Krótkopowěsće (24.06.19)
Dóstanu spěchowanje
Pančicy-Kukow. Za dalše saněrowanje Šule Ćišinskeho w Pančicach-Kukowje přepoda statny sekretar w sakskim kultusowym ministerstwje Herbert Wolff gmejnje zajutřišim přizwolenje za wjace hač milion eurow spěchowanskich srědkow. W srjedźišću steja twarske naprawy za wohnjoškit z wuchowanskimi pućemi a za strowotniski škit. Dohromady chcedźa 1,4 miliony eurow nałožić.
Z Litawskeje so nawróćili
Budyšin. Chór 1. serbskeje kulturneje brigady je so sobotu po 15hodźinskej busowej jězbje z wuprawy do Litawskeje nawróćił. Kaž je na wšěch dlěšich busowych jězbach z wašnjom, spěwachu brigadnicy zahoriće pod přewodom instrumentow. Dźakowano darićelam a spěchowarjam ćělesa, organizatoram jězby a dirigentej Friedemannej Böhme mějachu woni wulke dožiwjenje.
Staćanstwo jednorišo dóstać
Z traktorom po měsće na swjedźeń
Termin sej zapisać
Budyšin. Lětuši dnjowy wulět Serbskeho šulskeho towarstwa za seniorow a dalšich zajimcow budźe 28. awgusta. Wobdźělnicy pojědu do Choćebuza-Rogeńca, wopytaja dožiwjensku zahrodu pola Noweje Wsy a Bórkowy, hdźež chcedźa tež čołmikować. Zajimcy měli sej termin hižo nětko zapisać, prosy organizator Měrćin Krawc. Dalše informacije budu sčasom rozpósłane.
Pjelsćić wuknyć
Dołha Boršć. Stare rjemjesło pjelsćenja předstaja jutře, sobotu, wot 9 do 13 hodź. na přirodoškitnej staciji wuchodneje Hornjeje Łužicy w Dołhej Boršći pola Mikowa. Sobudźěłaćerka Jana Uecker zajimcam rozłoži, kak móža kreatiwnje pjelsćene wudźěłki zhotowić. Wobdźělenje je darmotne.
Do kina pod hołym njebjom
Budyšin. Za čas Budyskeho lětnjeho dźiwadła pokazaja tež lětsa na Budyskim hrodźe stajnje wutoru w 21.30 hodź. kino pod hołym njebjom. Jako prěni předstaja přichodnu wutoru, 25. junija, film „Gundermann“, kotryž rysuje žiwjenje spěwytwórca a bagrownika Gerharda Gundermanna.
Hdźež literatura nastawa
Policija (21.06.19)
Pytaja skóncowane awto
Brěžki. Zhorjelska wobchadna policajska inspekcija zaběra so z wobchadnym njezbožom, kotrež je so wčera krótko po połnocy na statnej dróze S 285 mjez Brěžkami a Kulowcom stało. 17lětny młodostny a 14lětna sobujěduca běštaj tam z motorskim po po puću. Z dotal njeznateje přičiny dóńdźe k zražce z wosobowym awtom, při čimž so wobaj młodostnaj zraništaj. Jeju dyrbjachu do chorownje dowjezć. Zawinowar/ka pak ćekny. Na městnje njezboža namaka policija zbytki skóncowaneho lěweho wonkowneho špihela a dalšich dźělow awta. Kaž puzzle su je hromadźe zestajili a dźakowano informacijam awtowych wikowarjow móžachu potrjechene jězdźidło do dalokeje měry identifikować. Kaž policija zdźěli, jedna so wo slěbrošěry Suzuki Ignis, twarjeny w času wot 2003 do 2007. Na prědnim lěwym boku wokoło špihela je wón skóncowany. Tohodla pytaja nětko swědkow, kiž móhli pokiwy k tajkemu jězdźidłu podać abo kotřiž su skóncowane awto wčera abo dźensa něhdźe widźeli. Pokiwy přijimuja pod telefonowym čisłom 03591/ 36 70.
Gmejna derje hospodariła
Wobzamknjenje Rakečanskich radźićelow na dobro zakładneje šule
Rakecy (JK/SN). Posledni raz w dotalnej zestawje zetkachu so předwčerawšim Rakečanscy gmejnscy radźićeljo, zo bychu so wo wažnych rozsudach do lětnjeje přestawki dorozumili. Dobre dźěło zašłych lět a wosebje minjeneho wotbłyšćowaše so w přeswědčiwej połlětnej rozprawje financneho wotrjada gmejny, kotruž poda jeho nawodnica Franziska Pfeiffer.
Pře klěšće so lěpje škitać
Budyskemu strowotniskemu zarjadej su lěkarske praksy lětsa dotal štyri pady schorjenja na meningoencefalitis (FSME) zdźělili. Wirusowe to schorjenje z na gripu podobnymi symptomami.
Tak mjenowany klóšterski schód w Pančicach-Kukowje tuchwilu ...
Telekom dwurěčnje informuje
Krótkopowěsće (21.06.19)
Budyski wokrjes přiwzaty
Choćebuz. Budyski wokrjes bu na wčerawšej zhromadźiznje towaršnikow towaršnosće Łužiski hospodarski region w Choćebuzu oficialnje, to rěka z wobkrućenjom notara, jako jeje čłon přiwzaty. Nětko dźěła wšitke sydom administratiwnych cyłkow zhromadnje za žiwjenjahódny a wuspěšny přichod Łužicy, kaž towaršnosć zdźěla.
Acubijowy tiket přińdźe
Drježdźany. Wot 1. awgusta budu sakscy wukubłancy tuńšo z busom a ćahom po puću. Sakske wobchadne zwjazki zawjedu z podpěru swobodneho stata acubijowy tiket. Kóždy powołanski šuler móže sej tajki kupić. Swobodny stat podpěruje iniciatiwu z něhdźe 14 milionami eurow wob lěto. Tiket płaći w lětnym abonemenće 48 eurow na měsac.
Olympiadu wuhódnoćili
Z bywšeje šule nastanjetej hotel a wočerstwjenišćo
Łaz (AK/SN). Do mjeztym wosom lět prózdneho twarjenja bywšeje Běłochołmčanskeje zakładneje šule ma zaso žiwjenje zaćahnyć. Łazowska gmejnska rada je wutoru wobzamknyła, předać ležownosć a twarjenje za dohromady 40 000 eurow Drježdźanskemu inwestorej „perplex Holding & Consulting“. Předewzaće chce hač do lěta 2022 bywše kubłanišćo na dowolowu a wočerstwjensku připrawu přetwarić. Nastać maja třihwězdowy welnessowy hotel, zjawna kofejownja kaž tež wupožčowarnja kolesow a inlineskatow. Dohromady chce za to 4,2 milionaj eurow nałožić a 15 trajnych dźěłowych městnow wutworić.
