Nowe pućniki za lěpšu orientaciju
Wojerecy (SN/MWj). W nutřkownym měsće Wojerec zarjaduja tuchwilu nowy wodźenski system za pěškow. Wón ma stare pućniki z lěta 1998 narunać, kotrež su lětsa w septembru wottwarili. Za nowy wodźenski system su spěchowanske srědki ze zwjazkoweho programa „Do přichoda kmane nutřkowne města a centry“ dóstali.
Wojerowčenjo buchu při wuwiću noweho systema sobu zapřijeći. Na měšćanskej platformje za sobuskutkowanje móžachu wobydlerjo pokiwy na kmane městna a za bjezbarjernosć zapodać. Tež wo wuhotowanju móžachu ludźo wothłosować. Za to mějachu štyri namjety na wuběr. Wothłosowanje bě digitalnje kaž tež analognje móžno. Nimo toho su so pasantow při informaciskim stejnišću na Łužiskim naměsće za jich měnjenjom prašeli a nastorki přijimowali. Dohromady je so na wothłosowanju 263 wosobow wobdźěliło. Nětko zwoprawdźa namjet, kotryž bě při tym jasnu wjetšinu hłosow dóstał.
Na wopory namocy spominali
Isa Bryccyna wustaja
Budyšin. Pod hesłom „Wčera, dźensa, jutře“ wotewru štwórtk, 20. nowembra, w 17 hodź. na druhim poschodźe justicneho twarjenja na Budyskej Lessingowej wustajeńcu Isy Bryccyneje. Dźensa w Kubšicach bydlaca swobodna grafikarka narodźi so 1963 w Jenje a je w Halle wuměłstwo a design studowała. Wot 2002 hač do 2022 dźěłaše jako knižna wuhotowarka w Ludowym nakładnistwje Domowina. Přehladka akwarelowych mólbow a rysowankow předstaja mnohostronske skutkowanje wuměłče. Swoje mysle poda na wotewrjenju lyrikarka Róža Domašcyna. Nimo toho recituja šulerjo Serbskeho gymnazija Budyšin někotre z jeje basnjow a Mirjam Wenzel wobrubi zarjadowanje na prěčnej pišćałce. Wustajeńca je hač do 28. januara 2026 we wotewrjenskich časach justicneho twarjenja přistupna. Zastup je darmotny.
Radźićeljo wuradźuja
Chrósćicy. Přichodne posedźenje Chróšćanskeje gmejnskeje rady wotměje so štwórtk, 20. nowembra, w 19 hodź. w gmejnskim a kulturnym centrumje „Łužica“. Na dnjowym porjedźe stejitej mjez druhim planowanje šulskeje syće a kónclětne wotličene 2018. Zajimcy su wutrobnje witani.
Najmoderniša kehelernja
Minjene měsacy su připrawu za kehelowanje na terenje Rakečanskeho sportoweho towarstwa ponowili, dokelž bě dodźeržana. Z toho jenož kehelerjo zwjazkoweje ligi njeprofituja.
Rakecy (UM/SN). Kehelerki Rakečanskeho sportoweho towarstwa SV 90 běchu zašłej lěće přewšo wuspěšne a steja wot tuchwilneje sezony w druhej zwjazkowej lize. Wjesnjanostu Swena Nowotneho (CDU) tajke wuwiće njedźiwa. „Hižo před lětami je so mjez dorostom pokazało, zo móhło so tam něšto wulke wuwić“, so wón dopomina. Tuž chcyše gmejna swoje připrajenje dodźeržeć, zo wotpowědne wuměnjenja stwori, jeli kehelerki do wyšeje klasy postupja.
Lětsa prěni raz hody na wěžach
Budyšin (CS/SN). Mjeztym zo su nowinarjow wčera w Budyskej radnicy wo 642. Wjacławskich wikach informowali, pyšachu sobudźěłaćerjo elektrofirmy wonka hodowny štom z 80 Ochranowskimi hwězdami. Reckec swójba z Budyšina bě jón za lětuše wiki dariła. Njedźelu, 30. nowembra, připołdnju pjekarski mišter Martin Reck na zahajenju wikow wosušk nakraje. Wiki pak so hižo pjatk do toho započnu.
Swjedźenišćo rozpřestrěje so tradicionalnje na Žitne wiki, Bohatu hasu a Hłowne torhošćo. Wjace hač 80 wikowarjow poskići kulinariske dobroty a hodowne wudźěłki. Zo bychu wiki jednotny wobraz měli, maja wikowarjo wšelake předpisy za wonkowne wuhotowanje budkow dodźeržeć. Kulturny program wopřija wjace hač 120 poskitkow. Tež chór Budyšin a hudźbnicy Serbskeho ludoweho ansambla w nim sobu skutkuja. Wot lěta 2023 přewodźeja šulerjo z Radworja wustup swjateje Borbory 4. decembra.
Woblubowany hosćenc „Longhorn“ w Ćichońcy pola Budyšina je ...
Krótkopowěsće (18.11.25)
Serbski sejm přećiwo załožbje
Drježdźany. Na Drježdźanskim zarjadniskim sudnistwje su dźensa dopołdnja wot 10 hodźin skóržbu Serbskeho sejma přećiwo Załožbje za serbski lud wobjednawali. Pozadk toho je, zo bě towarstwo Smy załožbje próstwu wo spěchowanje jednaćelnje zapodało. Załožba tomu wotpowědowała njeje. Jednaćelnja měješe dźěło Serbskeho sejma administratiwnje podpěrać.
Žane zrěčenja při chěžnych durjach
Budyšin. Budyske energijowe a wodowe zawody EWB ludźi napominaja, nowe zrěčenja při chěžnych durjach njewotzamknyć. Tuchwilu chodźa zastupjerjo cuzych energijowych zawodow dom wot domu a poradźowanje poskićuja. Woni samo jako sobudźěłaćerjo EWB wustupuja.
Swjatk swobody swjećili
Na Hodźijskej zakładnej šuli tola wučba serbšćiny
Hodźij. Składnostnje poswjećenja wopomnjenskeho puća za Pětra Młónka srjedź oktobra je Hodźijska wosada brošurku wudała. Tuta wobsahuje na stronje 80 wuprajenje, zo so w Hodźijskej zakładnej šuli žana wučba serbšćiny njewotměwa. Po rozmołwje z wučerku serbšćiny Gizelu Hašcynej a za Hodźijsku gmejnu zamołwitej rěčnej motiwatorku Domowiny Raphaelu Wićazowej chcu tele wuprajenje sporjedźić.
Na balu kisykał dźěłali
Rozprawja wo jězbje z kolesom
Budyšin. „Tysac kilometrow z kolesom po fascinowacych krajinach“ je tema přednoška jutře, wutoru, w 20 hodź. w Budyskim Kamjentnym domje. Roland Wehle rozprawja wo swojej jězbje z groćanym konikom po južnej kupje Nowoseelandskeje. Zastup płaći sydom eurow.
Jarobinka koncertuje
Pančicy-Kukow. Poslednje zarjadowanje w lětušim rjedźe nazymskich koncertow wotměje so tradicionalnje jutře na předwječoru pokutneho dnja w Pančicach-Kukowje. Wot 19 hodź. koncertuje w awli Šule Ćišinskeho žónski ansambl Jarobinka. Spěwarki předstaja swój program „Spěwy z brunicowych kónčin“. Pěsnje pochadźeja hłownje z Delnjeje Łužicy a ze Slepjanskeje kónčiny. Zastup płaći sydom eurow. Po koncerće poskića alkoholiske a njealkoholiske napoje.
Do gymnazija pohladnyć
