Notowe zbožo a wučerpowacy wjeršk
Budyšin (SN/bn). Posledni raz w aktualnej hrajnej dobje je Serbski ludowy ansambl sinfoniski koncert wuhotował. Porno předchadźacym třom koncertam wzdachu so tónraz wosebiteho hesła, štož pak njebě minjenu njedźelu jenička překwapjenka něhdźe 40 wopytowarjam. Poprawom dźe chcyše Serbska komorna filharmonija suitu „Ze serbskeje zemje“ Bjarnata Krawca předstajić, štož pak dosć njewšědneje přičiny dla móžno njebě. Pruwujo transkripciju originalneho rukopisa za nowu, orchestrej SLA přiměrjenu partituru bě so mjenujcy někotražkuli zajimawostka wujewiła, kotraž sej dokładnu analyzu žada, kajkaž twori w muzikologiji zakład tak mjenowaneje kritiskeje rozprawy. A wědomostna akuratesa sej tohorunja tójšto žada, znajmjeńša a najčasćišo čas. Twórba zaklinči tuž pozdźišo, dokładny termin hišće jasny njeje.
W radźe maja nowu frakciju
Třo zapósłancy AfD Slepjanskeho parlamenta kroča po swójskim puću
Slepo (AK/SN). Třo gmejnscy čłonojo frakcije AfD Slepjanskeje gmejnskeje rady wutworja swójsku frakciju. Wona mjenuje so Zajimowe zjednoćenstwo Slepo a wjesne dźěle. Tole zdźěli wjesnjanosta Jörg Funda (CDU) předwčerawšim na posedźenju gmejnskeje rady. Nowej frakciji přisłušeja Falk Passow, Angelika Kuhz a Christian Vieweg. Passow, kiž je zdobom Rownjanski wjesny předstejićer, je předsyda frakcije. Frakciji AfD Slepjanskeje gmejnskeje rady přisłuša nětko jenož hišće Mathias Lampe.
Cyły dźeń na dobro pčołkow
Hojenska rostlina mnohostronska
Z hojenskej rostlinu lěta zaběra so stajnje spočatk junija fachowy sympozij w klóštrje Marijina hwězda Předwčerawšim su tam hojenskej rostlinje lěta 2026 a 2027 předstajili.
Pančicy-Kukow (SN/MWj). „Rěpnica – rjanosć, delikatesa a hojenska rostlina“ rěkaše wutoru na čerwjenej žurli klóštra Marijina hwězda w Pančicach-Kukowje hesło lětušeho fachoweho sympozija wo hojenskich zelach. Zarjadowanje přiwabi wjace hač 80 zajimcow. Na nje přeprosyłoj běštej Sakski krajny kuratorij za wjesnu kónčinu a towarstwo NHV Theophrastus.
W srjedźišću steješe rěpnica (Gemeine Nachtkerze, Oenothera biennis), kotraž je hojenska rostlina lěta 2026. „Z napadnje žołtej barbu kćějaca rostlina je w zahrodach runje tak rozšěrjena kaž na kromach pućow a na najwšelakorišich skłoninach“, zdźěli nowinska rěčnica kuratorija Uta Große. Charakteristiske je, zo so jeje kćenja we wječornych hodźinach wočinja, štož je jej jeje mjeno spožčiło.
W Pančicach-Kukowje maja wot wčerawšeho nad Klóšterskej wodu zaso ...
Krótkopowěsće (04.06.26)
Wuhodnoća točenja
Nowoslicy. Projektowy team Einsteinoweho teleskopa přeproša po točenjach blisko Nowoslic na informaciske zarjadowanje za zajimcow wokoliny. Na nim chcedźa wuslědki přepytowanjow prezentować a na prašenje wotmołwić, hač so region za Einsteinowy teleskop hodźi. Zarjadowanje přewjedźe so 11. junija w 16 hodź. direktnje na městnje točnenja.
Nowa profesura wupisana
Lipsk. Uniwersita Lipsk wupisuje wotnětka nowu juniorowu profesuru za serbsku literaturu a kulturu. Městno ma slědźenje a wuwučowanje w předmjeće sorabistiki sylnić kaž tež poskitk za studowacych rozšěrić. Serbja su so dołho za přidatnu profesuru na instituće zasadźowali. Po wuspěšnym wupruwowanju móhło so městno trajnje wobsadźić. Požadanja su hač do 24. julija móžne.
Chór zwučuje za koncert
Młodostni a dźěći rejowali
Nowu wohnjowobornu gratownju sobotu poswjeća
Minjene měsacy je w Rakečanskim wjesnym dźělu Stróža nowa gratownja dobrowólneje wohnjoweje wobory nastawała. Z njej změja wobornicy nětko wjele lěpše wuměnjenja hač dotal.
Stróža (UM/SN). Nahladne, z dweju dźělow wobstajace płone twarjenje je minjene měsacy w Stróži w Rakečanskej gmejnje nastawało. Je to nowa gratownja dobrowólneje wohnjoweje wobory w najsewjernišej wsy Rakečanskeje gmejny. Wjesnjanosta Swen Nowotny (CDU) rozłoži, čehodla bě tale inwesticija trěbna: „W swojej dotalnej gratowni dyrbjachu wohnjowi wobornicy pod jara wuskimi rumnostnymi wuměnjenjemi dźěłać. Jězdźidło steješe direktnje při kamorach za předrasćenje. To wězo žane dobre wuměnjenja njejsu, hdyž dyrbiš so na zasadźenje přihotować.“ Spočatnje chcychu wobstejacu gratownju ponowić. Tale warianta pak njeskićeše žanu móžnosć, twarjenje rozšěrić. Tuž so gmejnska rada za nowotwar na Hrodowskim puću w bjezposrědnjej bliskosći k zwjazkowej dróze B 96 a k młodźinskemu klubej rozsudźi.
Přepytuja morjenje před 15 lětami
Běła Woda (SN/MWj). Z njewšědnym kriminalnym padom, kiž zdaše so hižo wotzamknjeny być, zaběra so tuchwilu policija w Běłej Wodźe. Při tym jedna so wo morjenje, kotrež bě so před 15 lětami stało. K tomu ma policija prašenja, při kotrychž wujasnjenju móhli wobydlerjo snano pomhać, kaž Zhorjelska policajska direkcija zdźěla.
Što bě so stało? W rańšich hodźinach 29. meje 2011 přizjewi so tehdy 58lětny Hans-Joachim B. pola policije a zdźěli, zo je swoju mandźelsku Bärbel B. zabił a zo móža jeho na Luxemburgowej w Běłej Wodźe zajeć. Policisća namakachu žonu z ćežkimi zranjenjemi, zawinowanymi po wšěm zdaću z ćěsliskim hamorom. Ju dowjezechu do chorownje, hdźež wona něšto dnjow pozdźišo zemrě. Morjenja dla zasudźi Zhorjelske krajne sudnistwo Hansa-Joachima B. 26. apryla 2012 k pjeć lětam jastwa. Kak je so njeskutk stał, je hač do dźensnišeho njejasne, přetož zasudźeny so pječa na ničo dopominać njemóžeše. We wobłuku přepytowanjow policije a tež sudniskeho jednanja wón ničo njerjekny.
Pod aplawsom wotešoł
André Bulank posledni raz posedźenje gmejnskeje rady nawjedował
Njebjelčicy (JK/SN). Hižo při wozjewjenju dnjoweho porjada wčerawšeho posedźenja Njebjelčanskeje gmejnskeje rady skedźbni wjesnjanosta André Bulank (njestronjan) na to, zo chce k swojej wosobje a rozsudej, so zastojnstwa wjesnjanosty wzdać, něšto rjec. To chcyše samo na sebi činić we wobłuku informacijow wjesnjanosty. Dokelž pak so fachowc, kotryž měješe radźićelam wo pruwowanju kónclětneho wotličenja za lěto 2018 rozprawjeć, zapozdźi, so wotběh dnjoweho porjada změni.
