Jutry z Bachom

Budyšin. W Budyskej cyrkwi Marje a Marty předstaji Cyrkwinskohudźbny skutk Budyšin wokoło jutrow dwójce twórby Johanna Sebastiana Bacha. Ćichi pjatk w 14.30 hodź. přednjesu kantorstwo swj. Pětra, cyłk Ensemble Barock Dresden a solisća Franziska Bobe (sopran), Stefan Kunath (altus), Oliver Kaden (tenor) kaž tež Felix Lodel a Jakob Eberlein (wobaj bas) „Pasion po Janje“ (BWV 245). Generalka dźensa w 19 hodź. je na zwučene wašnje zjawnje přistupna. Jutrownu póndźelu slěduje we 18 hodź. jutrowny oratorij „Kommt, eilet und laufet“ (BWV 249). Wokalnemu ansamblej swj. Pětra poboku zaspěwaja solisća Dorothea Wagner (sopran), Jonathan Mayenschein (altus), Jonas Finger (tenor) a Martin Schicketanz (bas). Orchester zahudźi na historiskich instrumentach. Hudźbny nawod změje stajnje Michael Vetter. Wšitke zarjadowanja wotměja so bjezpłatnje, pjenježne dary pak so njewotpokazuja.

Jutry na lodźe

Pjatk hornjoserbsce

11:00 Informacije a serwis, mjez druhim z přinoškomaj „Zeleny štwórtk na Horach“ a „Wo česćowanju Božeho rowa“

11:20 Hudźba: „Serbski rekwiem“ Korle Awgusta Kocora

12:00 Nabožne wusyłanje

(Gabriš Nawka)

delnjoserbsce

12:30  Aktualny magacin, mjez druhim z přinoškomaj „Som – ryba lěta 2026“ a „Mjenjowjednik rozkładujo: Grěšna“

13:15  Tematiske wusyłanje: Pasion w bibliji

13:40 Nabožne wusyłanje

(Madlena Norbergowa)

Njedźelu hornjoserbsce

11:00 Łužica tutón tydźeń, mjez druhim z rozprawu wo probach serbskich chórow za předstajenje oratorija „Nalěćo“ Korle Awgusta Kocora a Handrija Zejlerja a přinoškom „Wo jěchanju po polach we Wotrowje“

11:20 Hudźba: Oratorij „Nalěćo“ Korle Awgusta Kocora a Handrija Zejlerja

12:00 Nabožne wusyłanje

(Thomas Haenchen)

po tym zbožopřeća

delnjoserbsce

12:30  Słuchohra za dźěći: „We wuchacowem raju“

13:00  Hudźba: Wjasele a radosć w muzice

13:20  Jutrowna literatura

13:40 Nabožne wusyłanje

(Manfred Hermaš)

po tym zbožopřeća

Póndźelu hornjoserbsce

11:05 Słuchohra: „Jutrowna nóc“

11:30 Rozprawy wo procesionach křižerjow

12:00 Nabožne wusyłanje

(Šćěpan Delan)

po tym zbožopřeća

Najwažniše terminy kołowokoło jutrow inkluziwnje informacijow wo křižerskich procesionach tworja ćežišćo aprylskeho wudaća telewizijneho magacina Wuhladko. Nimo toho portretuja Güntera Wjenka z „wosom lětdźesatkow přesahacej jězbu po času“ a předstaja serbsku swójbu z dźěsćom, kotrež je so z down-syndromom narodźiło. Dalši přinošk wěnuja na Smochčanskim serbskim přikładźe prašenju, što so za mandźelskimi seminarami chowa, kotrež młode pory přiběrajcy jako ryzy formalitu wobhladuja.

Telewizija MDR wusyła Wuhladko zajutřišim­, sobotu, w 12 hodź. Wospje­towanje na samsnym sćelaku tónraz wupadnje­. Telewizija RBB pokaza magacin sobotu, 11. apryla, w 13.15 hodź. W mediatece ARD je aktualne Wuhladko wot zajutřišeho cyłe lěto kóždy čas přistupne.

Zazběh sezony w Njeswačidle

Njeswačidło. Mała galerija Njeswačanskeho barokneho hrodu zahaji jutře, sobotu, swoju lětušu sezonu z wustajeńcu wubranych mólbow Ingrid Konschak. Wernisaža z lawdatorku dr. Margit Kalisch započnje so w 15 hodź.

Hišće raz „Skazany pryzlak“

Budyšin. Němsko-Serbske ludowe dźiwadło pokaza jutře, sobotu, posledni raz lětušu serbsku inscenaciju na hłownym jewišću „Skazany pryzlak“. Komedija Larsa Albauma, kotruž je Měrana Cušcyna zeserbšćiła, portretuje politikarja, kiž žedźi so za wulkej karjeru. Za to spjelnja nimale wšitke wuměnjenja, jeničce humor jemu pobrachuje – wothladajo wot njedobrowólneje warianty. Tuž angažuje profesionelneho pomocnika, štož so jako dosć dobry trening za přewutrobno wukopa – znajmjeńša za publikum. Předstajenje započnje so w 19.30 hodź., regularny zastup płaći znajmjeńša 16 eurow.

Wopominaja zběžk jatych