Šulerjo serbskich susodow zeznali
Šulerjo 11. lětnika Praskeho gymnazija „Pomjatk naroda“ běchu cyły minjeny tydźeń w Serbach po puću. Ekskursija wotmě so we wobłuku čěskeho kubłanskeho programa „Zeznaj swojeho susoda“.
Praha/Budyšin (SN/LuNo). Praski Gymnázium Paměti národa přihotuje spočatk kóždeho šulskeho lěta za swojich šulerjow tydźensku ekskursiju zwonka města. Činja to we wobłuku programa „Zeznaj swojeho susoda“, kotryž wot lěta 2001 eksistuje. Spočatnje je so kóždy šuler z časowym swědkom wuznamneho historiskeho podawka zetkał, zo by z nim interview wjedł. Mjeztym eksistuja druhe formy ekskursije. Z podpěru čěskeho Towarstwa přećelow Serbow su chowancy naspomnjeneje šule poslednje lěta tež Łužicu wopytowali.
Módry dźiw sčasami zawrjeny
To a tamne (16.09.26)
Za swój bytostny přinošk k wujasnjenju awtoimunostnych chorosćow spožča awstralskemu imunologej Christopher Goodnowej myto Paula Ehrlicha a Ludwiga Darmstaedtera. Goodnow je mjez druhim wuslědźił, zo imunostny system tak mjenowane B-bańki, kotrež móža swójske ćěło nadpadnyć, składuje, město toho zo by je zničił. Z tym natwari sej wjetši reservoir za wotwobaranje infektow. B-banki pak su zdobom přičina mnohich awtoimunostnych schorjenjow, n. př. multipelneje sklerozy abo drjenja. Myto je ze 120 000 eurami dotěrowane.
5,5 milionow dolarow wulku dobyćersku premiju je sej Alexander Zverev minjenu njedźelu w New Yorku z dobyćom „US Open“, jednoho z najwjetšich tenisowych turněrow swěta, zasłužił. Dawkow dla pak jemu zwjazkowy stat USA New York hnydom połojcu sćaza.
Amtěrowaceho župana wobkrućili
Hochoza (NC/KP). Za delegatow 34. hłowneje a wólbneje zhromadźizny župy Delnja Łužica bě minjeny pjatk w Hochožanskim „Złotym zmiju“ wječor dołhi. Nimo rozprawow župneho předsydstwa a rewizijneje komisije kaž tež swjatočneho přijeća štyrjoch nowych sobustawskich towarstwow steještej dalšej dypkaj na dnjowym porjedźe: Wólby župana a konceptaj za serbske zetkanišćo resp. serbski kulturny centrum.
Nad Litawskej trut wottřělili
Vilnius (dpa/SN). Po informacijach litawskeho zakitowanskeho ministerstwa su wojerske lětadła NATO minjenu nóc nad Litawskej trut wottřělili. Po prěnich dopóznaćach je so trut z Běłoruskeje do litawskeho statneho teritorija zadobył. Wo zamołwitych za zadobyće tuchwilu hišće žane informacije njepředleža.
Šulu ewakuowali
Drježdźany (dpa/SN). Něhdźe 140 zastojnikow wohnjoweje wobory a policije je wčera připołdnju w Drježdźanskim měšćanskim dźělu Strehlen wjace hač 440 wosobow z wyšeje šule ewakuowało. Po informacijach policije dósta w běhu dopołdnja něhdźe sto šulerjow a wučerjow ćeže z dychanjom, hłowybolenje a kašel. 22 z nich dowjezechu do chorownjow. Dotal hišće jasne njeje, kotra substanca w powětře móhła tute ćeže wuskutkować. Wotpowědne přepytowanja wohnjoweje wobory w tutym zwisku běchu bjez wuslědka.
Pistorius wopyta Hegsetha
Bamž Leo XIV. je wčera swoje 71. narodniny woswjećił. Po ...
Nowy KI-laborza slědźenje
Synagogu znowa wotewrili
Zjednoćene kralestwo pod ćišćom
Cardiff (dpa/SN). Nawodźa knježerstwow mjeńšich britiskich dźělow kraja w Zjednoćenym kralestwje žadaja sej wot knježerstwa w Londonje wjace prawa na samopostajowanje. Tole zwuraznja premierministrojo Šotiskeje, Waliziskeje a Sewjerneje Irskeje w deklaraciji, kotruž su wčera we hłownym měsće Waliziskeje Cardiffje podpisali. Z tym zwyša ćišć na britiske knježerstwo, zo dopušći móžnosć ludoweho wothłosowanja wo samostatnosći dźělow kraja. Wosebje Šotiska a Sewjerna Irska běštej sej to wospjet žadałoj. Nawoda šotiskeho knježerstwa John Swinney žadaše sej tež wčera na nowinarskej konferency w Cardiffje nowy referendum wo njewotwisnosći kraja w běhu přichodnych pjeć lět. Britiskemu premierministrej Andyjej Burnhamej wón wěšćeše, zo budźe „posledni premier Zjednoćeneho kralestwa“.
Hinak hač Jendźelska maja mjeńše dźěle kraja w Zjednoćenym kralestwje swójski parlament a regionalne knježerstwo. Tam su mjeztym wšitke městna nawodow knježerstwa z čłonami stronow wobsadźene, kotrež za njewotwisnosć wojuja.
Na wuspěchu njewotpočować
Sakska w kubłanskim monitorje wospjet najlěpša
Berlin/Drježdźany (dpa/SN). Kaž hižo loni je Sakska tež w lětušim kubłanskim monitorje prěnje městno před Bayerskej a Hamburgom wobsadźiła. W přirunowanskej studiji, kotruž Institut němskeho hospodarstwa (IW) w nadawku iniciatiwy Nowe socialne wične hospodarstwo (INSM) lětnje zestaja, pohódnoća a přirunuja eksperća w 13 wobłukach a z pomocu 98 indikatorow kubłanski system wšitkich 16 zwjazkowych krajow. Krajej Berlin a Braniborska stej w rankingu wospjet daloko zady: Berlin na jědnatym a Braniborska na 13. městnje.
