Jednota prosće sylniša była

póndźela, 18. meje 2015 spisane wot:

Jednota Kamjenc II –

Sokoł Ralbicy/Hórki II 3:0 (1:0)

Zestawa hosći: Měškank – T. Matka, Róbl, Wowčerk, Budar, Šwejda (56. Mět), Cyž (70. Šnajder), Markus Serbin, Jakubaš, Kobalc, Šěn (86. Michał Serbin)

We wonkownej hrě pobrachowaše Młynk žołto/čerwjeneje karty dla, ale tež defensiwne stołpy Měrćin Matka, Robert Statnik, Syman Bogusz a Tobias Woko dyrbjachu so narunać. Potajkim žane optimalne wuměnjenja. W prěnjej štwórć hodźinje chcyše so Ralbičanska defen­siwa namakać. Hra běše wurunana. Mjerzace­ běše, zo wjedźeše we 18. min. wólny kop k nawjedowanju. Z poł lěweje strony zwjertny Kloss z prawej nohu bul do dołheho třiróžka. Měškank bě bjezmócny. Ralbičenjo mějachu kaž cyłu sezonu­ problemy w nadběhu. Jónu Šwejda­ ze 16 metrow wotćahny. We wrotarju pak namaka swojeho mištra.

Pjeć Matkow w zestawje Sokoła II

póndźela, 18. meje 2015 spisane wot:

Sokoł Ralbicy/Hórki II

– HZ Łaz/Běły Chołmc 2:2 (2:2)

Zestawa Sokoła: Měškank – Měrćin Matka­, Křesćan Matka (59. Šwejda), Wowčerk, Kobalc, Michał Matka (46. Šěn), Serbin, Bogusz, Młynk, Jurij Matka (80. Tomaš Matka), M. Kurjat

Po wuwojowanym dypku pola HZ Hór­nikecy/Wulke Ždźary chcychu Ralbičenjo doma połnje dypkować, wšako bě sej Kulowska rezerwa dźeń do toho dypk wubědźiła. Mustwo zesylnichu Michał Matka, Křesćan Matka, Patrik Wowčerk, a Měrćin Kurjat. Kuriozne na zestawje běše, zo bu w běhu hry hnydom pjeć hraje­rjow ze swójbnym mjenom Matka zasadźenych.

Domjacy startowachu optimalnje. Serbi­n doběža sej dołhi bul a jón wušiknje wyše wrotarja zběhny a sej sam najrjeńš­i dar k 30. narodninam wobradźi (2.). Dźesać mjeńšin pozdźišo bu Jurij Matka na hrajnišćo pósłany a běše spěšniši hač škitar a přetwori k 2:0 (12.).

Wuslědki (18.05.15)

póndźela, 18. meje 2015 spisane wot:

Kopańca, regionalna liga

1. FC Union II – Nordhausen   0:1 (0:1)

Plauen – Auerbach  0:1 (0:1)

Jena – Budissa Budyšin   2:1 (0:1)

BFC Dynamo – Neustrelitz  4:2 (1:1)

Hertha BSC II – Magdeburg  1:4 (1:2)

FC Viktoria – Berlinski AK  0:2 (0:1)

Halberstadt – Zwickau  3:1 (2:1)

Babelsberg 03 – Meuselwitz   3:0 (2:0)

1. Magdeburg 29 60 : 20 60

2. Zwickau 29 44 : 20 56

3. Nordhausen 29 41 : 38 45

4. Hertha BSC II 29 48 : 37 42

5. BFC Dynamo 29 32 : 26 42

6. Jena 29 42 : 37 42

7. Berlinski AK 29 34 : 35 39

8. Halberstadt 29 43 : 42 37

9. 1. FC Union II 29 49 : 47 36

10. Neustrelitz 29 42 : 39 35

11. Auerbach 29 27 : 52 31

12. Babelsberg 03 29 31 : 33 30

13. Budissa Budyšin 29 23 : 38 27

14. Meuselwitz 29 27 : 52 22

15. FC Viktoria 29 23 : 50 17

16. Plauen 29 0 : 0 0

krajna liga

FC Eilenburg – Biskopicy 0:0 (0:0)

Kamjenc – Döbeln 2:0 (0:0)

BSC Freiberg – Hohenstein-E. 6:1 (3:1)

FC Grimma – FC International 2:2 (0:1)

BSG Chemija – Markkleeberg 2:2 (0:2)

Heidenau – Glauchau 3:2 (1:1)

Widźał, słyšał, napisał (18.05.15)

póndźela, 18. meje 2015 spisane wot:
Awtor dźensa Mikławš Krawc

Jan Wornar je wo tym pisał,­ tež Jurij Koch w swojej knize „Zabych ći něšto rjec“: Kak smy jako šulerjo Serbskeho gymnazija w čěskich Warnoćicach swětowe mišterstwa 1949 w lodohokeju dožiwili. W nócnych koš­lach sedźachmy wječor před radijom a słuchachmy na reportaže ze Šwedskeje. Wjeselo bě wosebje wulke, jako doby Čěskosłowakska kónčnu hru přećiwo Kanadźe z 3:2. To bě scyła prěni wuspěch Čechow a Słowakow nad mustwom ze Sewjerneje Ameriki. Składnostnje lětušich mišterstwow w Praze a Ostravje dyrbjach časćišo na wone dny myslić. Čěska (hač do 1992 přeco zhromadnje ze Słowakami) doby dotal dwanaće króć titul, ale nětko doma bě bjez šansy. Hižo w předkole chowancy trenarja Růžički njepřeswědčichu. Sobotu přećiwo Kanadźe rěkaše 0:2, wčera w hrě wo třeće městno přećiwo USA bě poražka z 0:3 hišće jasniša. Wot dotal jědnaće mišterstwow doma hakle druhi raz ani podestowe městno njewuskoči. Jaromír Jágr pokaza ze swojimi 43 lětami dosć dobry wukon a bu jako najdrohotniši akter cyłeho turněra wu­znamjenjeny.

Sport (15.05.15)

pjatk, 15. meje 2015 spisane wot:

Dalše pokalne koło

W dalšim volleyballowym pokalnym kole zetkatej so póndźelu wječor w sportowej hali na Kamjentnej w Budyšinje volleyballisća Sokoła Budyšin a ST Marijina hwězda. Wot 19 hodź. hraje Sokoł Budyšin přećiwo VV Biskopicy, po tym VV Biskopicy přećiwo ST Marijina hwězda a naposledk Sokoł Budyšin přećiwo Marijinej hwězdźe.

Wo pokal Serbskeho Sokoła

Sportowe towarstwo Viktoria Worklecy budźe jutře, sobotu, zarjadowar a wuhotowar volleyballoweho turněra žonow a holcow. Hrać budźe so wot 10 hodź. we Worklečanskej ćěłozwučowarni. Mustwa njech so pola Marcela Rjelki pod přizjewja. Hrać bu­dźe so wo pokal Serbskeho Sokoła.

Treningowe lěhwo

Tež lětsa přewjedźe motosportowe towarstwo MC Jawora zaso treningowe lěhwo za dźěći. Lětsa pak bu wone wot spočatka meje na 6. junij přepołožene. Wobdźělić móža so dźěći w starobje 5 do 14 lět. Přizjewjenja su jenož z online-formularom na homepage MC Jawory móžne.

Jěchanske turněry

Skónčnje zaso połny wuspěch

srjeda, 13. meje 2015 spisane wot:

SJ Njebjelčicy

– Natwar Němske Pazlicy 2:1 (1:0)

Zestawa domjacych: D. Ričel – Hrjehor, Haška, Hoier, Pawlik, Dubaw, Kral, Cyž (58. Hommel), Hanuza, Lejnart (64. Čornak), T. Ričel (85. Janca)

Po sydom partijach bjez dobyća a jeno dwěmaj dobytymaj dypkomaj poradźi so koparjam Sportoweje jednotki Njebjelčicy w domjacym derbyju přećiwo koparjam z Němskich Pazlic skónčnje połnje zasłuženy wuspěch. Hač na Šołtu steješe trenarjej Handrijej Krawčikej wšón kader k dispoziciji. Nimo toho postara so trenar Detlef Panic ze swojej přitomnosću zawěsće wo motiwaciju pola hrajerjow. Wón bě mjenujcy před štyrjomi ty­dźenjemi nahle ćežko schorjeł a je nětko na najlěpšim puću wustrowjenja.

W prěnim połčasu bě na stronje ho­sćićela wurjadna kopańca widźeć. Nadběh po nadběhu so z rjanymi a spěšnymi kombinacijemi wuhra. Tola jeničke wrota do přestawki docpě Rony Hanuza w 34. min. po rjanej kombinaciji přez Pawlika a Tobiasa Ričela.

Taktika wuspěšna

srjeda, 13. meje 2015 spisane wot:

ST Budyšin

– ST 1922 Radwor 0:0 (0:0)

Zestawa hosći: Wróbl – Šěrak, Zähr, Urban, Henke, Bauer, Karwinski, Šram, Nuk, Mark, Wjeńka (66. Kubitz)

Wuslědki (13.05.15)

srjeda, 13. meje 2015 spisane wot:

Kopańca, wokrjesna liga stafla I

Wóspork – Malešecy 3:2 (2:1)

Wulka Dubrawa – Njeswačidło 0:2 (0:0)

Minakał – Załom 0:8 (0:4)

1. Wjelećin 24 74 : 27 61

2. HZ Budestecy 23 51 : 33 47

3. ST Budyšin 23 61 : 24 44

4. Kubšicy 23 52 : 35 41

5. Załom 23 67 : 40 38

6. Wóspork 23 51 : 51 35

7. Radwor 24 48 : 35 31

8. Malešecy 23 63 : 60 30

9. Hodźij 23 30 : 42 24

10. Póst Budyšin II  24 24 : 58 24

11. Wulka Dubrawa 23 42 : 49 22

12. Wjernarjecy 23 31 : 42 22

13. Njeswačidło 24 30 : 55 20

14. Minakał 23 25 : 55 19

15. Bart 90 24 26 : 69 14

wokrjesna liga stafla III

1. Kinspork 21 70 : 15 52

2. Ottendorf-Okrilla 22 47 : 22 41

3. Frankenthal 22 52 : 34 39

4. Großnaundorf 23 40 : 29 38

5. Großröhrsdorf II 21 35 : 33 35

6. Marijina hwězda 22 38 : 37 34

7. Liegau-Augustusbad 22 47 : 39 29

8. Njebjelčicy 22 49 : 47 28

9. Arnsdorf 22 36 : 33 24

10. Porchow 22 30 : 42 23

Koparki młodźiny C Biskopičanskeho koparskeho towarstwa 08 su krajne pokalne finale wo pokal koparkow starobneje klasy młodźina C dobyli. W Biskopicach hrajachu wone we wobłuku wotewrjenja sportoweho parka „Wesenitz-Sportpark“ přećiwo holcam 1. FFC Fortuna Drježdźany 4:0 (2:0). Hru bě 200 přihladowarjow widźało. Foto: Jörg Stephan

Volleyballisća koło dale

wutora, 12. meje 2015 spisane wot:

Z minimalnej, za to pak sylnej zestawu zabsolwowachu volleyballisća Marijineje hwězdy prěnje koło wokrjesneho pokala. Hosćićel a zdobom prěni přećiwnik bě mustwo ST Budyšin. Druhi přećiwnik bě – kak móhło to hinak być při zbožu Marijineje hwězdy w tutej hrajnej dobje – Budyšin-sewjer.

ST Marijina hwězda – ST Budyšin 2:0 (25:8, 25:5)

Hrajerjo z Pančic podachu so z połnej paru­ do hry. To njebě wězo ćežko, wšako běše mustwo z Budyšina zastupjer z hobbyjoweje ligi. Mužojo wokoło kapitana Marka Kowarja wužichu hru tuž jako intensiwne sćoplenje za slědowacu hru.

ST Marijina hwězda – Budyšin-sewjer 1:2 (25:20, 15:25, 13:15)

nawěšk

SERBSKE NOWINY podpěruja:

Novi Sad – kulturna stolica Europy

nowostki LND