Powjedźe po muzeju
Budyšin. Budyski Serbski muzej přeprošuje 22. februara na njedźelne wjedźenje, kotrež wěnuje so narodnej drasće. Andrea Pawlikowa předstaji mnohotnosć drastowych wariantow, jich wuznam a symboliku kaž tež změny drasty w běhu časow. Hižo w 16 hodź. započnje so němskorěčne wjedźenje. Jemu so serbske wjedźenje přizamknje.
Serbja w srjedźišću
Pančicy-Kukow. Tradicije Serbow a jich dźensniše žiwjenje steja w srjedźišću dalšeho zarjadowanja w rjedźe „Kulinarika a kultura“ w klóšterskej kofejowni swjateho Michała w Pančicach-Kukowje. Wone wotměje so sobotu, 21. februara. Započatk je w 17 hodź. Referent budźe předsyda Domowiny Dawid Statnik. Zastupne lisćiki za 30 eurow dóstanu zajimcy jeničce w předpředani w klóšterskej pjekarni kaž tež w kofejowni swjateho Michała, telefonowe čisło 035796/ 99 443.
Za dźěłarničku so přizjewić
Promenadu při jězoru rozšěrja
Hamor (AK/SN). Promenadu na sewjernym pobrjohu Bjerwałdskeho jězora chce Hamorska gmejna rozšěrić dać. Tole su gmejnscy radźićeljo na swojim zašłym posedźenju wobzamknyli. Za to chcedźa cyłkownje 339 000 eurow inwestować. Gmejna nadźija so něhdźe 60 000 eurow spěchowanja z programa za polěpšenje regionalneje hospodarskeje struktury. Tónle program spěchuje tež turistisku infrastrukturu.
Promenadu při Hamorskim pobrjohu chcedźa na dołhosći 645 metrow wot třoch na štyri metry rozšěrić, a to wot stanowanišća hač k pobrjóžnej barje a dale hač k pobrjohej samomu. Nimo toho nastaja nowe ławki, wotpadkowe sudobja a móžnosće za přizamknjenje kolesow.
W Kulowje hotuja so na wjeršk lětušeje póstniskeje sezony. Jutře ...
„Fahrer spricht deutsch“
Z fotom a komentarom je fararka Slepjanskeje wosady Jadwiga Malinkowa zawčerawšim na swojim instagram-kanalu na problem prawicarskich nastajenjow skedźbniła, kotrež wona wšědny dźeń w Slepjanskej kónčinje dožiwja.
Slepo (SN/MiP). Foto pokazuje nalěpk z napisom „Fahrer spricht deutsch“ na awće, „při kotrymž wšědnje nimo jědu“, fararka w rozmołwje z našim wječornikom znazornja. „Problem wšak nimamy jenož tu w Slepom, ale nažel po cyłej Łužicy, a to hižo lěta. Ćim wažnišo je, zo na njón skedźbnjamy“, wona doda.
Krótkopowěsće (13.02.26)
Smalenje ministra napodobnili
Krušwica. Wčera dopołdnja je policija teren dokoławokoło B 115 zawrěła, zo móhł tam eksperta přespěšnu jězbu dźensnišeho sakskeho kultusoweho ministra Conrada Clemensa (CDU) napodobnić. Kaž Sakske Nowiny rozprawjachu, bě tole sudnik hamtskeho sudnistwa Běła Woda Alex Theile postajił. Clemens bě tam 2023 z 81 km/h po puću, hdźež bě jeničce 30 km/h dowolenych. Wo tym bórze na sudnistwje jednaja.
Spěchuja powołanski centrum
Wojerecy. Cyłkownje 660 000 eurow přidatnych spěchowanskich srědkow je sakske knježerstwo za modernizowanje powołanskošulskeho centruma „Konrad Zuse“ we Wojerecach schwaliło. Tam ma mjez druhim labor kumštneje inteligency nastać. Budyski krajny rada Udo Witschas wobhladuje rozsud jako znamjo, zo chce swobodny stat powołanske šule w nakrajnych kónčinach wobchować a sylnić.
Wopominaja zničenje města
Z kwěćelom nalěćo witać
Spalernju sej wobhladać
Njeswačidło/Łuty. Njeswačanska přirodoškitna stacija zajimcow přeprošuje, sej pjatk, 27. februara, wot 17 do 18.30 hodź. spalernju wotpadkow we Łutach wobhladać. Wopytowarjo tam nazornje zhonja, što so z našimi wšědnymi wotpadkami stanje. Zastup je darmotny, přizjewjenje pak je trěbne, a to e-mailnje pod abo pod telefonowym čisłom 035933/ 300 77. Wobdźělnicy zetkaja so direktnje na industrijowej přestrjeni we Łutach.
Rozprawja wo dalokim běhu
Wojerecy. Ekstremowy sportowc Ronald Prokein budźe jutře, pjatk, w 19 hodź. z hosćom we Wojerowskej měšćanskej bibliotece „Brigitte Reimann“. Tam rozprawja wón wo swojim tři měsacy trajacym a 5 004 kilometrow dołhim běhu wot Bosporusa w Turkowskej hač k najsewjernišemu dypkej Europy w Norwegskej. Při tym njeměješe sportowc jenož jedne z najhorcyšich lěćow přetrać, ale dožiwi tež někotryžkuli strašny wokomik. Nimo psa je jeho jeničce kameramuž z Wartburgom přewodźał a ekstremny běh dokumentował. Zastup płaći jědnaće eurow na wosobu.
Policija (12.02.26)
Druhej žonje mjerzanje zalutowała
Wojerecy. Wo zwjeselacym podawku rozprawja Wojerowska policija. Pola njeje je so wutoru popołdnju 47lětna žona přizjewiła a móšeń wotedała, kotruž bě namakała. W njej běchu pjenjezy, personalny wupokaz, jězbna dowolnosć a dalše wosobinske wěcy, kotrež bě 41lětna žona zhubiła. Policisća wobsedźerku informowachu. Bórze po tym sej wona na rewěrje swoju móšeń wotewza. Wolóžena zwěsći, zo ničo njefaluje. Tuž słuša namakarce wulki dźak, wšako je tamnej žonje wjele mjerzanja zalutowała.
Kulow nadźija so spěchowanja
Z programom za ponowjenje městow chcedźa naprawy zwoprawdźić
Kulow (AK/SN). W přichodnych lětach móhło město Kulow hač do wosom milionow eurow spěchowanskich srědkow z programa za ponowjenje městow dóstać a tak najwšelakoriše twarske naprawy w srjedźišću města zwoprawdźić. „Wjace hač milion eurow je hižo přizwoleny. Za dalše srědki dyrbimy kóžde lěto próstwu zapodać“, rozłoži projektowy nawoda Martin Neumann z Drježdźanskeho planowanskeho běrowa STEG wčera na posedźenju měšćanskeje rady. Hromadźe ze swójskim podźělom města móhli po wšěm zdaću hač do dwanaće milionow eurow inwestować. Spěchować hodźa so naprawy na terenje wot zakładneje a wyšeje šule přez torhošćo hač ke Kolpingowemu naměstu a hač k Staremu dwórnišću.
Mólby Nižozemjanow za krala
Budyšin (CS/SN). Budyski Statny filialny archiw a Zhorjelski radny archiw stej wědomostnikam dobrej žórle za slědźenje. To wobkrući wčera wječor referentka Katrin Tenner na přednošku Budyskeho zwjazka archiwow w tudyšej měšćanskej bibliotece. Wona bě za tym slědźiła, kak běchu so twórby nižozemskich molerjow w 17. a 18. lětstotku do wobsydstwa sakskeho kurwjercha Awgusta Sylneho dóstali.
Kónc 17. lětstotka poča so situacija na wuměłskich wikach w Antwerpenje změnić. Wiki běchu nasyćene, słody běchu so změnili, druhe luksusowe twory nabychu hódnotu. Poskitk bě wjetši hač potrjeba. Wosebje wulki poskitk mólbow nižozemskich mištrow bě zběrarjej wuměłstwa Awgustej Sylnemu na dobro.
