Cokorowu titu šulskich nowačkow mudrje pjelnić
Kónc wulkich prózdnin je šulerkam a šulerjam lěto wob lěto runje tak wostrózbjacy kaž radostny podawk. Čas bjez domjacych nadawkow, bjez zažneho stawanja a bjez z-hłowy-wuknjenja wokablow, bjez matematiskich formulow abo wjeršow rozswětlerskich baladow je potom zaso nimo. Na tamnym boku kiwaja zhromadna zabawa z towaršemi-přećelemi, sportowanje a spěwanje w cyłku, ale tež rozšěrjenje wědy.
Po bahnje pućować
Kulow. Tež lětsa přewjedźe Kulowska regionalna skupina NABU prózdninskej pućowani po Dubrjenskim bahnje. Wonej wotmějetej so njedźelu 13. a njedźelu 20. julija. Zajimcy zetkaja so stajnje w 9 hodź. před hosćencom „Mühlengrund“ w Michałkach, zdźěli Uwe Kupsch. Wobdźělenje płaći dwaj euraj na wosobu wot dwanaće lět. Za pućowanje po přirodźe Dubrjenskeho bahna hač k Zelderec hatam měli wobdźělnicy na wotpowědnu drastu a krute črije myslić.
Kolesowansku šćežku ponowja
Rakecy. Wot spočatka tydźenja ponowja kolesowansku šćežku podłu zwjazkoweje dróhi B 96 mjez Rakecami a Kamjenej. Wot sewjerneje kromy Rakec hač k Łastojčemu pućej krótko před Kamjenej wotstronja škody, kotrež su korjenjow dla nastali. Nimo toho tam puć na 900 metrow dołhim wotrězku znowa asfaltuja. Dale zatwarja škitnu foliju, zo bychu wospjetnym škodam přez korjenje zadźěwali. Twarske dźěła maja kónc julija wotzamknjene być. Tak dołho dyrbja kolesowarjo hłowny puć wužiwać.
Wobydlerjo park wotpokazuja
Radźićeljo Halštrowskeje Hole přiwšěm za solarnu připrawu hłosowali
Hory (AK/SN). Pola Zabroda ma wuchodnje a zapadnje zwjazkoweje dróhi B 97 na wjace hač 17 hektarow wulkej płoninje solarny park nastać. Tomu je wjetšina gmejnskich radźićelow Halštrowskeje Hole na swojim zašłym posedźenju přihłosowała. Twarić chce jón Zabrodske předewzaće BUG, kotremuž płoniny słušeja. „Za to dyrbimy plan wužiwanja ležownosćow změnić“, rozłoži Heidrun Eger z twarskeho zarjada gmejny.
Potrjechene su předewšěm lěsne płoniny. Přećiwo tomu so wobydlerjo a Zabrodska wjesna rada wobaraja. „Wjetšina wobydlerjow je přećiwo tomu, zo ma so za solarny park 17 hektarow lěsa zhubić“, praji bywši wjesny předstejićer Siegbert Bogott. Po jeho słowach bě so potrjecheny lěs 1990 z woporom wohenja stał. Mjeztym su štomy zaso derje narostli a měli so dale škitać.
„Zranjeneju“ wuswobodźili
Dobrowólne wohnjowe wobory su na wsach a w městach njeparujomny wobstatk zjawneho žiwjenja. Ludźo móža so na to spušćeć, zo jim něchtó pomha, hdyž su w nuzy. Za to dyrbja wobornicy stajnje derje wukubłani być a sej trěbne znajomosće přiswojeć.
Slepo (JR/SN). W nowej gratowni Slepjanskeje dobrowólneje wohnjoweje wobory su minjeny kónc tydźenja prěnje wukubłanje w techniskej pomocy přewjedli, a to z wulkim wuspěchom. Tak mjenowany zakładny kurs A we wobłuku wokrjesneho wukubłanja su žony a mužojo z wjacorych wsow wopytali. Wobdźělili su so mjez druhim kameradojo z Trjebina, Slepoho, Krynhelec a Rownoho. Mjez nimi běchu tři žony. Wone přeswědčachu ze swojimi předznajomosćemi runje tak kaž ze swojim angažementom.
Krabatowy dwór w Jitku je w prózdninskim času rjany cil za swójbny ...
Krótkopowěsće (09.07.25)
Župa dalšej towarstwje přiwzała
Nowa Wjeska. Župje „Michał Hórnik“ stej wčera na jeje lětnym posedźenju w Nowej Wjesce dwě dalšej towarstwje přistupiłoj. To stej Spěchowanske towarstwo Serbskeje zakładneje šule „Šula Ćišinskeho“ Pančicy Kukow z 32 čłonami a towarstwo Při Marijinej studničce Róžant z 38 čłonami. Župne předsydstwo jej nachwilnje přiwza. Doskónčnje ma přistup hłowna zhromadźizna župy spočatk lěta 2026 wopodstatnić.
Darowansku akciju zahajili
Miłoćicy. Pod hesłom „Zhromadnje njejsy sam“ wotměje so lětsa posledni kónc tydźenja julija 2. Witaj-festiwal při Miłočanskej skale (SN rozprawjachu). Dokelž Załožba za serbski lud za zarjadowanje pod hołym njebjom tónraz mjenje pjenjez přewostaja, pobrachuje aktualnje 3 000 eurow za zwoprawdźenje ewenta. Tuž proša organizatorojo wo dary. Za to trěbne daty posrědkuja zajimcam po mailce na .
Nowy album Geigerzählera wušoł
Baćonam wańčku z wodu nastajił
Krambambuli zahudźi na zahrodźe
Serbja so zetkaja
Drježdźany. Přichodna serbska bjesada w sakskej stolicy wotměje so jutře, srjedu, we 18 hodź. znowa w korčmje Am Thor na Hłownej dróze 35. Wobdźělnicy móža so tam w čěskej rěči posłužować dać a sej čěske piwo zesłodźeć dać. Wšitcy Drježdźanscy Serbja su wutrobnje přeprošeni.
Wot baroka k modernje
Budyšin. We wobłuku Budyskeho pišćeloweho lěća koncertuje organistka Olena Matseljuch z Lwiwa srjedu, 9. julija, w cyrkwi swj. Pětra. Program wopřijima twórby mjez druhim mištra němskeho baroka Johanna Pachelbela, čěskeho klasikarja Jana Křtitela Kucharja a našočasneho ukrainskeho komponista Wiktora Gonšarenki. Zarjadowanje započnje so w 19.30 hodź., zastup je darmotny. Zarjadowacy Cyrkwinskohudźbny skutk Budyšin pak šćedriwe dary njewotpokazuje.
Wiki serbskeje drasty
Policija (08.07.25)
Motorske pokradnyli
Haty. Paduši su minjene dny w Hatach, małej wsy we Worklečanskej gmejnje pobyli. Njedźelu popołdnju tam zwěsćichu, zo bě so motorske typa Kawasaki KLX 140 R zhubiło. Po informacijach policije bě mašina něhdźe 3 000 eurow hódna. Skućićeljo běchu so na ležownosć na Wokolnym puću zadobyli a motorske sobu wzali. Hač su z nim wotjěli abo hač su motorske z připowěšakom wotwjezli njeje znate. Kriminalna słužba Kamjenskeho policajskeho rewěra so z padom zaběra.
