Třeća sezona serbskeje beachvolleyballoweje ligi bě so hižo před třomi měsacami započała, dotal pak přewjedźechu hakle 13 wot 36 hrow. Přičiny toho su wšelakore. Spočatnje knježeše špatne wjedro, někotři hrajerjo so zranichu, dowola dla falowaše tohorunja personal, a najčasćišo su so terminy z druhimi sportowymi zarjadowanjemi abo priwatnymi winowatosćemi prěkowali.

W minjenymaj tydźenjomaj pak wotmě so najwjac duelow, tak zo so pomału zajimawa tabulka wukristalizuje. Lětsa wubědźuje so prěni raz tójšto cyłkow wo krónu serbskeje beachvolleyballoweje ligi, wšako su dwójki kwalitatiwnje jara wurunane. Nowe teamy kaž Stani Šewc/Ludwig Eckert, Matej Cyž/Jurij Lipič (zaskoči za zranjeneho Feliksa Cyža), Marcel Rjelka/Stefan Mět/Christin Oppitz a Stefan Wjeńka/Józef Krawc (Křesćan Wjeńka) hraja jara dobry volleyball. Jim přidruža so w lize hižo stari znaći kaž Benedikt Smoła/Jurij Bjeńš, Metod Šołta/Beno Šołta/Stefan Gedik a wěčnje młody Škit Budyšin.

Za Powerserba přizjewić

póndźela, 14. awgusta 2017 spisane wot:
Lětuše sportowe wubědźowanje Power- serb budźe 9. septembra wot 13 hodź. w Kopšinje. Wuhotować budźe je Traktor Kopšin. Ze Serbskim młodźinskim towarstwom Pawk, kotrež je zarjadowar, su so traktorisća na wosom stacijow dojednali. Startowy pjenjez wučinja 10 eurow, a mustwo dyrbi z pjeć hólcow a jedneje holcy wobstać. Přizjewjenja su móžne na Facebooku pod Flex Wokx. SN

Widźał, słyšał, napisał (14.08.17)

póndźela, 14. awgusta 2017 spisane wot:

Awtor dźensa

Toni Ryćer

Wot jutřišeho dnja budźe wobswět zaso wo něšto čisćiši a moje swědomje tróšku wolóžene. Před někotrymi dnjemi dóstach mjenujcy póštu, zo mam swoje awto do fachoweje dźěłarnje k nahrawanju noweje kompjuteroweje software přiwjezć. Cyła procedura ma jenož někak poł hodźiny trać, a mój nětko hišće nječisty lubušk změje po „operaciji“ takrjec zelenu wutrobu. Wězo za to žanoho fenka zapłaćić njetrjebam. Nawopak, dóstanu w čakanskim křesle šalku słódneho kofeja a móžu připódla w prospektach najnowše awtowe modele wobdźiwać. Kak a hač to do­cyła wšitko tak spěšnje a jednorje funguje z tym čistym wotpłunom, njemóžu sej přiwšěm tak prawje předstajić. A čehodla poprawom njejsu jón hižo při produkciji awta wobkedźbowali? Njemóžu a nochcu to posudźować, nimam prosće trěbnu technisku wědu. Budu pak dokładnje hladać, kak so změny na wukon a přetrjebu wuskutkuja.

Wuslědki (14.08.17)

póndźela, 14. awgusta 2017 spisane wot:

Kopańca, wokrjesna wyša liga

M.-běli Kulow – Kinspork/Łužn. 6:0 (3:0)

Zeleno-běli Bukecy – Wojerercy  0:2 (0:1)

ST Budyšin – SC Großröhrsdorf 0:2 (0:1)

Hnašecy-Dobruša – Rakecy  4:2 (0:2)

Großnaundorf – Germ. Budyšin 1:0 (1:0)

Drohotka Ramnow – ST Radwor 2:1 (1:1)

Sokoł Ralbicy/Hórki – Kumwałd 3:0 (1:0)

ST Wjelećin – LSV Hory 2:1 (1:1)

1. Módro-běli Kulow  1 6:0 3

2. Sokoł Ralbicy/Hórki  1 3:0 3

3. ST Hnašecy-Dobruša  1 4:2 3

4. Wojerowski FC  1 2:0 3

4. SC Großröhrsdorf  1 2:0 3

6. ST Wjelećin  1 2:1 3

6. Drohotka Ramnow  1 2:1 3

8. SV Großnaundorf  1 1:0 3

9. LSV Hory  1 1:2 0

9. ST Radwor  1 1:2 0

11. Póst Germania Budyšin  1 0:1 0

12. Rakečanske ST  1 2:4 0

13. ST Budyšin  1 0:2 0

13. Zeleno-běli Bukecy  1 0:2 0

15. Motor Kumwałd  1 0:3 0

16. ST Kinspork/Łužnica  1 0:60

Sport (11.08.17)

pjatk, 11. awgusta 2017 spisane wot:

Přizjewjenja hišće móžne

Wólnočasne koparske mustwo Viktorije Worklecy informuje, zo smědźa so cyłki na druhi koparski turněr Worklečanskich koparskich přećelow, kotryž so jutře w Jaseńcy wotměwa, tež hišće krótkodobnje přizwjewić. Někotre městna su mjenujcy hišće swobodne. Mustwa zetkaja so w 10.30 hodź. w Jaseńcy na sportnišću, započatk zarjadowanja budźe w 11 hodź. Hrać budu ze štyrjomi pólnymi hrajerjemi a jednym wrotarjom.

Beachvolleyballowy turněr a dart

Wjesna rada Róžant a Róžeńčanska młodźina stej jutře zarjadowar a wu­hotowar beachvolleyballoweho turněra w Róžeńće. Cyłki, wobstejace ze štyrjoch hrajerjow/hrajerkow smědźa so hišće do turněra pola Jurija Bjeńša juniora přizjewić. Startować chcedźa w Róžeńće w 14 hodź. Nimo toho změja při beachvolleyballnišću tež wulku koparsku dartsćěnu wokrjesneho sportoweho zwjazka natwarjenu.

Matowe skakanje

Wyšoklasowy jěchanski sport

štwórtk, 10. awgusta 2017 spisane wot:

Kaž hižo loni dožiwichu 3 000 lubowarjow konjaceho sporta při 11. Wulkim Budyskim jěchanskim turněrje w Bošecach wyšoklasowe wubědźowanja. Startowali běchu tam 250 jěcharkow a jěcharjow z něhdźe 500 konjemi.

Wosebity hósć bě lětsa Benjamin Wulsch­ner, kotryž ma swój konjenc w Mecklenburgsko-Předpomerskej a kiž doby Wulke myto města Budyšin. Benjamin Wulschner bě wo zarjadowarju a wuhotowarju turněra jara zahorjeny a slubi, zo so zaso wobdźěli. To turně­roweho nawodu Martina Sämanna jara zwjeseli. Sylnje zastupjeni běchu w Bošecach tež jěcharki a jěcharjo z Chrósćic, Pančic-Kukowa, Šěšowa, Njeswačidła, Kulowa, Bošec, Budyšina a tež Zhorjelca. Z 9. městnom poradźi so Laurje­ Grundmannec z PSV Budyšin při A-skakanju česćehódny wuslědk. Cindy Reppe ze Šešowa zaměstni so při Wulkim myće Budyšina na sedmym městnje. Jara derje prezentowachu so tež konjacy sportowcy PSV Rosenhof ze Zhorjelca. Anna-Lena Frenzel wobdźěli so na přikład na ska­kanju a tež na dresurowych wurisanjach.

Kopica wrotow w testowej hrě

štwórtk, 10. awgusta 2017 spisane wot:

SJ Njebjelčicy – TSV Połčnica 5:6 (5:3)

Zestawa SJ Njebjelčicy: Ričel – Domš, Deleńk, Hanuza, Čornak, Haška, Dubaw, Lejnart, Hrjehor, Šram, Korjeńk

W poslednjej přihotowanskej partiji do zahajenja noweje hrajneje doby 2016/2017 steješe trenarjej Handrijej Krawčikej jeno mała horstka hrajerjow k dispoziciji. Dla dowola, studija a zranjenjow pobrachowachu na tym dnju hnydom šěsć aktiwnych. Tola hižo zahe we hrě (2., 4.) Robert Lejnart dwójce do přećiwniskich wrotow trjechi. W 20. mjeńšinje zwyši Handrij Korjeńk samo na 3:1, po tym zo bě hóstny nadběhowar z hłóčkowanjom k 2:1 trjechił (18.). W běhu pjeć mjeńšinow zwyšištaj Lejnart a Korjeńk na 5:1 (35., 40.). Hakle nětko wotućichu hrajerjo z Połčnicy dospołnje a skrótšichu hišće do přestawki na 5:3 (43., 44.). Po přestawce so hosćom trójce zasobu poradźi do čorneho trjechić, šmjat w Njebjelčanskim centralnym škiće tomu polěkowa. Njebjelčenjo w druhim poł­času hižo žane wrota njedocpěchu, byrnjež sej domjacy cyłk pjeć do šěsć rjanych šansow wuhrał. Nětko dyrbi so tón abo tamny trochu polěpšić a lěpje koncetrować, zo by so zazběh w Ćisku poradźił.

Wuslědki (10.08.17)

štwórtk, 10. awgusta 2017 spisane wot:

NOFV – wyša koparska liga

Union Sandersdorf – Eilenburg 2:5 (0:3)

FSV Barleben – SV Merseburg 99 0:0 (0:0)

Halle – TV Askania Bernburg 0:0 (0:0)

Wismut Gera – SV SCHOTT Jena 0:1 (0:0)

Jednota Kamjenc – Jena II 2:1 (1:1)

1921 Krieschow – Biskopicy 2:4 (1:2)

Lok Stendal – Jednota Rudolstadt 2:0 (2:0)

International Lipsk – VFC Plauen 0:1 (0:0)

1. FC Eilenburg 1 5 :2  3

2. Biskopičanske KT 1 4 :2  3

3. 1. FC Lok Stendal 1 2 :0  3

4. Jednota Kamjenc 1 2 :1  3

5. SV SCHOTT Jena 1 1 :0  3

5. VFC Plauen 1 1 :0  3

7. FSV Barleben 1 0 :0  1

Snadna poražka

srjeda, 09. awgusta 2017 spisane wot:

ST 1910 Drohotka Ramnow – ST Marijina hwězda 2:1 (1:0)

Zestawa hosći: O. Schmidt (46. Matik) – Wróbl, Škoda, K. Pakoßnick, Hawš, Pesch­mann (46. P. Schmidt), Eldor, Šołta, Hübner, J. Pakoßnick, Čornak

Při poslednim tesće w přihotach na nowu hrajnu dobu je koparske mustwo sportoweho towarstwa Marijina hwězda najebać mało hrajerjow jenož snadnje pola klasu wyše hrajaceje Drohotki Ramnow z 1:2 přěhrała. Wobě mustwje prócowaštej so wot wšeho spočatka wo wysoke tempo. Přez sylny pressing wudobychu sej Ramnowscy koparjo w centrumje bul a šaltowachu chětro spěšnje. Z wobhladanjahódnej třělwu ze zdalenosće 14 metrow poradźi so Friedrich-Philippej Wazinskemu 1:0. W druhim połčasu nastachu potom wo wjele wjace šansow na woběmaj stronomaj. Wo 2:0 postara so Tobias Berthold, kotryž dwubój w po­wětře doby a hrajny nastroj do wrotow zhłójčkowa. 2:1 (75.) nasta po stacijach Falko Peschmann – Richard Hawš – Jakob Pakoßnick – Falko Peschmann.

Tobias Nowak

Jědnatkowy krimi dobyli

srjeda, 09. awgusta 2017 spisane wot:

LSV 61 Tauscha – SJ Chrósćicy 5:6 po třělenju jědnatkow

Zestawa hosći: Cyž – Dórnik, Bětnar, Sentivan, Teichmann, Runt, Henčel, F. Zahrodnik (83. Młynk), Němec, Žur (97. Domaška), Bogusz (53. Králíček)

W prěnim kole krajneho pokala je prěnje mustwo SJ Chrósćicy w Tauscha nastupiło. Přiwisnikam wobeju lěhwow skićeše so přewšo napjata hra. Hosćo hru wot započatka sem kontrolowachu. Prawe šansy pak sej wuhrać njemóžachu. Klasu niže hrajacy hosćićeljo stejachu hłuboko w swójskej połojcy, čakachu na zmylki a tež na kontery.

Prěnju stoprocentnu šansu měješe Chróšćanski nadběhowar Josef Němec we wosmej mjeńšinje. Derje kopnjeny wólny kop pak zadyri do žerdźe. Chró­šćenjo sadźachu w prěnim połčasu wosebje přez standardy akcenty. Tak zhłójčkowa Marko Teichmann po róžku Toma Henčla­ w 40 min. k 0:1.

Serbska debata

nowostki LND