Pokiwy (16.12.22)
Debić z laserom
Budyšin. We wobłuku „Wotewrjenych sobotow w adwenće“ Budyskeje Serbskeje kulturneje informacije wuhotujetej firma Rabatz Functional Design a šulerske předewzaće Lstrok jutře, sobotu, wot 10 do 12 hodź. dźěłarničku za wudebjowanje šćěpjelowych tafličkow z laserom. Popłatk na wosobu wučinja 10 eurow. Njedźelu předawa Lstrok swoje wudźěłki we wobłuku wot 14 do 19 hodź. darmotnje přistupneho „Spekulaciusoweho spektakla“ na dworje Kamjentneho domu, hdźež budźe nimo toho pisany program za cyłu swójbu spřihotowany.
Hodowne spěwy, hodowny nakup
Kamjenc. Z „Pyramidowym spěwanjom“ chce Brěznjanski žónski chór jutře, sobotu, w 17 hodź. na Njebjelčanskej w Kamjencu „wopytowarjam hodowne rozpołoženje wobradźić“. Zastup je darmotny. 4. adwenta maja zajimcy z „nakupowanskej njedźelu“ wot 14 hodź. składnosć, po Kamjenskim nutřkownym měsće dundać, so za hodownymi darami rozhladować a sej je hnydom wobstarać. Jako zabawu za dźěći spřihotuja znowa „paradu jandźelow“.
Hodowny nakup, hodowne spěwy
Modowa designerka Corinna Seiler je jako mějićelka salona ...
Štó chce mjez knihami dźěłać?
Komuž su dobre knihi tak a tak z konikom, ma za klětu poskitk za rjanu zaběru. Wona skići zdobom dosć chwile za bjesadu z druhimi zajimcam za serbske knihi: Štóž móhł sej předstajić, wot januara 2023 nachwilnje w Smolerjec kniharni při poradźowanju kupcow a předani wupomhać, njech přizjewi so hač do 21.12.2022 pod 03591/577 262 abo z mejlku pod . Wobjim dźěłoweho časa wučinja znajmjeńša tři hodźiny wob dźeń.
Křižowka (16.12.22)
Wodorunje: 3 počas, 5 wulke sudobjo, 6 rěka w Francoskej, 7 dźěl Chiny, 10 opera Verdija, 13 chětro, 14 zadni dźěl nohi, 15 grjekski pismik
Padorunje: 1 kartyplacanje, 2 wojerske wjednistwo, 3 drohotny kow, 4 dźěl lěta, 8 nahladnosć, 9 dźěl kołojězby, 11 přiwuzny, 12 kazachski jězor
Rozhłós (16.12.22)
njedźelu hornjoserbsce
11:00 Łužica tutón tydźeń
11:15 Live z premjery „Dyrkotawki“
11:30 CDU a AfD we wokrjesnym
sejmiku: Reakcije
11:45 Adwentne woknješko (4.)
12:00 Nabožne wusyłanje
(Jadwiga Malinkowa)
po tym zbožopřeća
delnjoserbsce
12:30 Aktualny magacin, mjez
druhim z přinoškom
„Doma warjene słodźi najlěpje“
13:00 Tematiske wusyłanje:
Słowjanske hody
13:40 Nabožne wusyłanje
(Till Wojto)
po tym zbožopřeća
Telewizijny jubilej
Bě to wulki nowum za Serbow w Delnjej a Hornjej Łužicy, jako bu 20. apryla 1992 z prěnim wusyłanjom magacina Telewokno doba prawidłowneje swójskeje telewizije zahajena. Z Telewokna sta so pozdźišo Łužyca, kotraž so jubilejej ze swojim decemberskim wudaćom wěnuje. W filmje Konstancy Širmeroweje dopominaja so magacinej w minjenych třoch lětdźesatkach charakteristiski raz spožčace moderatorki a moderatorojo na mězniki formata a wobswětluja, kak je so w tejle dobje změnił a wobstajnje wobstejnosćam časa přiměrił.
Telewizija RBB wusyła Łužycu jutře, sobotu, w 13.30 hodź. Wospjetowanje na samsnym sćelaku slěduje wutoru, 20. decembra, w 3.55 hodź. W mediatece RBB je magacin wot jutřišeho cyłe lěto kóždy čas přistupny.
Do kina (14.12.22)
15.12. – 21.12.2022
Budyski filmowy palast:
Avatar: The Way of Water w 3 D: wšědnje 14:00, 16:00, 17:45 a 20:00 | pj a so 20:15 a 21:30 Avatar: The Way of Water: wšědnje 15.15 a 19:00 Terrifier 2: pj a so 22:10 She Said: wšědnje 19:20 | pj a so 22:10 Sneak Preview: pó 20:00 Der Räuber Hotzenplotz: wšědnje 14:30 a 17:00 | nj 12:00 Violent Night: wšědnje 16:45 a 19:30 | pj a so 22:50 Ein Weihnachtsfest für Teddy: wšědnje 13:50 Strange World: pj a so 14:30 a 17:00 | nj 12:30 Hui Buh und das Hexenschloss: wšědnje 15:00 a 17:10 m| nj 12:20 Einfach mal was Schönes: wšědnje 19:30 (nimo pó) The Magic Flute – Das Vermächtniss der Zauberflöte: nj 12:20 Black Panther: Wakanda Forever: wšědnje 19:15 Die Schule der magischen Tiere 2: wšědnje 16:50 | nj 12:00 Lyle – Mein Freund, das Krokodil: wšědnje 14:14 | nj 12:30 Die Mucklas ... und wie sie zu Pettersson und Findus kamen: wšědnje 14:50 | nj 12:00 Black Adam: nj a srj 19:30 Der Nachname: štw a pó 19:40 Halloween Ends: so 22:30 Smile – Siehst du es auch?: pj 22:30 Ticket ins Paradies: wu 19:40 Top Gun Maverick: pj a so 22:00
Wojerowski CineMotion:
Kamjenski Lessingowy muzej je tuchwilu z hosćićelom wosebiteje ...
Pokiwy (09.12.22)
Buk poetisce a hudźbnje
Budyšin. Wosebity hudźbno-literarny wječor wuhotujetej Budyski Serbski muzej a kulturny časopis Rozhlad dźensa, pjatk, we 18 hodź. Z poeziju a hudźbu wěnuja so serbske awtorki a serbscy awtorojo kaž tež pólscy hudźbnicy twórbam Jana Buka, kotrež su z wobstatkom aktualneje wustajeńcy „Wšo je krajina“. Ze serije „Kóždy wobraz je nowy započatk“ Rozhlada čitaja Měrana Cušcyna, Róža Domašcyna, Ingrid Hustetowa, Měrka Mětowa a Měrćin Wjenk. Wo hudźbne wobrubjenje postara so jazzowa trójka z Jacekom Szreniawom, Jakubom Olejnikom a Mateuszom Maniakom z Jelenjeje Góry.
Na serbskich slědach po měsće
Budyšin. We wobłuku swojich „Wote- wrjenych sobotow w adwenće“ přeproša Budyska Serbska kulturna informacija jutře, 10. decembra, na wodźenje pod hesłom „Na slědach Serbow w Budyšinje“. Florian Kaulfürst rozłoži w tym zwisku pomniki, architektoniske a historiske wosebitosće kaž tež „aktualnu serbsku kulturu“. Start budźe w 13 hodź. při SKI. Popłatk na wosobu płaći 10 eurow.
Mytos a fenomen: Wjelk
Rozhłós (09.12.22)
njedźelu hornjoserbsce
11:00 Łužica tutón tydźeń
11:20 Moja hudźba: K 70. narodninam Marhaty Cyžec-Korjeńkoweje
11:45 Adwentne woknješko (3.)
12:00 Nabožne wusyłanje
(Jens Buliš)
po tym zbožopřeća
delnjoserbsce
12:30 Aktualny magacin, mjez druhim z přinoškom wo spožčenju Myta Miny Witkojc 2022
13:00 Tematiske wusyłanje: 95. narodniny komponista Hinca Roja
13:40 Nabožne wusyłanje
(Madlena Norbergowa)
po tym zbožopřeća
