Štyri w Europje dowolene serumy na rozdźělne wašnje před wirusom a tak před chorosću covid-19 škitaja

Nimale 70 procentow wšěch Němcow nad dwanaće lětami je mjeztym dwójce přećiwo koronje šćěpjenych. W našich susodnych krajach kaž w Nižozemskej, Belgiskej a Francoskej maja šćěpjenske kwoty nad 80 procentami. Po informa­cijach strowotniskeje organizacije WHO su po cyłym swěće wjace hač tři miliardy ludźi dwójce šćěpjene, kóždy druhi čłowjek na swěće znajmjeńša jónu. W chudšich krajach swěta so ludźo wo šćěpiwo torhaja, zo bychu skónčnje před wirusom škitani byli. W Němskej pak mamy přeco hišće tójšto ludźi, kotřiž radšo dale a krućiše postajenja za nješćěpjenych znjesu, město toho zo bychu sej srědk, kotremuž njedowěrjeja, injicěrować dali. Přewulke su njewěstosće. Lědma štó dźě wě, kak tajke šćěpjenje scyła funguje. Chcu jako student mediciny štyri šćěpiwa, kotrež su w Europje dotal dowolene, předstajić a rozkłasć, na kotre wašnje wone před koronawirusom škitaja.

Šćěpiwa z mRNA

Drježdźany (SN). W Sakskej pobrachuje hižo nětko wjele domjacych lěkarjow, předewšěm we wjesnych kónčinach. Naje­bać to, zo je wjele zajimcow za studij mediciny, wukubłanske kapacity w Němskej njedosahaja, zo móhli wšitkim abiturientam, kotřiž chcyli so z lěkarjom stać, studij zmóžnić. Tohodla je sakske zjednoćenstwo chorobnych kasow (KV) modelowy projekt wuwiło. Pod hesłom „Studować w Europje – přichod w Sakskej“ chcedźa zajimcam přistup na uniwersitu w madźarskim měsće Pécs zmóžnić, zo bychu tam humanu medicinu studowali. Za čas regularneho studija jim studijne popłatki spušća. Po studiju absolwuja wobdźělnicy dalekubłanje na fachoweho lěkarja za powšitkownu medicinu w Sakskej. Pozdźišo zasadźa jich znajmjeńša pjeć lět w praksach domjacych lěkarjow, ale zwonka Lipska/Markkleeberga a Drježdźan/Radebeula. Zo móhli sej dźěło domjaceho lěkarja zbližić, maja studowacy praksu za partnera, hdźež wob lěto dwanaće dnjow hospituja.

Budysko-Kamjenski cyrkwinski wobwod je před 15 lětami pomocnu akciju za ­partnerski cyrkwinski wobwod Meru-Juh w Tansaniji zahajił. Pod hesłom „Nachribjetniki za Tansaniju pakować“ přewostajeja kóžde lěto dohromady 4 000 šulskim nowačkam w afriskim kraju wjedrokrute wačoki, pjelnjene z materialom za wučbu a z jědźnym gratom. Lětsa bě 4. lětnik Budyskeje zakładneje šule prěni, kotryž ­swojich towaršow na južnym kontinenće na tele wašnje podpěruje. Cyrkwinski ­wobwod informuje, zo móža so zajimcy hišće hač do 4. adwenta na akciji wobdźělić, nachribjetniki poskićeja tež na farach. Foto: Katrin Pilz

Tak často so njestawa, zo je wuzna­mje­njenje na němskej runinje po serbskej woso­binje pomjenowane. Ćim zrudnišo, zo lědma štó w Serbach wě, štó tuta žona je, w kotrejež mjenje wot lěta 2014 Hladanske myto Marje Simonoweje spožčeja. Němski zwjazk městow a gmejnow spěchuje wuznamjenjenje z 2 500 eurami. Nětko je šansa, zo so tónle deficit w serbskim kolektiwnym wědomju změni. Wšako wuwoła Čerwjeny křiž wopominanske lěto 2024 jej k česći. A tu pokazuje so dalša wosebitosć: Wosobina, kotruž chcedźa česćić, je žona. To wězo hladajo na polo skutkowanja njepřekwapja, wšako je hla­da­nje chorych tradicionalnje žónski wobłuk. Tak płaći tež britiska chorobna sotra a rowjenica Simonoweje Florence Nightingale jako załožerka moderneho hladanja chorych. Štož Serbow nastupa: Telko žonow w Nowym biografiskim słowniku njenańdźeš, Marja Simonowa pak je zastupjena. Dajće nam sej ju tuž znowa wotkry­wać! Cordula Ratajczakowa