Młodostnaj sobu zapřijataj

Budyšin. Scenisko-koncertantny adwentny program „Zymski čas – Hody pola nas“ předstaji Serbski ludowy ansambl jutře, pjatk, w 19.30 hodź. na žurli SLA. W prěnim dźělu zaklinča mjezynarodne a serbske adwentne pěsnje. W druhim dźělu wěnuje so program SLA zymskim nałožkam Serbow. Hromadźe z hudźbnikami SLA předstajitaj so mytowanaj lětušeho wubědźowanja młodych hudźbnych talentow Adrian Simon z Wotrowa za klawěrom a Elisabeth Wirthec, kotraž hraje na huslach kruch „Serbska reja“ Bjarnata Krawca.

Na wiki do klóštra

Pančicy-Kukow. Klóšter Marijina hwězda a dźěłarnja za zbrašenych swjateho Michała přeprošatej jutře a sobotu do klóštra na adwentne wiki, kotrež wot­měja so wobaj dnjej wot 12 do 18 hodź. W klóšterskim wobchodźe změja horce wino, likery, Ochranowske hwězdy a wjele idejow za dariki w poskitku. Dźěłarnja za zbrašenych poskići pječwo z klóšterskeje pjekarnje, keramiske wudźěłki, hodownu dekoraciju, swěčki a wjele dalšeho. Tež swój božodźěsćowy štom móžeće sej jutře abo sobotu hižo kupić.

Hody mjezynarodnje

6.12.–12.12.2018 Budyski filmowy palast:­ Geister der Weihnacht: nj 10:00 a 11:30 Tabaluga: wšědnje 14:00 a 16:00 (nimo pj a wu) | so a nj 12:30 Tabaluga w 3 D: pj a wu 16:00 Der Grinch: wšědnje 14:45 a 20:15 (nimo nj a wu) | so a nj 12:45 Der Grinch w 3 D: wšědnje 16:45 100 Dinge: wšědnje 14:45, 18:00 a 20:45 | pj a so 23:00 Phantastische Tierwesen 2: wšědnje 17:00 (nimo pó) a 19:45 Phantastische Tierwesen 2 w 3 D: pj a so 22.15 Der Nussknacker: wšědnje 14:45 Der Nussknacker w 3 D: nj 10:00 Bohemian Rhapsody: wšědnje 19:45 (nimo pó) Die Unglaublichen 2: so a nj 12:00 Pettersson und Findus: nj 10:30 Der Vorname: wšědnje 18:45 25 km/h: wšědnje 17:15 (nimo nj) | nj a wu 20:15 | pj a so 22:30 Johnny English: nj 10:00 Ballon: pj 22:30 Halloween: so 22:30

Kino-ekstra: Girl: nj 17:15 | pó 17:15 a 20:15

Wojerowski CineMotion:

Tabaluga: wšědnje 15:15 a 17:20 | nj 11:15 | so a nj 13:00 100 Dinge: wšědnje 15:10, 17:30 a 19:45 | pj a so 22:35 Der Vorname: srj 17:15 Der Grinch w 3 D: so a nj 13:15 Der Grinch: wšědnje 15:00 a 17:00 | nj 11:00 Elliot, das kleine Rentier: nj 11:00 | so a nj 13:00 Verschwörung: pj a so 22:25 Phantastische Tierwesen 2 w 3 D: wšědnje 19:30 | pj a so 22.15 Phantastische Tierwesen 2: wšědnje 17.15 (nimo srj) Bohemian Rhapsody: wšědnje 19:55 Der Nuss­knacker: wšědnje 15:05 (nimo štw) Smallfoot: nj 11:10 | so a nj 13:10 Klassentreffen 1.0: pj a so 22.10 25 km/h: wšědnje 20:00

Nowoslicy. Přichodne posedźenje gmejnskeje rady Ralbicy-Róžant wotměje so jutře, štwórtk, we 18 hodź. w Nowosličanskim kulturnym domje. Na dnjowym porjedźe steja mjez druhim wustawki za Łazkowski puć w Ralbicach. Nimo toho chcedźa lěto 2018 wuhódnoćić.

Pančicy-Kukow. Samsny dźeń w 19 hodź. započnje so posedźenje gmejnskeje rady Pančicy-Kukow. Mjez druhim zaběraja so radźićeljo z nadawkami za ponowjenje postawy swj. Bosćana w Swinjarni a z namjetom za regulowane wjelče pasmo.

Kedźbu, skupinarjo!

Pančicy-Kukow. Čłonojo Domowinskeje skupiny Pančicy-Kukow njech njezabudu na swoju adwentničku jutře, srjedu, we 18 hodź. w Pančičanskej Starej hospodźe. Dokelž budu tam knihi Ludoweho nakładnistwa Domowina na předań, budźe to dobra składnosć, sej tón abo tamny hodowny darik wobstarać.

Porěčitaj wo hupaku

Stróža. Cyle w znamjenju hupaka (Wiedehopf) steji přednošk jutře w 19 hodź. w Stróžanskim Domje tysac hatow. Marko Zieschewski z Njeswačanskeje ptakoškitneje stacije a ranger w biosferowym rezerwaće Hornjołužiska hola a haty Herbert Schnabel porěčitaj wo tym, kak je so zajimawy ptačk dźakowano mnohim přirodoškitarjam w biosferowym rezerwaće zaso rozmnožił. Zdobom póńdźe wo prašenja, kotre žiwjenske wuměnjenja hupak trjeba, kotre srědki su ludźo za jeho rozmnoženje zasadźili a što je za přichod planowane. Zastup płaći dwaj euraj, potuńšene euro.

Ćišinu w sebi spóznać