wudospołnjeć. A tak mudrosće wučenych, zrozumliwje sformulowane, do ludu słać. Samo na sebi hodźi so to z kóždejžkuli messengerowej słužbu kombinować. „Ně, ně a hišće raz ně!“ społnomócnjena na swojich zastarskich nahladach wobstawa.

Njejapcy pak jej diskusija w instituće do myslow přińdźe. Tam su dźěłowe městna za wulkej škleńcu „městno pod słóncom“ mjenowali. A něchtó bě wumóžacu mysličku zrodźił: Sobudźěłacy techniki a zarjadnistwa dyrbja wšědnje na swojim dźěłowym městnje być. „Njech woni do běrowow za škleńčanej fasadu zaćahnu! Potom móža wědomostnicy woměrje swój stary škórń dale pěstować“, dr. dr. No-Chcu Widźeć-Być architektej wuslědk woneho rozjimanja přišepta. „To zda so mi jara zhniły kompromis“, rjekny Bohuwěr Kastletwarc. Přetož tak chětře so wón njetuli. Wšako nochce ničo snadnišeho, hač serbskej wědomosći k transparency dopomhać. Znajmjeńša wotwonka. A poněčim zamó społnomócnjenej wutrobu za to zhrěć, zo so wona, a z tym cyły institut, předstawy wo Starej póstowni jako woborny hród serbskeje wědomosće wzda. Tam su składy archiwa lěpje zaměstnjene.

Serbowžračk a kulturne přiswojenje

Dźěry połne wody =swětowe herbstwo

pjatk, 30. decembera 2022 spisane wot:
Dźěry połne wody = swětowe herbstwo

Što je dźensniši dźeń něšto „inowatiwneho”? To kraj­nopolitisko-wědomostny zwjazk z Braniborskeje a Sakskeje na přikładne wašnje pokazuje: Hoberske dźěry z wodu, tež „Łužiska jězorina” mjenowane, maja so stać „swětowe herbstwo”. Cyły swět móže potom wo strategiskej kompetency Łužicy w „transformaciji” zhonić a z toho wuknyć. Prěnja kročel: Doprědkarske mocy wotbagruja zaspane wjeski na dobro energije za nowu dobu. Druha kročel: Hišće mudriši bohojo stworjenja noweho swěta rozborkanu zemju domizny něhdyšich prawobydlerjow zapławjeja, tak zo so nihdy nanihdy žadyn potomnik na njej hižo njezasydli. Třeća kročel: Nowa krajina so jako „swětowe herbstwo” proklamuje, jako kónčina z najkonsekwentnišej změnu strukturow na swěće. Zbožowni wulkoměšćenjo tu nětk čołmikuja, hdźež su so burja prjedy na skromnej pódźe bědźili – raj na zemi to město doła sylzow, što chceš wjac? Nažel pak je so mała črjódka ludźi puzoliła, kotřiž

wuši z přewšo sensibelnej akustiskej techniku a wězo z najnowšej, w nadawku ZzSL wuwitej software za spóznawanje serbskeje rěče
centralny dźěłowy modul – wutroba androida, zatwarjeny je chip najnowšeje kwanto-kompjuteroweje ­serije, software wopřija wězo funkciju ­za korekturu ­tekstow a zwisk ze soblexom
porsty z mega-speedom 1 000 naklepkow na mjeńšinu – rekord čłowjeka je 680 naklepkow
wóčce z foto- a widejofunkciju, integrowane su wězo wšitke móžnosće optimizowanja wobraza
mjezwočo (tak mjenowany skin) hodźi so wuměnić – tak móžeš ­android zarjadowanju/rozmołwnemu partnerej přiměrić
huba z wudawanjom rěče, na kotrymž slědźitaj Pětr Cyž a Daniel Zoba w kooperaciji z Drježdźanskim Fraunhoferskim institutom; funkcija wopřija tež móžnosć nastajenja wšelakich hłosow
Serbski Redakciski Android S.E.R.B.

Hladajo na nuzu w Serbskich Nowinach nastupajo wobsadźenje redaktorskich městnow je sej šefowa etaža nowu strategiju přemysliła.

Serbska Murja w minjenych měsacach jara dźěława była a ma hižo zaso nowe ideje

Serbska Murja je wosebje w młodźinje mjeztym derje znate towarstwo. W lěće 2016 na swětowym zetkanju młodźiny w Krakowje załoženy zwjazk wobsteješe něhdy přewažnje ze šulerjow Budyskeho Serbskeho gymnazija.

Zwony Budyskeje Michałskeje cyrkwje wozjewjeja hodowne poselstwo

W lěće 1619 załoži město Budyšin Michałsku wosadu za ewangelskich Serbow wokolnych wsow. Hač do 1836 bě cyrkwinske žiwjenje w njej ryzy serbske, wot teho časa je dwurěčne. Wo tym swědča mjez druhim tři zwony na cyrkwinej wěži, kotrež ze swojim zynkom hižo 130 lět hodowne poselstwo w serbskej a němskej rěči po kraju šěrja.

Stare Michałske zwony

Po tym zo bě so Budyšin w Třicećilětnej wójnje wotpalił, da měšćanska rada za Michałsku cyrkej 1666 w Drježdźanach nowy zwón leć. Z němskim napisom bě wón wěnowany „der evangelischen wendischen Gemeinde bei der Kirche S. Michaelis“. Dlěje hač połdra lětstotka wosta tutón zwón jenički na cyrkwinej wěži. W lěće 1819 měješe česć, 200. wosadny jubilej z cyłohodźinskim zwonjenjom zahajić a zakónčić.

Hakle 1829 dósta cyrkej tři zwony. Wjetšej wotkupi Michałska trjebanej měšćanskej Pětrskej wosadźe. Přidatnje da sej w Gruhlec lijerni w Małym Wjelkowje hišće mały zwón leć. Tute tři, z napisami we łaćonskej a w němskej rěči wuhotowane zwony słužachu wosadźe hač do lěta 1892.

Jednori ludźo so přeco znjesu 

pjatk, 23. decembera 2022 spisane wot:

Marko Rjeda je srjedź oktobra pjeć dnjow w dalokim wukraju přebywał. Słužbna jězba wjedźeše jeho do Israela. Z předawarjom ratarskich mašinow pola Budissa ­Agroservice tzwr, kotraž je wotnožka Budissa Agrar AG, je so ­Milenka Rječcyna rozmołwjała.

Kotre powołanje w předewzaću wukonjeće?

M. Rjeda: Sym předawar za mašiny, kotrež silažu abo trejdu w folijowych hadźicach składuja. Wone wobsteja z polyetylena, to rěka z plasty. To njeje někajka wuska hadźica, kaž ju w zahrodźe trjebamy. Naše maja přeměr 2,7 metrow a wjace. Su-li pjelnjene a składowane, maja formu elipsy, kotraž je něhdźe dwaj metraj wysoka. Tele šlawchi móža hač do 150 metrow dołhe być, do Israela smy 75metrowske předawali. 

Kak je k tomu dóšło, zo sće w Israelu přebywał? 

Zakónčenje z komplementarnymi kontrastami

pjatk, 16. decembera 2022 spisane wot:

„Kontrasty“ by so wuběrnje jako hesło aktualneje wosebiteje wustajeńcy „Europske wuměłstwo – sztuki europiejskie“ w Budyskim Kamjentnym domje hodźało. Na kontrasty bohate čornoběłe fotografije najwšelakorišich přirodnych resp. přirodowych zjawow a fenomenow steja runje tak na kontrasty bohatym wobrazam (zdźěla hoberskeho architektoniskeho) zawostajenstwa čłowjeka napřećo. Čłowjek sam so nimale njejewi, štož spožča předewšěm impresijam z městow, hrajkacym so ze swětłom a sćinom, fascinowacy surealistiski raz.

Quo vadis, Maćica?

pjatk, 16. decembera 2022 spisane wot:

175 lět po załoženju a wjace hač tři lětdźesatki po wožiwjenju rozestajichu so čłonki a čłonojo ze stawiznami a přichodom MS

Najstarše serbske towarstwo Maćica Serbska (MS) je lětušu 175. róčnicu swojeho załoženja z dwudnjowskej wědomostnej konferencu w Budyskim Serbskim domje woswjećiło. Dohromady 16 slědźerkow a slědźerjow wěnowaše so kónc nowembra z cyłkownje 15 přednoškami pod hesłom „Wědu šěrić – Wissen schaffen – Wědu šyriś“ předewšěm stawiznam towarstwa.

Znowa čitała ...

pjatk, 16. decembera 2022 spisane wot:

W serbskej literaturje chowaja so mnohe drohoćinki, na kotrež znowa skedźbnić je trjeba, zo njebychu so pozabyli. Wotpowědne impulsy chce awtorka serbskim čitarjam a čitarkam z nowym rjadom „Znowa čitała“ dawać.

Spisowaćelku Marju Młynkowu (1934−1971) sym sej poměrnje pozdźe wotkryła. Jako wuńdźechu jeje knihi „Starosće w dźewjatce“ (1964), „Kostrjanc a čerwjeny mak“ (1965) a „Dny w dalinje“ (1967), běch dźěćo. Hakle kónc 1970tych lět kupich sej, wróćiwši so ze studija, postum wudatu zběrku powědkow „Za płotom“ a přečitach ju. Běch zahorjena.

Serbska debata

nowostki LND