Lětni swjedźeńje połčas
Hród so do wsy nawróćił
Wosebita wustajeńca dokumentuje wotrězk stawiznow Njeswačidła
Njeswačidło (SN/MWj). Lědma štó drje wě, zo měješe Njeswačidło něhdy dwaj hrodaj. Nimo dźensa daloko znateho stareho barokneho hrodu bě to tak mjenowany nowy hród. Wón steji w srjedźišću noweje wosebiteje wustajeńcy, kotruž su njedźelu w Njeswačanskim domizniskim muzeju wotewrěli. Mjeztym je to 56. wosebita přehladka, kotruž w 21 lětach wobstaća muzeja pokazuja.
Z antologije LND čitałoj
Při hašenju lěsa jězdźidło přisadźili
Zo bychu so ludźo před wohenjemi škitali, su před něhdźe połdra lětstotkom tež w Hornjej Łužicy wohnjowe wobory załožeć započeli. W našej lětnjej seriji chcemy někotre z nich předstajić a jich stawizny rozłožić. (9)
W stawiznach města Kulowa su zahubne wohenje stajnje zaso wulke škody načinjeli. Ludźo so wohenjow bojachu, dokelž stejachu chěžki wusko jedna při druhej. Tuž wobydlerjo rozsud měšćanosty Šlosareka witachu, 10. septembra 1898 wohnjowu woboru załožić. Hižo lěto po załoženju wuhotowachu woboru z ručnej sykawu a trěbnymi hadźicami. W lěće 1904 přidruži so wjerćaty rěbl. Jón su hač do 1970tych lět wužiwali.
Krótkopowěsće (29.07.25)
Wočakuja poł miliona putnikow
Rom. Młodostni Drježdźansko-Mišnjanskeho biskopstwa wobdźěleja so wot dźensa na putnikowanju młodostnych składnostnje lětušeho Swjateho lěta w Romje. Tež skupina serbskich młodostnych dožiwja hišće hač do póndźele program, na kotryž zamołwići we Vatikanje něhdźe poł miliona młodostnych wočakuja. W fokusu putnikowanja steji wěra w dobje digitalneje komunikacije.
Dalši móst zaraćeny
Zhorjelc. Móst w Mittelherwigsdorfje je wokrjes Zhorjelc wčera njejapcy za železnicu zašlahał. Awta hižo wot meje po mosće jěć njesmědźa. W aktualnym posudku su fachowcy zwěsćili, zo móhł so móst sypnyć. Z tym zwisk mjez Wodowymi Hendrichecami a Liberecom wupadnje, ćah z Drježdźan jědźe jenož hač do Habrachćic. Pućowacy měli so wo alternatiwje z busom informować.
Polěpša wukubłanske wuměnjenja
Jubilej wsy hódnje woswjećili
Lětsa wobšěrniši program za wšě generacije wjele chwalby žnjał
Serbske Pazlicy (AKr/SN). 800. róčnicu prěnjeho pisomneho naspomnjenja wsy su wot pjatka hač do njedźele w Serbskich Pazlicach swjećili. Za jubilej bě ze šěsć wosobow wobstejacy organizaciski team tróšku wobšěrniši program na nohi stajił, hač jón hewak na wjesnym swjedźenju maja. Wjesnjenjo běchu swoje ležownosće rjenje z pisanymi wimplemi wupyšili.
Stawizny digitalnje a z kamuškami
Kamjenc (SN/MWj). „Wustajeńcu „800 lět – što Kamjenc a Kamjenčanow jima“ wotewru pjatk, 15. awgusta, w 19 hodź. w Kamjenskej měšćanskej bibliotece „G. E. Lessing“. Historikar dr. Lars-Arne Dannenberg poda zawod wo wubranych podawkach měšćanskich stawiznow. Digitalne wobrazy z krótkimi informacijemi budu potom hač do 21. nowembra w zachodźe biblioteki we wotewrjenskim času widźeć, rěka w nowinskim wozjewjenju biblioteki. Nimo toho pokazaja pjeć motiwow fotografa Waltera Steinborna (1927–2011).
Měšćanska biblioteka měješe z Kamjenskim stawizniskim towarstwom a ze spěchowanskim towarstwom biblioteki angažowaneju partnerow poboku, z kotrymajž wjacore poskitki zwoprawdźi. Nimo wustajeńcy su štyri přednoški organizowali. Dale zestajichu brošurku, kotraž budźe wot 16. awgusta w bibliotece na předań. W 84 stron wopřijacym zešiwku wjedu tematiske přinoški po Kamjenskich stawiznach a wyši měšćanosta Roland Dantz zwaži sej wuhlad na 900. róčnicu města.
Policija (28.07.25)
Płujadło znjezbožiło
Narć. Wo njewšědnym njezbožu rozprawja Zhorjelska policajska direkcija z Narća. Tam je pjatk po připołdnju płujadło na lětanišću znjezbožiło. Po wšěm zdaću je pilot kontrolu nad mašinu zhubił, jako přizemi. Při tym je so mašina rozłamała, kaž w rozprawje rěka. Wěcna škoda wučinja něhdźe 20 000 eurow. Zranił pak so na zbožo nichtó njeje.
Awto do štoma prasnyło
Kulow. Na statnej dróze S 95 mjez Kulowcom a Němcami je so pjatk popołdnju ćežke wobchadne njezbožo stało. 66lětny muž bě ze swojim Audijom do směra na Kulowc po puću. Z dotal njeznateje přičiny zhubi wón w lěwej křiwicy krótko před Kulowcom kontrolu nad swojim awtom, zajědźe předaloko na prawy bok jězdnje a prasny do štoma. Ćežko zranjeneho šofera dowjezechu do chorownje. Na awće nasta 11 000 eurow škody.
Trjebaja kupanskeho mištra
Hamor/Rychwałd (AK/SN). Lětuša kupanska sezona w Rychwałdskej kupjeli, kotruž tamniši wjesny klub organizuje, žněje dotal dobry wothłós. To rjekny wjesnjanosta Hendryk Balko (Hamorske wolerske zjednoćenstwo) na zašłym posedźenju gmejnskeje rady. „Wopytowarjo su z nowym kupanskim mištrom spokojom. Płuwanske kursy so poskićeja. Tež wječorne płuwanje seniorow je jara woblubowane“, wón rozłoži. Kupjel wopřijima 50 metrow dołhi basenk a wulke suwadło. Při rjanym wjedrje je kupjel hač do 31. awgusta wot póndźele do njedźele stajnje wot 14 do 19 hodź. wotewrjena. W času sakskich šulskich prózdnin je samo wot 10 do 20 hodź. přistupna.
Krótkopowěsće (28.07.25)
Nowa režijna dwójka
Budyšin. Program lětušeje hornjoserbskeje schadźowanki změjetaj Milena Wowčerjec a Maximilian Gruber jako režijna dwójka na starosći. Wonaj naslědujetaj Katku Pöpelec a Symana Hejdušku, kotrajž staj nadawk w zašłych lětach spjelnjałoj. 151. schadźowanka wotměje so 22. nowembra tradicionelnje w Budyskej Krónje. Nadrobnosće čitajće jutře w SN.
Wurywanja njemyla twarjenja
Budyšin. Wurywanki srjedźowěkowskeho sydlišća na Lawskim arealu njebudu po aktualnym stawje twar Serbskeho foruma wědy wobwliwować. To je Serbskim Nowinam zastupowaca direktorka Załožby za serbski lud Michaela Mošowa wobkrućiła. Dźěło archeologow potrjechi areal druheje twarskeje fazy při Lawskich hrjebjach. Najprjedy twarja na róžku Hošic hasy/Wonkowneje Lawskeje.
Spěchuje twarjenje z drjewom
