Twarnišćo wobchad poćežuje
Wustajeja adwentnu pychu
Wudwor. Tydźeń do prěnjeho adwenta je čas, so wo adwentnu pychu w bydlenju starać. Pokiwy za to dóstanu zajimcy w adwentnej wustajeńcy Krollec zahrodnistwa we Wudworju. Njedźelu, 23. nowembra, je přehladka wot 10 do 18 hodź. wočinjena a nadźijomnje prawje wjele wopytowarjow přiwabi.
Wo stawiznach dźenika
Budyšin. „Nowa doba – čerwjeny blot abo serbski dźenik?“ je hesło zarjadowanja stawizniskeje sekcije Maćicy Serbskeje wutoru, 25. nowembra, w 15.30 hodź. na žurli Budyskeho Serbskeho domu. Zarjadowanje wěnuje so prašenju, kotre wuskutki je na nowinu měło, zo je so Nowa doba před 70 lětami, 1. oktobra 1955, z dźenikom stała. Wo tym porěčitaj diplomowaj žurnalistaj Sieghard Kozel a Axel Arlt.
Koncert w klóšterskej cyrkwi
Pančicy-Kukow. Komorny chór nota bene leipzig pod nawodom profesora Martina Krumbiegela wuhotuje njedźelu, 23. nowembra, w 17 hodź. koncert w klóšterskej cyrkwi w Pančicach-Kukowje. Mjez druhim zaklinči twórba „Musicalische Exequien“ Heinricha Schütza kaž tež kruchi dalšich komponistow 17. do 21. lětstotka. Zastup je darmotny. Organizatorojo proša wo dary.
Radźićeljo wuradźuja
Iniciatiwu młodostnych mytowali
Čorny Chołmc/Němcy (AK/SN). Młodźinskej klubaj w Čornym Chołmcu a Němcach stej dwaj z cyłkownje dźewjeć dobyćerjow wubědźowanja „Młodźina region pohibuje“. Organizowało bě je Towarstwo za wuwiće wsow we łužiskej jězorinje. Kóždy z dobyćerjow dóstanje tysac eurow. W Čornym Chołmcu chce towarstwo pódlanski rum z čerstwej barbu porjeńšić kaž tež z nowymi meblemi wuhotować. W Němcach přewjeduje młodźinski klub hižo 30 lět hudźbny festiwal „Wjesny rock“. Z dobytymi tysac eurami wurunaja wudawki lětušeho zarjadowanja.
W juniju su wubědźowanje zahajili. „Spočatnje je trochu pomału šło, dokelž bě jenož mało zajimcow“, powěda předsyda organizowaceho towarstwa Dietmar Bär. Tohodla su so na wjesnych předstejićerjow Leaderoweho regiona łužiskeje jězoriny wobroćili a za wubědźowanje wabili. Mjez wšitkimi zajimcami móžachu cyłkownje 10 000 eurow rozdźělić, tuž dósta kóždy z dźewjeć kandidatow tysac eurow.
Pod hesłom „Wčera, dźensa, jutře“ su štwórtk w Budyskim ...
Manfreda Hermaša rozžohnowali
Krótkopowěsće (21.11.25)
Skóržbu wotpokazało
Drježdźany. Drježdźanske zarjadniske sudnistwo je wčera skóržbu towarstwa Smy přećiwo Załožbje za serbski lud wotpokazało. Załožba njebě towarstwu přiražku k institucionalnemu spěchowanju Serbskeho sejma přizwoliła. Sudnicy wobkrućichu, zo njewotpowědowaše spěchowanska próstwa směrnicam a zaměram załožby. Po měnjenju sudnikow bě proces posudka prawnisce korektny.
Nowe dwójne načolnistwo
Budyšin. Intendant Němsko-Serbskeho ludoweho dźiwadła Budyšin Lutz Hillmann je dźiwadźelnicu Juliju Klingnerowu a dźiwadźelnika Mariana Bulanka jako zastupjerjow intendanta za serbske dźiwadło powołał. Jeli wuběrk Budyskeho wokrjesneho sejmika rozsud klětu formelnje wobkrući, so pozicija z tym prěni raz wot dweju wosobow wobsadźi.
Słowjanske mjeńšiny so schadźuja
TCM na škot a rommé přeprosyło
Přednošuje wo krosnowanju
Policija (20.11.25)
Muž po njezbožu zhubjeny
Lejno. Na Lejnjanskim jězoru je so wčera po připołdnju njezbožo stało. Wot toho časa pytaja za 63lětnym mužom. Wón bě zhromadnje z dwanaćelětnym hólcom z čołmikom na wodźe. Z dotal njeznateje přičiny so čołmik krótko po 13 hodź. po wšěm zdaću zwróći a muž a hólčec padnyštaj do wody. Pomocnikam so poradźi, hólca z wody wućahnyć. Jeho dowjezechu lochce zranjeneho do chorownje. Muža pak namakali njejsu. Tohodla zwołachu wuchowanske mocy ze Sakskeje a Braniborskeje na městno njezboža. Nimo helikoptera zasadźichu trut a wjacore wuchowanske čołmy policije, wohnjoweje wobory, wuchowanskeje słužby a wodoweje straže. Jako so ćmičkać poča, pytanske naprawy na wodźe přetorhnychu. Dźensa chcychu dale za mužom pytać a při tym tež nurjakow zasadźić, kaž Zhorjelska policajska direkcija zdźěli. Nimo kriminalneje policije tež wodowa škitna policija njezbožo na Lejnjanskim jězoru přepytuje.
Zmij a lutkaj w nakupowanišću
Wojerecy (KD/SN). Powědkowe figury kaž Krabat, lutki abo wódny muž maja we Wojerowskim Łužiskim centru dawno hižo swoje městno. Wo to starataj so mjez druhim pjekar Clemens Brězan, kotryž swoju kofejownju Mysticus a pjekarske předawanišćo wotpowědnje wuhotuje, a centerowa managerka Madeleine Matschke.
Nětko maja tam nowe postawy. Zmija a lutkaj bě pólski drjeworězbar Sylwester Chłodźinski zhotowił. Nimo toho su we Łužiskim centru wotnětka nasćěnowe wobrazy Slepjanskeho wuměłca Jörga Tauscha a powědkowy štom widźeć. Štóž do nakupowanišća přichadźa, wšitko to wuhlada. Krok po kroku mystiske postawy samo hłós dóstawaja, tak zo móža serbsce a němsce wo sebi powědać, Madeleine Matschke rozłožuje. Tule ideju zwoprawdźa rěčna motiwatorka Maria Šołćic.
