budyšin. Krajnoradny zarjad pyta we wobłuku kampanje „Čehodla nic mje“ za swójbami, porikami a samokubłacymi, kotřiž su zwólniwi, dźěćom nowe doma dać. Přichodny informaciski wječor hladanskeje dźěćaceje słužby Budyskeho wokrjesneho młodźinskeho zarjada přewjedźe so online, 29. awgusta, w 17 hodź. Zajimcy njech so z mejlku na abo telefonisce pod čisłom 03591 5251-51347 přizjewja.
Knižne předstajenje a rozmołwa
Pytaja pomoc šoferow
Budyšin. Přećeljo motorskich Hornja Łužica pytaja zajimcow, kotřiž chcyli na lětnym wulěće dźěćom a młodostnym njezapomnite dožiwjenje zmóžnić. Młodźina přebywa za tón čas w „Domje při Čornobohu“ we Wuježku. Witani su tež wšitcy, z wotpohladom pomhać chcyć. Organizatorojo wočakuja dale wobdźělnikow ze zarjadnišćow Dźěćaceje archi Sakska z.t.
Loni je so 184 motorskich, trikow a jězdźidłow z přiwozom na wulěće wobdźěliło, mjez kotrymiž běchu tež Serbja. A tak wočakuje towarstwo tež lětsa zaso wulku ličbu akterow, kotřiž ze swojimi mašinami na dwór dźěćaceho doma we Wuježku jědu a so potom na turu po Hornjej Łužicy podadźa. Wosebje witani su šoferojo trikow kaž tež motorskich z přiwozom, zo móhli tež mjeńše dźěći wěsće sobu jěć. Zajimcy zetkaja so přichodnu sobotu, 31. awgusta, w 9.15 hodź. při křižowanišću Lubijska/Carolagarten w Budyšinje. W 11.30 hodź. pojědu wšitke jězdźidła po B6 přez Budyšin. Wobjedować chcedźa zapadnje a swačić sewjernje sprjewineho města. Zajimowani šoferojo njech so pola Bernda Gnaucka pod telefoniskim čisłom 0173 6444416 přizjewja.
Na podijowu diskusiju
Wojerecy. Sakska krajna centrala za politiske kubłanje přeprošuje dźensa, pjatk, 23. awgusta, wot 17 do 19 hodź do Łužiskeho centruma na diskusiju ze šěsć direktnymi kandidatami wólbneho wokrjesa 55. Tematizuja so njedostatk fachowcow, kubłanje a nutřkowna wěstota. Wobydlerjo su na rozmołwu přeprošeni. Zastup je darmotny.
Spominaja rjekowku
Dobruša. Na česć Marje Simonoweje, załožerki dźěła Čerwjeneho křiža w Sakskej, wotkryje Rada žonow na wsy Sakska z. t. sobotu, 24. awgusta, w 16 hodź. při jeje ródnym domje w Dobruši taflu k wopominanju na tam před 200 lětami narodźenu Serbowku. Tomu sćěhuje poswjećenje pomnika na Starym torhošću wsy. Njedźelu, 25. awgusta čita so na kěrchowje Trinitatis w Drježdźanach w 14 hodź. z noweje biografije wo njej kaž tež z jeje dopomnjenkow.
Chór Budyšin zaspěwa
Čornobóh. Chór Budyšin zaspěwa tutu njedźelu, 25. awgusta, w 14.30 hodź na Čornoboze. Kóždolětny koncert w lěću přiwabi do hosćenca na Čornoboze pućowarjow a lubowarjow serbskeje, němskeje, słowjanskeje a mjezynarodneje chóroweje hudźby. Zastup na koncert je darmotny. Spěwarjo pak pjenježne dary witaja.
Trjebaja nowe jewišćo
Njebjelčicy. Dźěći Njebjelčanskeje serbskeje pěstowarnje „Jan Skala – Barbojte kamuški“ trjebaja za zjawne wustupy nowe jewišćo. Dotal wužiwane mobilne jewišćo je wobškodźene a njehodźi so hižo sporjedźeć. Nowe jewišćo płaći 10 000 eurow. Přizwolene spěchowanske srědki pak njedosahaja. Tuž prosy Domizniske a kulturne towarstwo Njebjelčicy z.t. wo pjenježne dary. Nadrobne informacije namakaće pod: .
Finisaža wustajeńcy
Budyšin. Poslednja składnosć sej wustajeńcu „Ulrich Schollmeyer – wobrazy, teksty a modele“ w Budyskim měšćanskim muzeju wobhladać, budźe tutu njedźelu, 25. awgusta, w 14 hodź. Kaž hižo na wotewrjenju ju „next generation“ wobrubi. Skupina BandSchreibenVorfall z Halle čita ze swojich tekstow, kotrež su w ramiku wustajeńcy nastali. Nimo toho je składnosć, so z muzejowym pedagogu a wuměłcom Ulrichom Schollmeyerom, wo jeho wobrazach a modelach rozmołwjeć. Zastup wučinja mjez dwaj a sydom eurow.
78. literarna kofejownja
Wubědźowanje zahajene
Budyšin. Přichodny tydźeń zahaja w Budyskim wokrjesu 12. wubědźowanje „Naša wjes ma přichod“. Na nim jury projekty a iniciatiwy hódnoći, kotrež wobdźělnicy zwoprawdźa. Na aktualnym wubědźowanju wobdźěla so šěsć městow a wsow Budyskeho wokrjesa. Su to Sulšecy, Němcy, Hauswalde, Konjecy-Šunow a Oberlichtenau. Najlěpšej wsy zastupujetej wokrjes klětu na krajnym wubědźowanju.
Spominaja rjekowku
Dobruša. Mariji Simonowej, kotraž je załožerka dźěła Čerwjeneho křiža w Sakskej, wěnuje zjawnosć tuchwilu wulku kedźbnosć. Tuž sobotu, 24. awgusta, w 16 hodź. wotkryje Rada žonow na wsy Sakska z.t. při jeje ródnym domje w Dobruši taflu k wopominanju na tam před 200 lětami narodźenu Serbowku. Tomu sćěhuje poswjećenje pomnika na Starym naměsće wsy. Njedźelu, 25. awgusta, čita so na kěrchowje Trinitatis w Drježdźanach w 14 hodź. z noweje biografije wo njej kaž tež z jeje dopomnjenkow. Zajimcy móža jeje row wopytać. Zarjadowani stej zjawnej.
Čitanje wo dožiwjenjach wowki
Pomoc, hdyž widźiwosć zhubiš
Wojerecy. Brigitty Reimannowa měšćanska biblioteka we Wojerecach přeprosy jutře, štwórtk, 22. awgusta na akciski dźeń pod hesłom „Rada a pomoc při zhubjenju widźiwosće“. Tam poskića fachowcy potrjechenym a přiwuznym wot 10 do 13 hodź. radu a pomoc. Impulsowy přednošk zaběra so z temu „Widźu hinak hač ty. Žiwi być ze zbrašenjom. Što to rěka?“ Wot 11 hodź. je indiwiduelne poradźowanje móžne. Zajimcy a potrjecheni móža wšelake pomocne srědki k widźenju wuspytać. Dale zhonja wo móžnosćach podpěry, prawniskich a financnych narokach, spěchowanju na dźěłowym městnje a kubłanskich poskitkach. Biblioteka informuje wo nowej, darmotnej dalokowupožčowarni Němskeho centruma za bjezbarjerowe čitanje. Zastup na zarjadowanje je bjezpłatny.
Wobydlerski forum
Prěni zaryw za hudźbnu šulu
Budyšin. Budyska hudźbna šula ma do něhdyšeho zarjada za wobchad Budyskeho wokrjesa přećahnyć. Za to přewjedu srjedu, 21. awgusta, w 13 hodź. na Budyskej Tzschirnerowej 14a prěni zaryw. Na swjatočne zarjadowanje su zajimcy přeprošeni. Přichodnje bjezbarjerne twarjenje ma so modernizować a rozšěrić. Tam maja rumy nastać, kotrež wotpowěduja najwyšim akustiskim a techniskim wuměnjenjam.
Přehladka zaběra so z měrom
Slepo. W Slepjanskej cyrkwi pokazuja tuchwilu wustajeńcu plakatow Foruma ciwilna měrowa słužba z. t. pod hesłom „Mjezwoča měra“. Wone předstajeja ludźi, kotřiž su wójnu dožiwili. Mnozy z nich dyrbjachu ze swojeje domizny ćeknyć a zasadźeja so nětko za měr. Cyrkej je wšědnje wot 9 do 18 hodź. wotewrjena.
Wuměłstwo, kultura a zela
Pančicy-Kukow. Na Marije donjebjesspěća přeprošuje Křesćansko-socialny kubłanski skutk Sakska na zelowu njedźelu do klóštra Marijina hwězda w Pančicach-Kukowje. Abatisa Gabriela Hesse a klóšterske sotry konwenta wotewru tamniši zežiwjenski a zelowy centrum. Wot 14 hodź. wočakuje tam wšitkich hosći pisany kulturny program. Mjez druhim wustupi band wobydlerjow „Missionshofis“ a Serbski folklorny ansambl Wudwor, kaž tež band „YounGold“. Zdobom předawaja wikowarjo swoje twory. Na kónčnym nyšporje požohnuja so kwěćelki zelow, kotrež sej wopytowarjo sobu přinjesu.
Swjedźeń mosta nad Sprjewju
Lipa pola Deutschlandfunka
Pančicy-Kukow. Chór Lipa je tema aktualneho wusyłanja sćelaka Deutschlandfunk Kultur. Před měsacami běše Madlen Domašcyna serbske spěwne ćěleso za woblubowane wusyłanje namjetowała. Wčera připołdnju wusyłany přinošk je nětko tež online jako nowe čisło podcasta „Chor der Woche“ sćelaka Deutschlandfunk Kultur pod web-adresu słyšeć.
Skónčnje hudźić započeć
Wojerecy. Wot C do H – z tutym hesłom přeprošuje Wojerowska hudźbna šula na Dźeń wotewrjenych duri. Sobotu 17. awgusta wot 14 do 17 hodź. je składnosć so bjezpłatnje na instrumentach wuspytać, swójski hłós zeznać a zhonić, na kotre wašnje so spěwny hit komponuje.
Spěwać za wohroženy lěs
Rowno. Spěwny program ze spěwotwórcomaj Hornberger a Christofom Kluge budźe njedźelu, 18. awgusta, w 14 hodź. při Miłorazu w lěsu při Wochožanskej jamje. Jeju zhromadny program rěka: „Boži skutk a wobrazy čłowjeka“ z wuběrom spěwow a tekstow, kotrež maja humor a k rozmyslowanju pohnuwaja. Zarjadowarjo proša wo pjenježny dar.
Trěbne financy su zawěsćene
Worklecy. Twarske předewzaća Serbskeje wyšeje šule „Michał Hórnik“ we Worklecach je financielnje zawěsćene, zdźěli zapósłanc Sakskeho krajneho sejma Alojs Mikławšk (CDU). Přesadźenje wohnjoškita a přitwar lifta je nětko z přidatnej podpěru spěchowanja Sakskeje we wysokosći 241 000 eurow zaručene. Rozsud bě trěbny, dokelž nima gmejna Worklecy dosć swójskich srědkow za zaručenje tuteje nuznje trěbneje inwesticije.
Böhme koncertuje
Hejnice. Budyski cyrkwinskohudźbny direktor na wuměnku Friedemann Böhme hudźi sobotu, 17. awgusta, z organistom pišćeloweho koncerta na česć byrglow w tamnišej cyrkwi Marje wopytanja. Program wopřija twórby mjez druhim Edwarda Elgera, Felixa Mendelssohna-Bartholdyja a Leona Boellmanna. Koncert započnje so w 15.30 hodź., zastup je darmotny.
Na wulku knižnu party
