Policija (16.07.25)
Pohonč so zranił
Krěpjecy. Z njewšědnym njezbožom je so policija póndźelu připołdnju w Krěpjecach pola Halštrowa zaběrała. Tam bě konjacy zapřah po puću. Jako so kóń nadobo „zesamostatni“ a na pohonča hižo njeposłuchaše, padny 70lětny muž ze zapřaha. Wón bě so na hłowje zranił. Kaž policija zdźěli, kóń ze zapřahom dale běžeše. Štyrinohača pak pozdźišo zaso dosahnychu.
Dobre rozrisanje trěbne
Wo dalšim wužiwanju něhdyšeho žłobika w Smjerdźacej wuradźowali
Smjerdźaca (JK/SN). Na wurjadne posedźenje běchu so čłonojo delanskeje gmejnskeje rady wčera w kulturnym domje w Smjerdźacej zešli. Hłowny dypk dnjoweho porjada bě dalše wužiwanje twarjenja něhdyšeje pěstowarnje a žłobika w Smjerdźacej. Nastork za posedźenje bě próstwa Serbskeho šulskeho towarstwa (SŠT), z gmejnu zrěčenje wo dalšim wužiwanju rumnosćow wotzamknyć. Tež kubłanske srjedźišćo LIPA rumnosće a teren pěstowarnje za najwšelakoriše zarjadowanja kultury, sporta a zabawy za starych a młodych wužiwa.
Póndźelu, 21. julija, započnje so na Hrodowskej w Budyšinje ...
Dźěćaca kofejownja wjele poskića
Krótkopowěsće (16.07.25)
Wo přesadźenju reformy rěčeli
Berlin. Na posedźenju mjeńšinoweje rady w Berlinje so zastupjerjo tele dny z přesadźenjom reformy prawa mjena zaběrachu. Jako chcychu přisłušni mjeńšinje Danow w Němskej a Frizojo swoje mjeno na zarjedźe změnić dać a je po tradicionalnym wašnju do wupokazow zapisać dać, su problemy nastali. Tamniše zarjady su změnu wotpokazali měnjo, zo dyrbja potrjecheni dopokazać, zo mjeńšinje přisłušeja.
Wjele městnow njewobsadźene
Drježdźany. Po cyłej Sakskej njejsu tuchwilu nimale 8 000 wukubłanskich městnow wobsadźene. Runočasnje je hišće 7 000 młodostnych, kotřiž za wukubłanskim městnom pytaja. W někotrych powołanjach namakaja předewzaće jenož ćežko zajimcow, zdźěli wčera Sakska regionalna direkcija agentury za dźěło. K tomu słušeja wobłuki betonownika abo medijoweho technologu. K najwoblubowanišim wukubłanskim městnam słuša powołanje předawarja.
Sakska na jědnatym městnje
Wjelelětnej wučerce rozžohnowali
W Słonej Boršći pčołniki hnězdźa
Pućowanje njepřewjedli
Drježdźany (NH/SN). Błóćanych pućow dla je planowane pućowanje Drježdźanskich serbskich swójbow po Drježdźanskej holi minjenu njedźelu wupadnyć dyrbjało. Jako narunanje poskićichu zajimcam samsny dźeń móžnosć zetkanja na znatej plantaži při „Jahodowej kofejowni“ w Moritzburgu. Poskitk wuži jeno mała horstka. Třo dorosćeni a pjeć dźěći da sej najprjedy lód, kofej a tykanc zesłodźeć. Byrnjež so sčasami dešćowało, mějachu dźěći na hrajkanišću wjele wjesela. Znajachu dźě so ze skupiny serbskeje dnjoweje maćerje w Drježdźanach kaž tež wot zašłych zeńdźenjow dźěćaceho kružka. Přichodne zetkanje kružka je za awgust planowane.
Kino při Sprjewi
Budyšin. Při tak mjenowanym kolenje Sprjewje w Budyšinje pokazuje tudyši Kamjentny dom srjedu, 16. julija, španiski historiski drama „Der Lehrer, der uns das Meer versprach“. Film jedna wo idealistiskim wučerju, kiž w španiskej wsy přećiwo konserwatiwnym mocam wojuje. Zastup je wot 20 hodź. Film započnje so při ćmičkanju mjez 21 a 22 hodź. Zastup płaći wosom eurow.
Dalša rěčna swětłownja
Policija (15.07.25)
Rěku zanjerodźili
Budyšin. Dźakowano pokiwej swědka je policija njedźelu wječor zwěsćiła, zo je Sprjewja w Budyšinje při Mosće swjateho ducha zanjerodźena. Na wodźe płuwaše módra so błyšćata maćizna, při kotrejž so po wšěm zdaću wo lak jednaše. Alarmowana wohnjowa wobora je proby z rěki wzała. Pozdźišo tež zwěsćichu, hdźe je so maćizna do rěki dóstała. Kriminalna policija pad dale přepytuje.
Spytaja wobšudźić
Budyšin. Wot měrca tohole lěta dóstawaja wobydlerjo a firmy w Budyskim a Zhorjelskim wokrjesu mailki abo listy, kotrychž wotpósłar je pječa Němska zakonska zawěsćernja za njezboža (DGUV). W nich připowědźa so nowy digitalny model prewencije, za kotryž měli adresaća pjenjezy na španiske konto přepokazać. Před tym policija wuraznje warnuje. Štóž je tajku mailku dóstał, njech to policiji zdźěli, zo móhli zastojnicy za woprawdźitym wotpósłarjom slědźić.
Inwestuja do Parka błudźenkow
Hamorska gmejna nadawki planowanja přepodała
Wochozy (AK/SN). Turistisku a hospodarsku infrastrukturu Wochožanskeho Parka błudźenkow chce Hamorska gmejna dale rozšěrjeć. To chcedźa ze srědkami strukturneje změny docpěć. Za to je Hamorska gmejnska rada wčera wjacore planowanske nadawki rozdźěliła.
