Wo knihach a kniharni (13.04.17)
Hdyž so z Lipšćanskich knižnych wikow wróćiš, so će ludźo zwjetša prašeja: Na, kak je było? Što mějachu tam noweho? Wudani so za was docyła, zo maće tam wustajenišćo? Najspěšniše wotmołwy na to su: Bě zajimawe a napinace. Wjele knihow mějachu w poskitku, sobotu bě najwjace ludźi. Hač so wudani, njehodźi so w ličbach rjec.
Ale sprawnje prajene – wiki maja atmosferu, kotruž njemóžeš tak bjeze wšeho wopisać. Hdyž rano na wustajenišćo přińdźeš, to zetkaš wjele znatych. Nakładnistwa w susodstwje so mjeztym znaja. Zwjetša ma kóžde swoje wustajenišćo hižo wjacore lěta na samsnej městnosći. Hdyž su wiki za publikum hišće zawrjene, móža wustajerjo, druhdy tež jenički króć na cyły dźeń, sej te abo tamne stejnišćo woměrje wobhladać. Tak dyrbiš so rozsudźić, hač dźeš k dźěćacym kniham do druheje hale pohladać, přez syłu čakacych wopytowarjow, abo wostanješ w hali, hdźež sy.
Nowa CD Jana Pawoła Nagela wuńdźe
Składnostnje 20. posmjertnin Jana Pawoła Nagela (1934–1997) 21. meje chce Załožba za serbski lud nowu CD z twórbami we Łazu rodźeneho komponista wudać.
Budyšin (SN/CoR). „Chcemy z albumom wšelake fasety Nagela pokazać – na jednym boku Serba, kiž so w spěwach k swojim korjenjam wuznawa. Na tamnej stronje pak je tež wažne, awantgardista 20. lětstoka předstajić“, rozłožuje Liana Bertók, kotraž so wo zwoprawdźenje cejdejoweho projekta stara. Jako mišterski šuler Rudolfa Wagnera-Régenyja na Berlinskej němskej akademiji wuměłstwa rozestaješe so Nagel tež z dwanaćezwukowej techniku.
Serbski nakładnik z wulkej wutrobu za Łužicu a dźiwadło był
We Łužicy je so zrudźaca powěsć rozšěriła, zo je znaty serbski nakładnik a woblubowany dźiwadźelnik dr. Frank Stübner po krótkej chorosći 7. apryla zemrěł. Slěborny jubilej swojeho nakładnistwa Lusatia 1. jutrownika je wón hišće z interviewami za medije, kaž za Serbske Nowiny, přihotował. Na dnju 25lětneho wobstaća jara produktiwneho nakładnistwa pak dyrbješe bohužel hižo w Budyskej chorowni přebywać.
Redakcija dźěćaceho časopisa Płomjo je wčera šesty króć z ...
Nimale 10 000 lisćikow předali
Budyšin (CS/SN). Olsenowa cwólba prosće ćehnje. Po wulkim wuspěchu Olsenoweje inscenacije na lońšim lětnim dźiwadle su wočakowanja hoberske. K zahajenju předpředanje sobotu připołdnju bě nawal zajimcow runjewon hoberski. Minjene lěta su so prěni kupcy rano něhdźe we wosmich nastupili. Tónraz bě prěnja zahorjena za lětnje dźiwadło hižo w pjećich swoju poziciju zabrała. Veronika Lehmann z Hornjeho kraja wočakuje swojeho syna z Basela k lětnjemu dźiwadłu. Tohodla bě jej wažne zastupne lisćiki za wěsty datum dóstać.
Mnozy, kotřiž w dołhim rynku čakachu, chcychu hnydom dźesatki kartkow kupić, zo móhli z přiwuznymi a přećelemi zhromadnje dźiwadłowy spektakel pod hołym njebjom dožiwić. Po městnach zwisowace kartki pak jenož dóstanješ, hdyž sej je sčasom zawěsćiš. Rynk čakacych je so sobotu tuž lědma hdy pomjeńšił a sahaše wot dźiwadłoweho naměsta hač k Schillerowym zelenišćam.
Reformaciski oratorij wuspěšny
Běłe róže a swěčka k wopominanju
Płomjo swjeći 65ćiny z wubědźowanjom
Budyšin (SN/MiR). W aprylu před 65 lětami wuńdźe prěnje čisło hornjoserbskeho dźěćaceho časopisa Płomjo. Mjeztym słuša wone do rukow kóždeho serbskeho abo serbsce wuknjaceho abo ze serbšćinu so zaběraceho šulerja wot 1. do 7. lětnika. Wjace hač 2000 eksemplarow wopušća jědnaće króć wob lěto ćišćernju.Wučerjo wužiwaja časopis wosebje rady za wuwučowanje, mjez druhim wpředmjetach serbšćina, domiznowěda a hudźba. Tola tež doma, w swójbach Płomjo rady čitaja. Čehodla tomu tak je? Zamołwity redaktor Płomjenja Pětr Šołta spyta to rozkłasć: „Prócuju so kóždy měsac wo wotměnjawe wudaće. Mamy stajne rubriki, kaž hódančka, žorty a comicsy. Zdobom zapřijimamy tež serije, roze-stajace so z historiskimi a načasnymi temami.“ Wot lěta 2008 Pětr Šołta zastojnstwo redaktora wukonja, štož z wulkim lóštom čini. To začuwa čitar na stajnje nowych idejach, kotrež spožčeja Płomjenju wosebity raz.
Nadźijomnje nic!
Myto Albinusa Mollerusa wupisane
Choćebuz (SN/CoR). Spěchowanske towarstwo za serbsku rěč w cyrkwi je składnostnje jubileja reformacije Łužiske myto Albinusa Mollerusa wupisało. Z delnjołužiskeho Tšupca pochadźacy Moller (1541–1618) bě 1574 prěnju knihu w serbskej rěči spisał a ju w Budyšinje ćišćeć dał. Běchu to Spěwarske ze 120 kěrlušemi a přełožk Martina Lutheroweho Małeho katechizma.
Što nam reformacija dźensa woznamjenja? Što rěka swoboda? Kotru reformaciju abo přetworjenje towaršnosće Łužica trjeba? Tele zakładne mysle maja w srjedźišću zapodateho literarneho přinoška stać. Spěchowanske towarstwo wosebje młodych ludźi namołwja so wobdźělić. Wšelakore wuměłstwowe formy su móžne, kaž na přikład esej, powědančko, baseń, dźiwadłowa scena, prezentacija, spěw abo tež nowe medije. Poćah k dwurěčnej Łužicy dyrbi awtor zapřijeć.
