Z nalětnim swjedźenjom do sezony
Ćisk (JT/SN). Tradicionalny nalětni swjedźeń wjesneho kulturneho towarstwa je minjenu sobotu mnohich hosći do Ćiska přiwabił. Město měnjateho aprylskeho wjedra wšak so słónco ze swojeje najrjeńšeje strony pokazowaše. Při lóštnej hudźbje Kamjenskeje dujerskeje kapały dachu sej wopytowarjo gulašowu poliwku, pražene kołbaski, plincy a wulki wuběr samopječeneho tykanca zesłodźeć. Při stejnišćach z wudźěłkami wuměłskeho rjemjesła bě stajnje wjele ludźi, kotřiž pak jenož njehladachu, ale sej tež to a tamne kupichu abo so z rjemjeslnikami rozmołwjachu.
Tak kaž tule na kromje Róžanta su minjeny kónc tydźenja blisko ...
Krótkopowěsće (28.04.26)
Solvesta kupi Perfectu
Budyšin. Wobdźělenska towaršnosć Solvesta je wčera Budysku firmu Perfecta kupiła. Kupča, kotraž zawody před insolwencu wuchowuje, přewza z tym tradicionalne předewzaće ze 60 sobudźěłaćerjemi. Přičiny za rozsud inwestora su mnohostronske. Najwjetši problem běchu woteběrace nakłady klasiskich ćišćanych produktow a sylna konkurenca poskićowarjow z Azije.
Zjawnostne dźěło jara wuspěšne
Drjowk. Towarstwo Serbski kulturny turizm (SKT) je na swojej lětušej hłownej zhromadźiznje w Drjowku mjez druhim swoje wuspěšne zjawnostne dźěło bilancowało. Hač do 90 000 ludźi je SKT w socialnych syćach interneta docpěło. Lětsa woswjeći 30. róčnicu załoženja a planuje wospjet wuprawu za zastupjerjow turistiskeje branše, zo bychu serbske městnosće zeznali.
Serbskeho komponista počesćili
Policija (27.04.26)
Wopiteho kolesowarja lepili
Ralbicy. Zo płaći tež za kolesowarjow wěsta mjeza alkohola – mjenujcy 1,60 promilow –, wě nětko młody muž w Ralbicach. Sobotu rano krótko po 4 hodź. jeho zastojnicy Kamjenskeho policajskeho rewěra na Židowje zadźeržachu. Při kontroli 25lětneho so wopokaza, zo měješe wón 1,70 promilow alkohola w kreji, kaž w policajskej rozprawje rěka. To dosahaše, zo dyrbješe młody kolesowar krej „darić“. Wón změje so nětko pjanosće w nadróžnym wobchadźe dla zamołwić.
Taflički ze serbskim napisom zhotowili
Woprawdźe dwurěčne wiki
Nalětnje wiki přirody w Stróži 4 500 wopytowarjow přiwabili
Stróža (CS/SN). Nalěćo je čas wusywanja a sadźenja. Čehodla do wulkeje kupnicy jěć, hdyž poskićuja na wikach přirody w Stróži pola Hućiny wudźěłki z regiona? Organizatorojo wikow su sobotu znowa dopokazali, zo je zarjadowanje přewšo woblubowane. Něhdźe 4 500 wopytowarjow je na areal wokoło Domu tysac hatow do Stróže přišło. 80 wikowarjow njeje na swojich stejnišćach jenož rostliny a symjo poskićiło, ale tež tójšto wudźěłkow wuměłskeho rjemjesła a kulinariske słódnosće, kotrež sy sej tež sobu wzać móhł. Nimo wikowarjow prezentowachu so zdobom towarstwa a institucije.
Skupina prěni raz zaspěwała
Počesća padnjenych wojakow
Chrósćicy. Župa „Michał Hórnik“ a gmejna Chrósćicy přeprošujetej na spominanje na padnjenych pólskich wojakow wutoru, 28. apryla zhromadnje z pólskimi hosćimi ze Źarow. Pólskorěčna Boža mša w Chróšćanskej cyrkwi započnje so w 9.30 hodź. Něhdźe w 11.20 hodź. přizamknje so swjatočnosć při pomniku na Fulkec hórce. Swjatočnosć wobrubja šulerjo zakładneje šule „Jurij Chěžka“.
Radźićeljo wuradźuja
Róžant. Přichodne posedźenje gmejnskeje rady Ralbicy-Róžant wotměje so jutře, wutoru, we 18.30 hodź. w Róžeńčanskej gmejnskej sydarni. Na wobšěrnym dnjowym porjedźe stejitej mjez druhim pomjenowanje dróhi w Konjecach a přepodaće nadawka za nutřkowne wuhotowanje noweho Ralbičanskeho horta. Dale póńdźe wo mobilnu cisternu za hašensku wodu při nowym horće, wo sanitarne připrawy w Konječanskim towarstwowym domje, wo nowe hrajkanišćo we Łazku a wo wjesny wobchod w Ralbicach. Wšitcy zajimcy su wutrobnje witani.
Tunl nachwilnje zawrjeny
W zahrodźe klóštra sezonu zahajili
Pančicy-Kukow (SN/MWj). Z wotměnjawym popołdnjom, koncertom dujerskeje hudźby, nalětnimi wikami a poskitkami za swójby z dźěćimi je klóšterska zahroda Křesćansko-socialneho kubłanskeho skutka (CSB) njedźelu swoju lětušu sezonu zahajiła.
Štom lěta – lětsa je to wosyca (Zitterpappel) – sadźichu prěni raz na nowym městnje, mjenujcy při šćežce, wjeduceje wot Kanečanskeho puća do Lipja. Wobstarałoj staj to mjez druhim celerarka (za hospodarstwo zamołwita sotra) klóštra Marijina hwězda Tadeja Zelnakec a prezident Sakskeho krajneho zarjada za wobswět, ratarstwo a geologiju Heinz Bernd Bettig. Tam budu přichodnje wosadźane štomy lěta zawěsće lěpje rosć, hač te, kiž buchu před 25 lětami direktnje w Lipju mjez Klóšterskej wodu a łuku sadźane. Tam maja z jednoho boka přemało słónca, čehoždla křiwje rostu.
Charakter Serbskeho foruma wědy wohroženy?
Budyšin/Drježdźany (SN/hn). „Serbski forum wědy“ w Budyšinje, najwjetša inwesticija do narodneje infrastruktury Serbow, steji po měnjenju łužiskeje zapósłanče Franciski Schubert, frakciskeje předsydki a finančneje politikarki frakcije Zelenych w Sakskim krajnym sejmje, na hračkach. W aktualnej zdźělence je wona wotmołwu sakskeho statneho knježerstwa na jeje parlamentariske naprašowanje zjimajo konkluziju sćahnyła: „Je fatalne, zo so na substancy Serbskeho foruma wědy lutuje. To je centralny projekt 21. lětstotka za serbsku kulturu we Łužicy.“ Tak Schubert konkretne wotmołwy krajneho ministerstwa za infrastrukturu a wuwiće kraja interpretuje (w interneće pod „edas“ w ćišćence 6351 8. wólbneje periody sakskeho parlamenta přistupne).
