To a tamne (01.11.22)
W spomnjeću na Edith von Wolffersdorff
Znata Budyska kubłarka a komunalna politikarka Edith von Wolffersdorff je dźens tydźenja w 86. žiwjenskim lěće zemrěła.
Edith von Wolffersdorff je njeboh. Bywšu wučerku Rožšěrjeneje wyšeje šule „Friedrich Schiller“ w Budyšinje sym w lětach měrliweje rewolucije bliže zeznał, jako so za politiske a kulturne wobnowjenje w Serbach a Łužicy angažować počach. Nimo Günthera Hörenza, Jutty Mieth a Dietholda Tietza słušeše Edith von Wolffersdorff k wonym nowym a njepoćeženym komunalnym politikarjam w Budyšinje, kiž mje tehdy sobu do womłodźenja strony Willyja Brandta nawabichu; spočatk meje 1990 dach so skónčnje do SPD zapřahnyć. Krótko po tym – 23. meje 1990 – bu Edith von Wolffersdorff na štyri lěta do zastojnstwa Budyskeje decernentki za kubłanje a kulturu wuzwolena, ja sam pak nazymu na to po dwěmaj diktaturomaj jako zapósłanc SPD do 1. sakskeho krajneho sejma woleny – tohorunja na štyri lěta.
Z rewitalizaciju pokročować
Musk chce so ze šefom stać
San Francisco (dpa/SN). Miliardar Elon Musk chce so najprjedy sam ze šefom předewzaća Twitter stać, informuje dźensa financna słužba Bloomberg. W nocy bě miliardar wozjewił, zo je koncern kupił. Musk je hižo šef mjez druhim zhotowjerja elektroawtow Tesla a swětnišćoweje firmy SpaceX. Hladajo na Twitter chce Musk swoju připowědź zwoprawdźić, móžnosć blokowanja wužiwarjow wotstronić, kotřiž na čas žiwjenja płaća. Tohorunja chce wón wjace swobody měnjenjow zmóžnić.
Wissing dojednanje wita
Berlin (dpa/SN). Dojednanje EU, zo so wot lěta 2035 hižo žane nowe z dieselom abo bencinom ćěrjene awta njepředawaja, zwjazkowy wobchadny minister Volker Wissing (FDP) jara wita. „To je wažne. Tak móhli naše klimowe cile docpěć. Dyrbimy wšě k dispoziciji stejace klimje přichilene technologije wužiwać“, wón dźensa w Berlinje wuzběhny. Dojednanje běchu zastupjerjo krajow EU a Europskeho parlamenta wčera wječor wobzamknyli.
Pawšali tema wuradźowanjow
Pasanća běža nimo zničeneho nakupowanskeho centruma w ukrainskim ...
Škody zapłaćić
Dalše ruske pomniki spotorhali
Waršawa (dpa/SN). W Pólskej su štyri dalše pomniki Čerwjeneje armeje spotorhali. Jedna so wo „monumenty łžě a symbole za system, kotrehož duch so w tuchwilnym jednanju Ruskeje wotbłyšćuje“, zdźěli direktor Instituta za narodne wopominanje Karol Nawrocki wčera w hornjošleskich Głubczycach. Tam kaž tež w třoch dalšich sydlišćach su pomniki wotstronili. Wjetši dźěl wobrónjenych mocow Sowjetskeho zwjazka rěkaše hač do lěta 1946 Čerwjena armeja.
Za nju su w Pólskej w času komunizma po podaćach instituta 500 tak mjenowanych „pomnikow dźakownosće“ postajili. Při tym jednaše so wo monumenty na zjawnych městnach, hdźež njeběchu žane smjertne powostanki wojakow. Mnohe z wopisanych „pomnikow dźakownosće“ wšak su w Pólskej mjeztym spotorhali abo do muzejow přenjesli. Wojerske pohrjebnišća za padłych wojakow Čerwjeneje armeje porno tomu stat dale hlada.
(Nje)zamołwita wólnosć
Kriza zmóžnja spěšnišu změnu
Do zahajenja Mjezynarodneje klimoweje konferency analyzy předstajili
Paris (dpa/SN). Krótko do zahajenja Mjezynarodneje klimoweje konferency w Egyptowskej je jedna z dweju mjezynarodneju organizacijow pozitiwny wuhlad do přichoda podała. Globalna energijowa kriza ma najebać hospodarskich ćežow potencial, energijowu změnu pospěšić, wuzběhny Mjezynarodna energijowa agentura (IEA) wčera w Parisu, hdźež je swoju lětnju rozprawu předstajiła.
Zjednoćene narody (UN) wšak swětowemu zhromadźenstwu wumjetowachu, přemało za škit klimy činić. Prócowanja njedosahaja, zo móhli zaměr maksimalnje 1,5 stopnjow přibližnje dodźeržeć, rěka we wčera w Nairobiju předpołoženej rozprawje wobswětoweho programa UN, UNEP. Hospodarske branše měli so radikalnje změnić.
