Smykać so a druhim přihladować
Krótkopowěsće (21.02.25)
Dźěłarnistwo žada sej wyše mzdy
Lubnjow. Koncernaj LEAG a MCR Engineering Lausitz stej dźensa swoje tarifowe jednanja zahajiłoj. Dźěłarnistwo IGBCE žada sej za dohromady 7 200 dźěłaćerjow dźewjeć procentow wjace mzdy w běhu dwanaće měsacow. „Jeničke žadanje a jasny fokus lětsa je wjace pjenjez w móšnjach kolegowkow a kolegow“, praji Holger Nieden, nawoda jednanjow ze stron dźěłarnistwa.
Prezentuja swójski krótkofilm
Budyšin. Po měsacy trajacym dźěle přeprošuje młodźinska platforma New World Studios 25. februara na ekskluziwne předstajenje dokumentacije „Nad třěchami Budyšina“ w kinje w Kamjentnym domje. Dokumentacija kombinuje cineastiske wašnje powědanja ze zajimawymi informacijemi a dowola nowy wid na město Budyšin. Zastup je darmotny.
„Gundi“ dale njezapomnity
Kula njedaloko słónca njeje měsačk
Nowych wobydlerjow z piwom do wsy witali
Ćisk (JT/SN). Hdyž so póstniski čas nachila, so mužojo w Ćisku hižo wjacore generacije na tak mjenowane póstniske piwo zetkawaja. Něhdy činjachu to často popjelnu srjedu. Mjeztym je za to jedyn z kóncow tydźenja do toho rezerwowany. Tak tež minjenu sobotu w Ćišćanskim „Zelenym wěncu“. Nimale sto muži bě tam přeprošenje wjesneje rady sćěhowało. Wjesny předstejićer Jens Zahrodnik składnosć wuži a na wjesołe a mjenje wjesołe podawki zašłeho lěta zhladowaše. Mjez druhim porěča wón wo tym, što su we wsy zdokonjeli, štó je zemrěł a kotre nadawki maja wobydlerjo lětsa zmištrować. Wobšěrnje informowaše wón wo předwidźanym projekće noweho serbskeho rěčneho a zetkawanskeho centruma, kiž ma w Ćisku nastać. W nim změja pěstowarnja, serbske dźěćace towarstwo a młodźinski klub nowy domicil.
Na dwórnišću zhromadnje warili
Radwor. 25 sobudźěłaćerjow spěchowanskeje šule swjateho Jana klóštra Marijineje hwězdy zetka so minjeny pjatk w Radworskim Dwórnišću inkluzije. W zetkanišću witaše jich přijomna atmosfera a wuhotowanje swědčeše wo tym, zo tam tež na maličkosće dźiwaja. Wopyt so na kóždy pad wudani.
Zaměr wječora bě, zhromadnje warić, wječerjeć a so rozmołwjeć. Raphaela Wićazowa a Jěwa-Marja Chěžcyna wobdźělnikow witaštej. Z nimaj smy sej mjez druhim dom z móžnosćemi přenocowanja wobhladali. Snano móhła tu tež raz jedna z našich šulskich rjadownjow přenocować?
Blida běchu z receptami a přisłuškami za meni ze štyrjomi pojědźemi z wjele lubosću přihotowane. Wšitcy sobudźěłaćerjo so spěšnje rozsudźichu, hač chcedźa předjědź, poliwku, hłownu jědź abo dessert spřihotować. Wězo je na kóncu wšitkim zesłodźało, tak zo podachu so spokojni na dompuć. Organizaciskemu teamej so w mjenje wšitkich sobudźěłaćerjow cyle wutrobnje dźakuju.
Regina Lehmann, jednaćelka spěchowanskeje šule swj. Jana
Rěč je inwesticija do přichoda
W zarjadniskim zjednoćenstwje Slepo nastawa wuwićowy koncept
Trjebin (AK/SN). Serbska kultura a žiwa dwurěčnosć stej pokład a wažna inwesticija do přichoda Slepjanskeho regiona. Tole wuzběhny Barbara Werling, sobudźěłaćerka Zhorjelskeho inženjerskeho běrowa Richter & Kaup njedawno na wobydlerskej dźěłarničce za wuwićowy koncept Slepjanskeho zarjadniskeho zjednoćenstwa w Trjebinje. Nowy koncept ma na dotalny z lěta 2006 nawjazać. 30 wobdźělnikow zaběraše so za třomi blidami z temami kubłanje, energija a woda.
Přiroda a wuměłstwo w přehladce
Dubrjenske bahno lubowarjow přirody kaž tež zajimcow wuměłstwa dawno hižo wobkuzłuje. Nětko stej přirodna a wuměłska stronka we wosebitej přehladce zjednoćenej.
Kamjenc (BG/SN). Na spočatku najwšelakorišich swjatočnosćow składnostnje 800. lětneho wobstaća Lessingoweho města Kamjenc prezentuje Muzej zapadneje Łužicy jónkrótnu wustajeńcu. Wo tym bě so mjez zajimcami hižo do toho rěčało. Bjez dźiwa, zo bě nawal k wotewrjenju přehladki minjeny pjatk hoberski. Ani jeničke městno njewosta swobodne.
Na Rownjanskim Njepilic statoku su so žony póndźelu a wčera k ...
Krótkopowěsće (20.02.25)
Prawicarjo w šuli policije
Drježdźany. W druhej połojcy zašłeho lěta, je so zapósłanča Lěwicy w Sakskim krajnym sejmje Juliane Nagel, za ličbu padow z prawicarskim podhladom w sakskej policiji naprašowała. Nětko je nutřkowne ministerstwo Swobodneho stata zdźěliło, zo je w tutej dobje 20 tajkich było. Hač na wuwzaći su wšitke pady we wokolinje Wysokeje šule sakskeje policije (FH) we łužiskim Rózborku zwěsćili.
Nowe warianty sakskeho dialekta
Lipsk. W interviewje hladajo na jutřiši dźeń maćeršćiny zwěsća Lipšćanski rěčny wědomostnik Simon Oppermann, zo so sakski dialekt njepozhubi, ale po jeho měnjenju skerje přeměnja. Wosebje mjez młodostnymi dožiwja změnu wot zakładneje formy k nowym wariantam dialekta. Tež socialne medije, w kotrychž je dialekt přiběracy trend, maja wliw na to.
Nócny spektakl na njebju
