Z wudaća: pjatk, 18 awgusta 2017

Serbski spisowaćel Beno Budar (srjedźa sedźo) a předsyda zwjazka přełožowarjow Kazachskeje Kajrat Bagbergenow (5. wotlěwa) staj wčera w Chrósćicach na Jurja Chěžku spominali. Wonaj zbližištaj 3. a 4. lětnikej tamnišeje zakładneje šule, kotraž ma mjeno Chěžki, žiwjenje a skutkowanje serbskeho poeta. Bagbergenow chcyše na Swjedźeń serbskeje poezije přijěć. Swjatk, kotryž měješe­ Jurjej Chěžce wěnowany być, pak bě wupadnył. Tuž je priwatnje přijěł a dźěćom přednošował. Foto: Ludmila Budarjowa

Pjatk 18. do 24.8.  Kamjenska Boršć

 18. a 19.8.  Sympozij a muzejowy swjedźeń składnostnje 60lětneho wobstaća Muzeja pod hołym njebjom na Lědach

  15:00 Dźěłarnička „Šiće po přikładźe serbskeje drasty“ za młodostnych ze Steffi Hanušowej w Ralbičanskej šuli

  18:30 Wubědźowanje wohnjowych woborow w Pěskecach

Sobotu 19. a 20.8.  41. swjedźenske hry w Brětni-Michałkach

   Festiwal „Twaroh a lany wolij“ z rjemjeslniskimi pokazkami a serbskej kulturu w Bórkowach

  10:00 Přistawowy dźeń w Złym Komorowje

  10:00 Předstajenje nałožka jutrowneho třělenja w Berthelsdorfje

  14:00 Koncert młodźinskeho dujerskeho orchestra z pólskeje Leśnicy we Wochožanskim parku błudźenkow

  14:00 7. tomatowy dźeń w Stróžanskim biosferowym rezerwaće

  14:00 Łapanje kokota w Janšojcach, Strobicach a Hochozy

  15:00 Zabiwanje kokota w Smogorjowje

  21:00 Wječorna hudźba w Budyskej tachantskej cyrkwi – Serbski ludowy ansambl předstaji program „Wobkuzłaca klasika“

Njedźelu 20.8. 9:30 Domiznowědne pućowanje po Stróži pola Rakec

  10:00 Janšojski dujerski swjedźeń

  10:00 Přehladka póstowych kartow a zhromadne pječenje w Kotmarječanskim młynje

njedźelu hornjoserbsce

11:00 Łužica tónle tydźeń

11:20 Dr. Timo Meškank a jeho

„priwatna kniha“

11:45 Serbski misionar a polarny

slědźer Jan Awgust Měrćink

12:00 Nabožne wusyłanje

 (Wito Sćapan)

po tym zbožopřeća

delnjoserbsce

12:30 Aktualny magacin, mjez

druhim wo 700. róčnicy

Rubyna

13:00 Serbšćina po cyłym swěće

a w interneće

13:30 Nabožne wusyłanje

 (Hartmut Leipner)

po tym zbožopřeća

Choćebuz. Serbšćinu wuknyć z pomocu interneta, Facebooka, Whatsapp a po­dobnych socialnych syćow je tema přichodneho delnjoserbskeho telewizij­neho magacina Łužyca jutře, sobotu, w 13.30 hodź. na sćelaku RBB. Moderator Christian Matthée wopyta na přikład w Bayerskej młodeho muža, kiž awtodidaktisce a z pomocu interneta serbšćinu wuknje. Podobnje čini to Chinjan w Berlinje. Dale předstaja akterow, kotřiž tajke­ a hinaše serbske poskitki w inter­neće zmóžnjeja.

Z kolesom podłu mjezy města

Budyšin. Wodźenje wosebiteho razu poskići jutře, sobotu, Muzej Budyšin. Jeho­ nawoda powjedźe wobdźělnikow z kolesom po měšćanskich mjezach a rozprawja při tym wo archeologiskich zajimawostkach a wjesnych chronikach. Po tym zo běchu w juniju wuchodne mjezy wotjěli, su nětko zapadne na rjedźe. Čara je něhdźe 35 kilometrow dołha. Zajimcy zetkaja so w 10 hodź. před měšćanskim muzejom. Tam budźe po ně­hdźe pjeć hodźinach tež zaso cil. Wobdźělnicy so sami z nachribjetnika za­staraja.

Zela w srjedźišću

Pančicy-Kukow. Na klóšterskej zahrodźe je njedźelu, 20. awgusta, tradicionalny zelowy swjedźeń. Ekumeniski nyšpor w 14.30 hodź., na kotrymž požohnuja zelowe­ kwěćele, swjećitaj propst Clemens Hrjehor z Kamjenicy a ewangelski wyši krajny cyrkwinski rada Dietrich Bauer z Drježdźan. Rjadniske sotry nutrnosć sobu wuhotuja. Přizamknu so zelowe wiki­ kaž tež koncert młodźinskeho dujerskeho orchestra z Leśnicy, Chróšćanskeje partnerskeje gmejny. Mło­dostni su tuchwilu w probowym lěhwje w Chró­sćicach.

Na Maćičnu akademiju

Skoki do nocy

W Biskopičanskim sportowym parku Wesenitz přewjedu dźensa wot 19 hodź. lochkoatletiske zarjadowanje z mje­nom „Skakanje do nocy“. Je to wubědźowanje we wysokoskoku.

Wubědźuja so w hašenju

Dobrowólna wohnjowa wobora Pěskecy zarjaduje lětuše šeste wubědźowanje w hašenju wo pućowanski pokal Helmuta Liebsa. Wurisanje w Pěskecach je dźensa we 18.30 hodź. Dalšej wubědźowani budźetej potom 25. awgusta wot 18.30 hodź. we Wotrowje a 8. septembra wot 20 hodź. w Ralbicach.

Kónctydźenska kopańca

19.8. 13:00 Wojerowski FC II

  – ST Marijina hwězda

19.8. 14:00 Rakečanske ST

  – Drohotka Ramnow

19.8. 15:00 SC Großröhrsdorf

  – Sokoł Ralbicy/Hórki

20.8. 10:30 LSV Hory

  – Módro-běli Kulow

20.8. 13:00 SJ Chrósćicy II

  – HZ Łaz/Běły Chołmc

20.8. 13:30 Budissa Budyšin

  – Chemija Lipsk

20.8. 15:00 SJ Chrósćicy

  – FSV Oderwitz II

20.8. 15:00 ST Radwor

  – SV Großnaundorf

20.8. 13:00 SJ Njebjelčicy II

  – TSV Wachau II

20.8. 15:00 SJ Njebjelčicy

  – ST Nadrózna Hrabowka

Bórze wulke finale w Miłoćicach

Pušćić a škodźe zadźěwać

Drježdźany. Po wotkryću dowěrliweje komunikacije zastupowaceho Budyskeho krajneho rady Uda Wićaza (CDU) z wodźacym neonacijom we wokrjesu přez rešěrše MDR a dźenika Sächsische Zeitung su Lěwica a Zeleni ministerskeho prezidenta Stanisława Tilicha a krajneho radu Michaela Hariga (wobaj CDU) namołwiłoj, Wićaza pušćić a tak škodźe Budyskemu wokrjesej zadźěwać.

Srědki za bywšu synagogu

Drježdźany/Zhorjelc. Sakske ministerstwo za wuměłstwo spěchuje saněrowanje bywšeje synagogi w Zhorjelcu z 1,5 milionami eurow, kaž ministerstwo dźensa zdźěli. Tak je wuměnjenje date, zo Zwjazk projekt ze samsnej sumu podpěruje. Z cyłkownych kóštow 3,7 milionow eurow přewozmje město 300 000 eurow. Nimo toho su wšelake załožby financielnje wobdźělene.

W jězoru so kupać

Na kolesowarskim putniskim tydźenju w Smochčanskim Domje biskopa Bena wobdźěli so hišće hač do njedźele jědnaće zajimcow. Na jutřišej soboće podadźa so woni do serbskeho kraja. Na čarje leži Chasowski wětrnik, zaměr je putniska cyrkej w Róžeńće. W běhu tydźenja pobychu kolesowarscy putnicy tež w Budyšinje, Budestecach a Hodźiju. Foto: SN/Maćij Bulank

Milenka Rječcyna

Ach, tele tam a sem! Žiwjenje nowinskeho redaktora druhdy woprawdźe lochke njeje. To chceš přinošk pisać wo jara pozitiwnym­ projekće, dóstanješ pak lědma wotmołwy na naprašowanje. Derje, druhdy je tež lěpje trochu dlěje měr wobchować. Tola nic w naležnosći zawěsćenja wučerjow za serbšćinu wuknjacych. Tema to, kotraž woprawdźe pali. Abo?

Na Dnju Saksow w Lubiju prawdźepodobnje jenož dwaj serbskej dypkaj

Lubij/Budyšin (SN/BŠe/JaW). Najwjetši ludowy swjedźeń swobodneho stata Dźeń Saksow – lětsa w Lubiju –, na kotryž wočakuja organizatorojo wjac hač 450 towarstwow a zwjazkow ze Sakskeje, Čěskeje a Pólskeje, njezměje lětsa prawdźepodobnje nimale žadyn serbski podźěl. Organizatorojo swjatka běchu tónle tydźeń jeničkimaj serbskimaj lajskimaj ćělesomaj,­ kotrejž běštej so přizjewiłoj, pisomnje wotprajili.

Nimo muskeho chóra Delany je Serbski folklorny ansambl Slepo tajki list dóstał. Mjez druhim w nim rěka: „Po swědomitym pruwowanju smy bohužel k wuslědkej dóšli, zo dyrbimy waš poskitk wustupa wotpokazać. Na zakładźe wulkeje ličby naprašowanjow a wobmjezowanych kapacitow njemóžeja bohužel wšitke towarstwa na swjedźenju wustupić.“