Dźěłarnja za zbrašenych nastanje
Wojerecy (AK/SN). W bywšej tenisowej hali we Wojerecach chcedźa produkciju Łužiskich dźěłarnjow za zbrašenych ludźi zaměstnić. Kaž jednaćel Robert Rys zdźěli, halu hač do kónca lěta 2028 přetwarja. Předewzaće płaći 6,2 milionaj eurow. Z toho Swobodny stat Sakska 4,2 milionaj eurow spěchuje. Srjedu je jim statna sekretarka w sakskim socialnym ministerstwje Dagmar Neukirch (SPD) přizwolenje srědkow přepodała. Budyski wokrjes přida 594 000 eurow, samsnu sumu přewostaji Agentura za dźěło. Swójski podźěl Łužiskich dźěłarnjow wučinja 885 000 eurow. W septembru 2026 chcedźa twarić započeć. Potom swjeća Łužiske dźěłarnje swoje 35lětne wobstaće. Gumpertec architekturny běrow z Kulowa projekt planuje.
Kóžde lěto do adwenta Budyske zjednoćenstwo pjekarjow wosuški ...
Krótkopowěsće (14.11.25)
Atomowe wotpadki wotpokazuja
Drježdźany/Zhorjelc. Sakski minister za wědomosć Sebastian Gemkow (CDU) je Zwjazkowej towaršnosći za doskónčne składowanje pisomnje zdźělił, zo Łužica natwara Astrocentruma (DZA) dla hižo jako składźišćo atomowych wotpadkow k dispoziji njeje. Tež wědomostny jednaćel DZA prof. Günther Hasinger na to skedźbni, zo so wulkoslědźenišćo z atomowymi wotpadkami njeznjese.
Budyske lětanišćo profituje
Berlin/Budyšin. Małe regionalne lětanišća dóstanu klětu tola 50 milionow eurow podpěry z etata zwjazkoweho ministerstwa za wobchad. W etatnym naćisku knježerstwa pjenjezy porno tomu hižo předwidźane njeběchu. Nad wobzamknjenjom etatneho wuběrka zwjazkoweho sejma so łužiska zapósłanča SPD Kathrin Michel wjeseli, wšako tež Budyske lětanišćo z toho profituje.
Mjeńšiny w změnje strukturow
Kopikojty hrib dobra alternatiwa k medikamentam
Nic jenož na wsach, ale tež w městach maja mnozy doma skót. Něchtóžkuli nimo toho drobny skót plahuje. Wšitcy so wo strowotu swojich lubuškow prócuja. K tomu přinošować chce naša serija z pokiwami z weterinarneje mediciny. (69)
W nazymje su ludźo rady a často w lěsu po puću, zo bychu sebi kobjelku hribow nazběrali. Při rjanym nazymskim wjedrje chce a smě psyk wězo sobu běžeć. Psy ćěrja přez lisćo, běhaja tu a tam, hladaja, za čim wobsedźer tam na zemi pyta, čušla a … namakaja tež hrib.
W přibližnje 14 procentach wšěch padow zajědojćenja psa je hrib zawinowar, kotryž je sej psyk zesłodźeć dał. Zwjetša wobsedźerjo njewědźa, kajki hrib to bě, kotryž je lubušk zežrał. Chiba, dokelž njeje hižo zbytkow k identifikowanju abo dokelž so prosće tak dokładnje z hribami njewuznawa.
Politikarjej wosuški pjekłoj
Popołdnjo za swójby
Židźino. Na zhromadne popołdnjo za swójby přeprošuje Domowinska župa „Handrij Zejler“ njedźelu, 16. nowembra, do Židźinoho. Wot 15 hodź. su wopytowarjo zbliska a daloka na kofej a tykanc do stareje šule witani. Tam přihotuja kulturny program, móžnosće k paslenju a zaběrje kaž tež překwapjenku na kóncu popołdnja. Zastup płaći dwaj euraj za dorosćenych a jedyn euro za dźěći.
Žłobiki ze wšeho swěta widźeć
Hórnikecy. W zetkawanskim centrumje „Transferny rum domizna“ Hórnikečanskeje energijoweje fabriki su wotnětka widźeć Bože narodki ze wšeho swěta. Přehladka pokazuje fascinowacu zběrku z ruku natwarjenych narodkow mnohich krajow a kulturow. Wone su zhotowjene ze wšelakich technikow a rozdźělnych maćiznow. Wustajeńca je přistupna hač do 8. januara stajnje srjedu wot 10 do 14 hodź. a štwórtk wot 10 do 16 hodź. Kontakt je móžny pod telefonowym čisłom 03571/ 605 187.
W kubłanišću so wěrować dać
Smochćicy. Stawnistwo města Budyšina změje klětu nowu městnosć wěrowanjow. Dotal móža sej pory w Budyskej Weigangec wili, w Njezdašečanskim hrodźe a w Budyskej sukelnicy „Haj“ na čas žiwjenja prajić. Wot spočatka noweho lěta budu stawniske wěrowanja tež w Smochčanskim kubłanišću swjateho Bena móžne, měšćanske zarjadnistwo zdźěli. Smochčanske kubłanišćo zwjazuje historisku twarsku substancu a přirodnu wokolinu, štož twori wosebitu atmosferu za zmandźelenje. Pory njenadeńdu tu jenož perfektne městno za swoju ceremoniju, ale tež kmane rumnosće za swjedźeń a móžnosće přenocowanja – potajkim kompletny paket za kwasny dźeń.
Stawniske wěrowanja z hač do 35 hosćimi maja so na žurli Alojsa Andrickeho wotměć. Terminy chcedźa jónu wob měsac na jednej soboće rozdźělić. Štóž chce sej wjace hosći přeprosyć abo wosebite přeća zwoprawdźić, njech so direktnje w Smochćicach wobhoni. Hižo nětko móža sej zajimcy terminy za 2026 na Budyskim stawnistwje dorěčeć.
Gmejna ze zwjazka wustupi
Hamor rozdźělenje srědkow we Łužiskej jězorinje Sakskeje kritizuje
Hamor (AK/SN). Hamorska gmejna ze zaměroweho zwjazka Łužiska jězorina Sakskeje wustupi. Gmejnscy radźićeljo póndźelu jednohłósnje rozsudźichu, zo ma wjesnjanosta Hendryk Balko (Hamorske wolerske zjednoćenstwo) čłonstwo wupowědźić. Z tym sćěhowachu namjetej Hamorskeho wolerskeho zjednoćenstwa.
Na wopory pogroma spominali
Budyšin (CRM/SN). Dźensa je wopomnjenje pogroma napřećo židowskim wobydlerjam w nacionalsocialistiskej dobje bohužel trěbniše hač hdy prjedy. Hida a namóc napřećo židam dale a bóle přiběratej. Tak zhromadźichu so tež minjenu njedźelu w Budyšinje předewšěm na iniciatiwu cyrkwinskich kruhow, jenak myslacy na dwěmaj městnomaj
