Z wudaća: septembera 2018

Budyšin. Wot přichodneje póndźele, 10. septembra, poskići Rěčny centrum WITAJ zaso wječorne kursy čěšćiny z maćernorěčnym wučerjom. Stajnje póndźelu wot 17 hodź. do 18.30 hodź. wotměje so kurs čěšćiny w Chróšćanskej šuli. W Budyskim Serbskim domje wočakuje wučer Jan Breindl stajnje wutoru wot 16.30 do 18 hodź. pokročenych a srjedu wot 18 hodź. hač do 19.30 hodź. započatkarjow. Přizjewjenja přijimuje Rěčny centrum WITAJ pod telefonowym čisłom 03591/ 550 400 abo e-mailnje pod .

Radźićeljo so zetkaja

Pančicy-Kukow. Přichodne posedźenje gmejnskeje rady Pančicy-Kukow wot­měje so zajutřišim, štwórtk, w 19 hodź. w awli Šule Ćišinskeho. Na dnjowym porjedźe zjawneho dźěla steji zasadne wobzamknjenje k dalšim twarskim wotrězkam saněrowanja zakładneje šule. Samsny dźeń w 19.30 hodź. zetka so Chróšćanska gmejnska rada w Nukničanskej barace. Tam póńdźe mjez druhim wo přihoty přetwara bywšeje srjedźneje šule na kulturne a wjesne srjedźišćo.

Předjězbu njewobkedźbował

Wojerecy. Wjace hač 60 000 eurow škody nasta při wobchadnym njezbožu zawčerawšim dopołdnja we Wojerecach. 60lětny šofer Mercedesa njewobkedźbowaše na křižowanišću předjězbu 32lětneho wodźerja VWja a zrazy do jeho jězdźidła. 32lětny so snadnje zrani. Policija pozdźišo zwěsći, zo měješe wodźer Mercedesa 0,38 promilow alkohola w kreji.

LSV Hory – Sokoł Ralbicy/Hórki 0:1 (0:1)

Zestawa hosći: Schöne – Matka, Schultz, B. Bjeńš, Hilbich (84. Budar), S. Bjeńš, Šołta, Rawš, Korjeńk, Domaška (74. M. Kurjat), G. Kurjat (90. J. Bjeńš)

Duele přećiwo Horjanskim koparjam tam abo doma běchu koparjam Sokoła Ralbicy/Hórki w minjenym času stajnje napjata naležnosć, tak tež nje­dźelu dopołdnja při sylnym dešću. Wot spočatka hač do kónca běchu dwuboje horce a hra w žanej sekundźe rozsudźena. Lěpši start na Horach mě­jachu hosćo z Ralbic. Zady stejachu woni poměrnje wěsće a w ofensiwje łakachu na zmylki. Tajke so w hrajnym natwarje domjacych hdys a hdys stachu, nažel pak Sokoljo je tak derje njewu­žiwachu. Po dalo­kim wotkopje jich wrotarja Willija Schöny so nutřkowny škitar z Horow zatrochowa. Pětr Domaška składnosć wuži a z hłójčku wrotarja k 0:1 přelesći (23.). Jenož pjeć mjeńšin pozdźišo wotpo­padny znowa Domaška bul swojeho přećiwnika, ale njedósta hraj­ny nastroj tak prawje pod kontro­lu. Hosćićeljo spy­tachu jeno z dołhimi třělwami k wuspěchej dóńć, sokołskaj škitarjej Bosćij Bjeńš a Andy Schultz pak wšitko z hłowu znješkód­ni­štaj.

SJ Chrósćicy II – ST Ćisk II 0:1 (0:0)

Zestawa domjacych: Cyž – Dórnik, M. Donat, Šiman (62. Jakubaš), Dehn, Lešawa, Wowčer, C. Šmit, Šołta (76. Mohaupt), J. Donat (55. D. Šmit), Liznar

TSV Połčnica – ST Radwor 4:1 (2:0)

Zestawa hosći: Ch. Šěrak – Mark, F. Šěrak, Jendrewski, Zähr, Amar, Nuk, Kral, Wjeńka, Schulze, Reinecke

HZ Mały Wosyk II/ST Marijina hwězda II

– Postup Großharthau 2:2 (2:2)

Zestawa hosćićela: Matik – Lipič, Pakoßnick, R. Cyž, Łušćanski, Šołta, Jehnichen, Hejduška, Čornak, Sćapan, Zelnak; za­mě­njeni: Elmoussa, Schmidt, P. Cyž

Kopańca, regionalna liga muži

Babelsberg – Rathenow 1:0 (1:0)

Viktoria Berlin – Neugersdorf 2:0 (1:0)

Biskopicy – Hertha BSC II 0:1 (0:0)

BFC Dynamo – Lipsk1:0 (1:0)

Erfurt – Budyšin 1:0 (1:0)

Fürstenwalde – Nordhausen 1:2 (1:0)

Meuselwitz – Altglienicke 2:2 (1:1)

Halberstadt – Kamjenica 2:4 (2:1)

Auerbach – Berlinski AK 2:3 (1:1)

1. Kamjeničanski FC 6 16 : 6 18

2. Wacker Nordhausen 6 9 : 2 14

3. SV Babelsberg 6 14 : 4 13

4. Berlinski AK 6 9 : 8 13

5. FC Viktoria Berlin 6 11 : 9 10

5. Hertha BSC II 6 11 : 9 10

7. Čerwjeno-běli Erfurt 6 5 : 4 10

8. Budissa Budyšin 6 6 : 7 8

9. Biskopičanske KT 6 5 : 6 8

10. VSG Altglienicke 6 9 : 12 8

11. ZFC Meuselwitz 6 10 : 10 7

12. Lok Lipsk 6 8 : 9 7

13. BFC Dynamo 6 6 : 12 7

14. Hornja Łuž. Neugersdorf 6 6 : 12 6

15. VfB Auerbach 6 7 : 10 5

16. Optik Rathenow 6 8 : 12 4

17. Germania Halberstadt 6 9 : 11 3

18. Union Fürstenwalde 6 6 : 12 1

wokrjesna wyša liga

Wojerowski FC – Bukecy 8:1 (3:0)

Kulow – Hnašecy-Dobruša 2:2 (1:1)

Rakecy – Germania Budyšin 2:0 (1:0)

Porchow – Kumwałd2:3 (2:1)

Ramnow – Němske Pazlicy 1:0 (0:0)

1. Rakečanske ST 4 9 : 2 12

2. TSV Połčnica 4 10 : 4 9

3. Módro-běli Kulow 4 8 : 4 8

4. LSV Hory 4 8 : 3 7

5. Sokoł Ralbicy/Hórki 4 8 : 6 7

6. Drohotka Ramnow 4 4 : 4 7

7. SG Großnaundorf 3 9 : 5 6

8. Póst Germania Budyšin 3 9 : 6 6

9. Wojerowski FC 3 11 : 4 5

10. Natwar Němske Pazlicy 3 3 : 2 4

11. ST Hnašecy-Dobruša 4 9 : 9 4

12. ST Kinspork/Łužnica 3 5 : 5 3

13. Motor Kumwałd 4 5 : 12 3

14. ST Radwor 4 3 : 11 1

15. ST Porchow 3 3 : 10 0

16. Zeleno-běli Bukecy 4 3 : 20 0

wokrjesna liga, stafla 1

Großröhrsdorf II – Biskopicy II 4:2 (1:1)

ST Budyšin – Arnsdorf 2:5 (2:3)

Prěni raz ze stejnišćom mjeńšin

Berlin. Frizojo, Danojo, němscy Sintojo a Romojo kaž tež Serbja prezentuja so prěni raz ze zhromadnym stejnišćom na wo­bydlerskim swjedźenju zwjazkoweho prezidenta Franka-Waltera Steinmeiera 8. septembra w parku hroda Bellevue, kaž mjeńšinowa rada informuje. Zdobom so nadźija tam mnohich přisłušnikow mjenowanych mjeńšin witać móc.

Pjenjezy za kulturu na wsach

Berlin/Drježdźany. Kulturu na wsach wuchoda měli dlěšodobnišo financować, měni jednaćel Kulturneje rady Němskeje Olaf Zimmermann. „Kultura je trajna zaručka dočasneho zastaranja, kaž stej to zastaranje z wodu a milinu abo na­dróžny wobchad“, rjekny Zimmermann powěsćerni dpa. Runje před pozadkom prawicarskich tendencow dźe wo to, kulturnu infrastrukturu a kubłanje w regionach zachować.

Rewizija na bloku Q