Krótkopowěsće (20.08.24)
Dźěłarnička zahajena
Miłoćicy. Při Miłočanskej skale bu wčera mjeztym hižo 18. mjezynarodna rězbarska dźěłarnička zahajena. Dohromady dźewjeć wobdźělnikow mjez druhim z Němskeje, Kolumbiskeje, Demokratiskeje republiki Kongo a Turkowskeje chce w přichodnymaj tydźenjomaj twórby ze zornowaca, drjewa a metala zhotowić. Wudźěłki prezentuja 1. septembra na swjedźenju za swójby, zajimcy smědźa tež cyły proces nastawanja wuměłcam přez ramjo hladajo sćěhować.
Myto předewzaćelej
Budyšin. Faza nominowanja wuspěšneho Hornjołužiskeho myta za předewzaćelow je zahajena. Mjeztym 29. raz pyta Marketingowa towaršnosć Hornja Łužica-Delnja Šleska w nadawku Budyskeho a Zhorjelskeho wokrjesa wusahowaceho předewzaćela. Požadanja měli akterojo hač do 17. septembra zapodać. Na internetnej stronje www.ol-up.de je wotpowědny formular podaty.
„Hrádek“ ponowjeny
Brjody w žołdku – přičiny a symptomy (I. dźěl)
Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow prócuja. K tomu přinošować chce naša serija z pokiwami z weterinarneje mediciny. (39)
Běži-li požiwanje kaž na štryčku, je organizm strowy. Wězo njepřitrjechi to w kóždym padźe. Ale kaž je čłowjekej začuće w brjuše dobry radźićel, tak so často tež pola skotu pokaza, je-li schorjeł, zo jemu něšto ćežko w žołdku leži.
Spočatne zahorjenje w žołdku móže so hač k hłubokemu brjodej (Geschwür) wuwiwać. Přičiny nastaća brjodow su wšelakore. Formy brjodow rozeznawaja so mjez družinami zwěrjatow, runje tak kaž jich wuskutki.
Typiske wonkowne přičiny, kotrež přez picu brjody w žołdku wuskutkuja, su na př.: wótre abo škropawe dźělčki, parazity, medikamenty abo tež jědojte wabjenki (Giftköder).
Najprjedy dźěło a potom party
Policija (19.08.24)
Njezbožo ze štyrjomi mortwymi
Fischbach. Na B 6 w Arnsdorfje, we wjesnym dźělu Fischbach, je sobotu popołdnju k ćežkemu wobchadnemu njezbožu dóšło. Při přesćehnjenju je Audi Q7 z VW Passatom hromadu zrazył. Audi na to do štoma zrazy a so na druhim boku jězdneje přewali. 61lětnu sobujěducu sanitetarjo ćežko zranjenu do chorownje dowjezechu. 64lětny šofer awta a třo sobujěducy pak na městnje njezboža wudychachu.
Prěni zaryw za hudźbnu šulu
Budyšin. Budyska hudźbna šula ma do něhdyšeho zarjada za wobchad Budyskeho wokrjesa přećahnyć. Za to přewjedu srjedu, 21. awgusta, w 13 hodź. na Budyskej Tzschirnerowej 14a prěni zaryw. Na swjatočne zarjadowanje su zajimcy přeprošeni. Přichodnje bjezbarjerne twarjenje ma so modernizować a rozšěrić. Tam maja rumy nastać, kotrež wotpowěduja najwyšim akustiskim a techniskim wuměnjenjam.
Přehladka zaběra so z měrom
Slepo. W Slepjanskej cyrkwi pokazuja tuchwilu wustajeńcu plakatow Foruma ciwilna měrowa słužba z. t. pod hesłom „Mjezwoča měra“. Wone předstajeja ludźi, kotřiž su wójnu dožiwili. Mnozy z nich dyrbjachu ze swojeje domizny ćeknyć a zasadźeja so nětko za měr. Cyrkej je wšědnje wot 9 do 18 hodź. wotewrjena.
Na wustajeńcu do „Kornija“
Wulku zhromadnosć začuwali
Wěra a serbska rěč stej stołpaj, na kotrymajž ma so dźěłać
Čorny Chołmc (AK/SN). W bróžni Krabatoweho młyna knježeše njedźelu popołdnju wjesoła zhromadnosć. 18. Serbski ewangelski domizniski dźeń běše jasne wuznaće k wěrje a serbskej rěči. Joachim Nagel, iniciator domizniskeho dnja w lěće 2007, bě wosebje hłuboko hnuty, jako ludźo serbsce spěwachu. 77lětny něhdyši farar ewangelskeje Janskeje wosady Wojerecy-Stare město rjekny, zo je w młynje rady z hosćom. „Tajki młyn je dynamiski. To je wažne tež za nas. Wšako w serbskim přisłowje rěka: ‚Njeklepotaj jenož, pokazaj mi tež muku.‘“ Hodźiny so spěšnje minychu. Dźěći z pěstowarnje „Krabat“ w Čornym Chołmcu, kotraž je w nošerstwje Dźěłaćerskeho dobroćelstwa Wojerecy, su z kulturnym programom překwapili. Tež holcy tamnišeje nałožkoweje skupiny pod nawodom Sunhild a Petera Schreibera přijachu sylny přiklesk. Wone zawjeselichu wopytowarjow ze znatymi rejemi kaž „Stup dale“ a „Slepjanska polka“. Zdobom pak předstajichu tež tři nowe reje.
Derje bydlić – z podpěru
Nowotwar AWO-Łužicy běchu njedawno oficialnje wotewrili. Prěni wobydlerjo su do hladanskeho wobłuka hižo zaćahnyli. Ći, kotřiž so w přichodźe wo nich staraja, tam hižo wjacore dny dźěłaja. Wobydlerjo bydlenjow tam bórze přićahnu.
Wojerecy (SiR/SN). Twarjenje „Derje bydlić“, kotrež je Wojerowske Dźěłaćerske dobroćelstwo twariło, skedźbnja na so w čerwjeno-běłych barbach AWO a hodźi so do bydlenskeje štwórće „Štož dołho traje, so derje skónči.“ Tele přisłowo so k stawiznam domu hodźi. „Wšako běše zwoprawdźenje woprawdźity marathon“, so Jens Nixdorf, mějićel planowanskeho běrowa „Gatas – dobra architektura ze Sakskeje“, dopomina.
18. Serbski ewangelski domizniski dźeń w Čornym Chołmcu je wčera ...
Krótkopowěsće (19.08.24)
Maja nowu webstronu
Slepo. Slepjanska Serbska wyša šula „Dr. Marja Grólmusec“ ma nowu šulsku webstronu, a to w němskej kaž tež serbskej rěči. Stronu su wjacori šulerjo pod nawodom wučerja Marcela Rjelki wuhotowali. Šulski nawoda Jan Hrjehor je wšitkim swój dźak za přesadźenje projekta wuprajił. Zajimcy móža nětko w interneće pod www.os-schleife.de nowosće z dwurěčneho kubłanišća zhonić.
Ministerka wopyta „Wjelbik“
Budyšin. Sakska ministerka za kulturu a turizm Barbara Klepsch je pjatk na přeprošenje serbskeho zapósłanca krajneho sejma Marka Šimana hosćenc „Wjelbik“ wopytała. Mějićelka Monika Lukašowa w kampani „Turizm: słodźi. Pola nas w Sakskej“ sobu skutkuje. W rozmołwje z njej a šefkucharjom Tomašom Lukašom je ministerka zhoniła, zo zajim za serbsku kulturu přiběra.
Ćahi zastać njesmědźa
