Škot sej jako hobby wotkryła
Krótkopowěsće (05.02.25)
Twarja bórze dźěle za pancery
Zhorjelc. Zwjazkowy kancler Olaf Scholz (SPD) je dźensa ze sakskim ministerskim prezidentom Michaelom Kretschmerom (CDU) w Zhorjelcu oficialnje wozjewił, zo so tamniša twornja Alstom brónjenskemu koncernej KNDS předa. W Zhorjelskim zawodźe Alstom dźěła 700 ludźi. Tam chcedźa w přichodźe dźěle za pancery zhotowić.
Dwójnemu etatej přizwoliła
Budyšin. Sakska krajna direkcija je dwójnemu etatej za lěće 2025 a 2026 Budyskeho wokrjesa přizwoliła. Předwidźanym kreditam a inwesticijam je direkcija pod wěstymi wuměnjenjemi přihłosowała. Cyłkowny wolumen wučinja lětsa něhdźe 680 milionow eurow, klětu budźe to 703 milionow eurow. Lětsa drje hodźi so etat z rezerwami wurunać. Klětu pak je deficit, čehoždla dyrbi Budyski wokrjes strukturny koncept zdźěłać.
Němske wotpadki w Čěskej
Přednošk: Dubrjenske bahno
Wojerecy. Towaršnosć za domiznowědu Wojerecy – muzejowe towarstwo přeprošuje srjedu, 5. februara, w 17 hodź. wšitkich zajimcow na přednošk „Dubrjenske bahno – poslednja wulka bahnojta kónčina w Hornjej Łužicy“ do kaminoweje stwy we Wojerowskim hrodźe. Referent Herbert Schnabel angažuje so hižo z 1970tych lět za zdźerženje přirodoškitneho pasma. Zastup płaći pjeć eurow. Zarjadowarjo proša wo přizjewjenje pod telefoniskim čisłom 03571 20937500.
Měšćanosta wobkrućeny
Šěrachow-Korzym. Sven Gabriel wostanje měšćanosta w měsće Šěrachow-Korzym. 87,8 procentow wolerjow je wčera za njeho hłosowało. Gabriel běše jenički kandidat za tute zastojnstwo, kotrež wón nětko w třeći raz nastupi. Wolerjam bě dowolene dalšu wosobu na wolerski lisćik napisać. Při wuličenju hłosow jewješe so tak dalšich něhdźe 70 namjetow za kandidatow za zastojnstwo. 51,1 procent wólbokmanych běše swój hłós wotedało. Gabriel chce Korzymsku termalnu kupjel saněrować, nakupowanišća wuwiwać a gratownju we Chróstawje natwarić.
Měsačkowe latarnčki paslić
Camprujo po wsy ćahnyli
Policija (04.02.25)
Pjany policistow skřiwdźił
Wojerecy. Zastojnicy Wojerowskeho policajskeho rewěra su njedźelu popołdnju na Budyskej aleji we Wojerecach wočiwidnje sylnje alkoholizowaneho kolesowarja zadźerželi. Test na alkohol pokaza 1,86 promilow. Policisća jemu na blaku zakazachu dale jěć. To pak so pjanemu kolesowarjej scyła lubiło njeje. Wón započa so huntorić a swarjeć, při čimž policistow z wudmami tež wosobinsce skřiwdźi. Jako chcyše swoje koleso při sćežoru na kromje puća wotstajić, zhubi 64-lětny němski staćan runowahu a wali so na kromu chódnika. Při tym so zrani, tak zo dyrbjachu jeho zastojnicy do chorownje dowjezć, zo bychu jemu tam krejnu probu wotewzali a blesury lěkowali. Wojerowčana wočakuja nětko prawniske konsekwency pjanosće w nadróžnym wobchadźe a skřiwdźenja zastojnikow dla.
Wopačne parkowanje z wuskutkami
Ze zmylkami so rozestajeli
Wobydlerjo přeja sej lěpšu komunikaciju ze stron towarstwa Knappenman
Běły Chołmc (AK/SN). Při Třižonjanskim jězoru we Łužiskej jězorinje wotměje so 30. a 31. awgusta zaso Hórnikečanski triatlon, mjeztym hižo 37. raz. Loni njeběchu zarjadowarjo spokojom. Tež Běłochołmčenjo, kotřiž su wot zarjadowanja njeposrědnje potrjecheni, přeja sej sčasom konkretne informacije.
Natwarja nowej mostaj nad Sprjewju
Sprjejcy (JoS/SN). Hižo někotre lěta wutwarja Łužiska a srjedźoněmska towaršnosć hórnistwoweho zarjadnistwa (LMBV) w gmejnje Sprjewiny Doł mjez Bórkhamorom a Sprjejcami Mału Sprjewju. Z tym chcedźa kapacitu wody w rěčce zwyšić a zdobom lěpše zastaranje hłowneje Sprjewje z wodu zaručić, do kotrejež so wona w Sprjejcach wuliwa. Doskónčnje zaruča naprawa konstantne zastaranje Błótow kaž tež metropoloweho regiona Berlin z wodu.
Wot nowembra lěta 2024 do decembra 2025 chce LMBV we wobłuku wutwara rěčnišća starej Sprjejčanskej mostaj nad Sprjewju wottorhać a nowej natwarić. Stary hospodarski móst sewjernje železniskeho mosta brunicoweje železniskeje čary Čorna Pumpa-Hamor bu hižo spotorhany. Přihoty za nowotwar su zahajene. Město stareho mosta ma niski betonowy móst z wjacorymi stołpami nastać. Móst samsneho typusa ma po planach LMBV tež dalši, sto metrow zdaleny stary móst za pěškow južnje brunicoweje železniskeje čary narunać.
Tež wjesnjanosta Swen Nowotny (CDU, 2. wotlěwa) běše minjeny pjatk ...
Korpus z křiža pokradnyli
Krótkopowěsće (04.02.25)
Wobšěrny program předstajili
Kamjenc. Składnostnje měšćanskeho jubileja „800 lět Kamjenc“ je lětsa wobšěrny program předwidźany. Wčera su organizatorojo programowy zešiwk za swjedźenski kónc tydźenja w meji předstajili. Na štyrjoch jewišćach w měsće su zarjadowanja tež ze serbskim podźělom planowane. Mjez druhim tam Popsorben, Holaski, Horjany abo rejowanskej skupinje Smjerdźaca a Wudwor wustupja.
Forum wědy 10 milionow dróši
Budyšin. Serbski forum wědy na Lawskim arealu, nowe stejnišćo Serbskeho instituta a Serbskeho muzeja, budźe město spočatnje planowanych 44,5 milionow něhdźe 55 milionow eurow płaćić. Tutu sumu nam direktor Załožby za serbski lud Jan Budar wobkrući. Zo bychu dale na wulkoprojekće dźěłać móhli, ma sakske ministerstwo za infrastrukturu a wuwiće kraja kóštam přizwolić.
Program Lěwicy tež serbsce
