Z woblubowanym klasikarjom serbskeje wuměłstwoweje hudźby publikum trójce zahorili

Nimale njeličomna syła entuziastiskich lajskich spěwarkow a spěwarjow, profesio­nelni instrumentalisća a solowi wokalisća a nic naposledk twórba, kotraž je tak woblubowana, zo maja mnozy někotryžkuli z jeje dźělow dawno za ludowu pěseń – přewjele so hladajo na tajkule konstelaciju nimo kulić njemóže, abo?

Marija Wjeselina je sej w Ralbicach wellnessowu oazu stworiła, hdźež je přebywanje přewšo přijomne

Na dworje statoka Wjeselic swójby w Ralbicach je wočiwidne, zo wědźa sej wopytowarjo wšitkich generacijow w tamnišej wellnessowej oazy přijomny přebytk popřeć. Tón traje po přeću hodźinku, dwě abo tež wjacore - cyle po tym, kelko chwile sej hosćo bjeru abo kotry poskitk woni wužiwaja. Wosebje skupiny a poriki dadźa sej wopyt baziskeje kupjele z drohokamjenjemi, infračerwjeneje kabiny, lounge a wellnessowe masaže z kamjenjemi a meditaciju lubić. „Wone zwěsćeja, zo jim zhromadny čas wotpinanja tyje, maja za sebje cyle priwatnje chwile“, Marija Wjeselina zwuraznja. Jako so pola młodeje předewzaćelki na rozmołwu přizjewich, mi wona rjekny, zo ma překwapjenku přihotowanu. Kak pak ta wupada? Po prěnjej hodźince wěm wo wjele wjace hač w tym wokomiku, jako pola Wjeselic zaklinkam. Zastupju do domskeho, kiž mje z decentnej elegancu wita. Cuni klinkot – myslu, zo su to małe zwónčki – klinča w mojimaj wušomaj a mje přez cyły čas mojeho přebytka přewodźeja.

Redaktor SN Marko Wjeńka poda so kónc měsaca na wuměnk

Dobre 30 lět je Marko Wjeńka jako redaktor Serbskich Nowin dźěłał. Z tym je tež čas NDR w jeho poslednjej fazy w redakciji dožiwił a politiski přewrót w tehdyšej Nowej dobje. W lětach po tym je tójšto dožiwił. Přewažnje zamołwity bě wón za politiske rozprawnistwo wječornika. Marcel Brauman je so z nim wo tym rozmołwjał.

Twoja žurnalistiska kolebka bě snadź dźěło jako šuler w młodźinskej redakciji Noweje doby – na čo so hišće dopominaš?