Berlin/Mnichow (dpa/SN). CSU w zwjazkowym sejmje chce sankcije za přijimarjow wobydlerskeho pjenjeza wobzamknyć, kotrež njepřiwzaja jim namjetowane dźěłowe městna. „Pjenjezy maja so jim tak dołho skrótšić, doniž přicpějomne dźěłowe městno nastupja“, wuchadźa z podłožkow za klawsuru zapósłancow CSU zwjazkoweho sejma, kotruž wotměja wot 6. do 8. januara w bayerskim klóštrje Seeon.
Tež zwjazkowy minister za dźěło Hubertus Heil (SPD) je minjene dny hižo sankcije připowědźił. Stat měł přechodnje jenož kóšty za přebytk a tepjenje přijimarjow wobydlerskeho pjenjeza płaćić, jelizo wospjet dźěłowe poskitki wotpokazaja. W kabineće amploweje koalicije pak njejsu skrótšenja hišće doskónčnje wothłosowane.
Běłohród (dpa/SN). Předewšěm młodźi ludźo protestowachu minjeny pjatk w Běłohrodźe před ministerstwom statneho zarjadnistwa. Jako přičinu mjenowachu woni sfalšowanje wólbow, serbiske medije rozprawjachu.
Protestowacy sćěhowachu namołwje studentskeje organizacije Borba a sej žadachu, zo měli so wólbne podłožki wozjewić. Po jich słowach serbiski prezident Aleksandar Vučić knježerstwo kontroluje. Tak wobdźělichu so přiwisnicy knježerstwa, kotřiž w Běłohrodźe njebydla, na komunalnych wólbach 17. septembra w měsće, byrnjež za to scyła prawo njeměli. W někotrych kónčinach Serbiskeje drje běše strona prezidenta (SNS) wuspěšna. Tola w Běłohrodźe je SNS jeno snadnje dobyła. Opozicija a wólbni wobkedźbowarjo rěča wo sfalšowanju.
Berlin (dpa/SN). Někotre z tutych změnow su z financielnymi polěpšenjemi zwjazane, druhe skerje z wjetšimi wušparanjemi. Pjenježne změny potrjechja na přikład zasłužbowe dawki. Tam zwyši so zakładny swobodny pjenjez na 11 604 eurow. Za někotrych staršich so lěto derje njezapočina: Staršiski pjenjez płaći so wot spočatk lěta jenož hišće na pory, kotrež maja maksimalnu zasłužbu 200 000 eurow. Dospołnje pak tute změny hišće wobzamknjene njejsu a maja tež jenož za staršich płaćić, kotrychž dźěćo je so po 31. měrcu 2024 narodźiło. Tež hdyž so powšitkowna minimalna mzda zwyši, smědźa so přistajeni w hladanskim sektoru wo hišće wjace pjenjez wjeselić. Za fachowych hladarjow stupa hodźinska mzda na 19,50 eurow. A tež wučomnicy smědźa so přez wyšu mzdu wjeselić – minimalna mzda w prěnim wukubłanskim lěće stupa wo 4,7 procentow na 649 eurow na měsac.
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Naměstnik šefredaktora: Axel Arlt 577 238
tel.: 03591 / 577 232 faks: 03591 / 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Zamołwita za rozšěrjenje a marketing:
Patricia Róblowa 577 273
Předań nawěškow: Janka Rögnerowa 577 220 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
Přihot pizzy je w Italskej „swjata“ tradicija, na kotruž su Italčenjo jara hordźi. A tohodla je za nich jara wažne, kotre wudźěłki za pokładźenje pizzy wužiwaja. Sławny pjekar pizzy z Neapela pak je nětko z widejom w socialnych medijach wulku kedźbnosć wubudźił. Gino Sorbillo, mějićel wjacorych hosćencow w Italskej a we wukraju, chce pizzu z ananasom pokłasć a je hosćom poskićeć. W Italskej pak je pizza z ananasom „smjertny hrěch“. We wideju Sorbillo ludźi namołwja, kulinarisku chłóšćenku woptać.
Policisća su w Połčnicy pašturlicu wuchowali. Pazoraka ze zranjenym křidłom su zańdźenu sobotu na kromje města Połčnicy wuhladali, policija zdźěli. Ptačka dowjezechu zastojnicy skótnemu lěkarjej.
28. decembra 1993 bu Serbski Sokoł znowa załoženy. Tuž towarstwo lětsa na swoje 30lětne wobstaće zhladuje. Alfons Wićaz je so z jeho starostu Milanom Funku rozmołwjał.
Wy hižo wjacore lěta tutu funkciju wukonjeće. Na čo so jako starosta rady dopominaće?
Berlin (dpa/SN). Předsyda CDU Friedrich Merz z toho njewuchadźa, zo so předsyda CSU Markus Söder znowa na interny bój w CDU/CSU wo kanclersku kandidaturu na wólbach zwjazkoweho sejma 2025 zwaži. „Za to so z Markusom Söderom wosobinsce přederje rozumju“, rjekny Merz powěsćerni dpa. Merz je sej toho wědomy, zo nichtó nochce, zo so podawki lěta 2021 wospjetuja. Tehdy bě so Armin Laschet po dołhej ćahańcy jako kandidat přesadźił a na wólbach zwrěšćił.
Přičiny morjenja wozjewjene
Gaza (dpa/SN). Po mylnym morjenju třoch zastajencow w Gazaskim pasmje přez israelskich wojakow před tydźenjomaj je Israel dźensa nowe dopóznaća wozjewił. Wojak, kiž bě spočatnje dweju zastajencow morił, njeje bitwišćo přewidźeć móhł. Nimo toho njejstaj dalšej wojakaj hary bliskich tankow dla přikaz słyšałoj, třěleć přestać. Wonaj staj pozdźišo třećeho zastajenca zatřěliłoj, dokelž měještaj jeho za wohroženje.
Zelenskyj za zhromadny bój