Bórze caravany při Sprjewi
Budyšin (SN/mb). Nic jenož wobydlerjo štwórće pod Starej wodarnju hladachu zadźiwani na twarnišćo při Sprjewi. Tu nastawa městno za 25 caravanow a dobry poł ducenta prózdninskich bydlenčkow. Paralelnje wšak je twarski plan města za rozšěrjenje wulkeho parkowanišća na Schliebenowej wupołoženy, hdźež parkuja prawidłownje tež bydlenske mobile. A spotorhanje stareje suknjernje direktnje při Sprjewi bu ze stron Krajneho zarjada rěčnych zawěrow před dwanaće lětami z argumentom wopodstatnjeny, zo wulka woda na njepotwarjenej přestrjeni lěpje wotběži.
Na naprašowanje zdźěli město Budyšin, zo bu twarski projekt hižo w lěće 2020 přizwoleny. Naležnosće škita před wulkej wodu su při tym wobkedźbowali – Krajny zarjad rěčnych zawěrow a delni zarjad za wodu krajnoradneho zarjada běštej swoje stejišćo zapodałoj. Tež w nawalu caravanow na wuskich hasach město po konsultaciji fachoweho zarjada za škit před emisijemi problem njewidźi. Předewzaćel z Hornjeje Pfalcy ma njewotwisnje wot wutwara Schliebenoweho parkowanišća prawo na projekće, z města dale rěka.
Reprezentanća kontra Trumpej
Washington (dpa/SN). Dom reprezentantow USA je so za to wuprajił, wojerske akcije w Iranje wusadźić. Z tym powjetši so politiski ćišć na prezidenta Donalda Trumpa. Za wójnu je formelna připowědź kongresa trěbna, w rezoluciji domu rěka. Za nju je so 215 zapósłancow wuprajiło, 208 přećiwo njej. Štyrjo zapósłancy republikanow, potajkim strony Trumpa, je rezoluciji přihłosowało tak jeje wuspěchej dopomhało. Direktny wuskutk na wójnu w Iranje rozsud nima.
Wjace nuklearneho materiala
Pjöngjang (dpa/SN). Statny nawoda resp. oficialnje „najwyši wjednik“ Sewjerneje Koreje Kim Jong Un žada sej wutwar nuklearnych wojerskich mocow w swojim kraju. Kapacitu produkcije nuklearneho materiala, kotryž hodźi so za brónje wužiwać, su w minjenych pjeć lětach podwojili. Nětko sej Kim žada, zo maja tele kmanosće „eksponencielnje rozrosć“, rozprawja statna powěsćernja KCNA. Žadanje sformulowa Kim inspicěrujcy twornju za nuklearny material, kotraž bu pječa hakle před krótkim wotewrjena.
Miliony ćěkańcow zabyte
Dźěłaćerjo barbja pilnje spódk reflektowaceho poola Lincolnoweho ...
Kritika dale wulka
Ludźo mjenjew interneće
Bonn (dpa/SN). Ludźo w Němskej wužiwaja jasnje mjenje interneta hač hišće loni. Aktualne reprezentatiwne naprašowanje „Postbank Digitalstudie 2026“ pokazuje, zo přebywa němska ludnosć přerěznje 67,4 hodźiny wob tydźeń online. Tole je pjeć hodźinow mjenje hač hišće 2025. Tole drje zaleži wosebje na tym, zo ludźo młódši hač 40 lět čas w interneće wědomje redukuja.
Najwažniši přistup do digitalneho swěta wostanje dale šmóratko – 86 procentow ludnosće tajke nastroje wužiwa, zo by do interneta přišło. Šmóratko same pak so mjenje wužiwa: Wob tydźeń sydaja ludźo nětko jenož hišće 23,9 hodźinow porno loni 25,7 hodźinam před nastrojčkom.
Geiert planuje reformu zakonika
Němska žałostnje zwrěšćiła
Njetrajne městno we wěstotnej radźe UN prěni raz misnyła
New York (dpa/SN). Němska je ze swojej kandidaturu wo městno we wěstotnej radźe Zjednoćenych narodow (UN) zwrěšćiła. Hižo w prěnim kole wólbow podleža Zwjazkowa republika w New Yorku Portugalskej a Awstriskej, zdźěli prezidentka hłowneje zhromadźizny UN Annalena Baerbock. Zwjazkowa republika bě hač dotal šěsć króć jako njetrajny čłon we wěstotnej radźe zastupjena, dotal posledni raz w lětomaj 2019 a 2020. Wonkowny minister Johann Wadephul (CDU) připowědźi, zo chce dokładnje pruwować, na ćim je zaležało, zo je sej Němska jeničce 104 hłosow zdobyła a z tym prěni raz trěbnu wjetšinu dweju třećinow, potajkim znajmjeńša 127 hłosow, misnyła. Za Portugalsku woteda 134 krajow swój hłós, za Awstrisku 131. Dohromady je aktualnje 193 krajow z čłonom UN, Afghanistan a Venezuela njezapłaćenych čłonskich přinoškow dla tuchwilu wothłosować njesmětej.
Kritika je dowolena!
To a tamne (04.06.26)
Wjelrybu „Timmy“, kotraž bě wot kónca měrca wjacekróć před němskim přibrjohom tčaca wostała, chcedźa dźensa před danskej kupu Anholt obducěrować. Při tym móža zajimowani samo přihladować. Procedura w Danskej ničo njewšědneho njeje. Dohromady šěsć hodźinow ma trać, doniž nochcedźa eksperća wozjewić, na čim je mórski cycak naposledk zahinył.
Před něhdźe lětom běchu njeznaći w Kölnje spytali, postawu sławneje trikoweje figury myše zapalić. Policija pak nadal njewě, štó złóstnicy běchu. Hačrunjež běchu fota wobstražowanskich kamerow wozjewili, njejsu zastojnicy dotal pokiwy dóstali, kotrež woprawdźe dale pomhaja. Někotre z nich přiwšěm pruwuja. Jeli pak ničo njewunjesu, dyrbja přepytowanje nachwilnje zakónčić, rjekny rěčnik policije.
Njejapki boom solarneje branše
Mnichow (dpa/SN). Po informacijach Němskeho zwjazka solarneho hospodarstwa zwěsćeja němske předewzaća za solarne připrawy wójny w Iranje dla wysoke wotbytki, kotrež w tutym rozměrje wočakowali njeběchu. Sekundarny faktor je tež wot zwjazkoweje hospodarskeje ministerki Katheriny Reiche (CDU) připowědźene skrótšenje přiražki za solarne připrawy. Dochody Berlinskeho předewzaća Enpal su so porno předlětu na přikład wo 30 procentow zwyšili.
Swjedźeń tola zhromadźizna
Drježdźany (dpa/SN). Sakske wyše zarjadniske sudnistwo w Budyšinje je wusud zarjadniskeho sudnistwa w zwisku z Drježdźanskim CSD, kotryž wotměje so wot 4. do 6. junija, skorigowało. Z tym płaći nimo demonstracije nětko tež swjedźeń jako zarjadowanje a organizatorojo dóstanu komunalnu podpěru za wěstotne naprawy a rjedźenje.
Liebich do jastwa w Němskej
