Pokiwy (08.08.25)
Kula Bula koncertuje w parku
Kopańce. Serbska band Kula Bula koncertuje dźensa, pjatk, we wobłuku rjadu „Kulturne lěśe w parku“ w Kopańcach (Neuhausen/Spree). Zarjadowanje wotměje so pod hołym njebjom a započnje so w 20 hodź. Koncertej přizamknu so reje. Zastup wučinja 5 eurow, serbsce zdrasćeni hosćo ničo njepłaća. Kula Bula zahraje nimo toho prawidłownje na bajowym čołmikowanju w Bórkowach; přichodny wustup w Hornjej Łužicy wuhotuje 23. awgusta w Miłoćicach.
Dialog wuměłstwa a wěry
Budyšin. „Wěrju! Wěrju? Chrystus dźensa a tule“ rěka wosebita wustajeńca z mólbami Almut Zielonka a tekstami Christiana Schramma, kotraž je hišće hač do 14. septembra w Budyskej cyrkwi swj. Pětra přistupna. Jutře, sobotu, přeprošataj wuměłča a bywši wyši měšćanosta sprjewineho města na rozmołwu, kotraž nima so „jenož mjez wustajacymaj wotměć, ale tež wopytowarjow ze swojimi myslemi, nazhonjenjemi, nadźijemi a přećemi nastupajo wěru zapřijeć“. Bjezpłatne zarjadowanje započnje so w 16.30 hodź.
Fascinowacy přewodnik zemje
„Chto wumóžyjo Łužyski módrośišć?“ je titul filma, ...
Rozhłós (08.08.25)
Njedźelu hornjoserbsce
11:00 Łužica tutón tydźeń z přehladom powěsćow a pokiwami
11:20 Kulturna stolica Europy 2025 – Kamjenica
12:00 Nabožne wusyłanje
(Jadwiga Malinkowa)
po tym zbožopřeća
Njedźelu delnjoserbsce
12:30 Aktualny magacin, mjez druhim z přinoškom „Šwick – ptašk lěta 2025“
13:00 Tematiske wusyłanje: Serbska hudźba na winylowych tačelach
13:40 Nabožne wusyłanje
(Bernd Pittkunings)
po tym zbožopřeća
Do kina (07.08.25)
7.8. –13.8.2025
Budyski filmowy palast:
Ze serbskeje šule (01.08.25)
Prózdniny so hižo nachileja a lektorki Rěčneho centruma WITAJ su hornjo- a delnjoserbske wučbnicy a dalši serbskorěčny wučbny material za nowe šulske lěto dopřihotowali. W runje wušłym 3. čisle časopisa Serbska šula informuje wotrjadnica lektorata Annett Dźědźikowa wo tym, zo su wot 33 planowanych wučbnicow a zešiwkow 29 w LND wudali. Mjez nimi su wjacore nowowudaća za šulerjow w Delnjej Łužicy kaž „Zwěrjeći alfabet“, wuknjenske karty ze wšěmi pismikami delnjoserbskeho alfabeta, brošura wo temje „Serbska wjas něga“ a wudospołnjacy material „Graj sobu!“. Za šulerjow zakładnych šulow w Hornjej Łužicy su to „Naša maćeršćina 3“, w rjedźe „Čitanska křinja“ brošura „Naši kuzłarjo rěče“, dalši material za LOGICO-kašćik a „Čitanske hry“ jako wudospołnjacy material za spěchowanje čitanskich kmanosćow. Za šulerjow wyšich šulow nadźěłachu wučbnicu „Terra 10“ za wučbu geografije, wučbnicu za wučbu katolskeje nabožiny za 7. a 8. lětnik „Žiwjenje wobohaćić 2“ a wučbnicu za wučbu biologije na gymnaziju „Biosfera 7“. Dale předleži nowa „Terminologija za předmjet biologija“.
Pokiwy (01.08.25)
Poezija na zahrodźe
Mały Wjelkow. Pod hesłom „Spokenword meets Lausitz“ wuhotuja Jasmin Brückner, Emil Bosse a D’Chaos kaž tež skupina LOst poets jutře, sobotu, „wječor połny poezije, performance a perspektiwow“ na zahrodźe Małowjelkowskeje sotrownje. Zarjadowanje moderěruje Jessy James LaFleur. Wone započnje so w 19 hodź., zastup je darmotny. Dary na dobro sotrownje pak so njewotpokazuja.
Wudźěłki „koalizije wuměłstwow“
Nowe Jěžercy. Wot jutřišeje soboty spřistupnja dohromady 18 mjezynarodnych wuměłcow wuslědki lětušeho projekta „kodekü – koalizija wuměłstwow“ w Nowojěžerskej (Neugersdorf) Kulturnej fabrice Lina Koch. Wernisaža započnje so w 14 hodź., wo hudźbne wobrubjenje postaraja so Hornjołužiski akordeonowy orchester kaž tež DJjej Dr. Pii a Noisen.
Přichodny „snobjed z kulturu“
Rozhłós (01.08.25)
Njedźelu hornjoserbsce
11:00 Łužica tutón tydźeń
11:20 Reportaža ze Slepjanskeho regiona – wobswět a brunica
12:00 Nabožne wusyłanje
(Florian Mróz)
po tym zbožopřeća
Njedźelu delnjoserbsce
12:30 Aktualny magacin, mjez druhim z přinoškom „Kwětk lěta 2025: bobowina“ a z rozprawu wo kompaktnym kursu delnjoserbšćiny
13:00 „Lubin – to serbske w błośańskem městašku“
13:40 Nabožne wusyłanje
(Till Wojto)
po tym zbožopřeća
Woda, wowcy, dres a bus
Telewizijny magacin Wuhladko wěnuje so w awgusće hłownje drastowemu porjadej w šulach. Přičina je předwidźany dresowy kode, kajkiž je w nachilacych so lěćnych prózdninach mjez chowancami Serbskeho gymnazija Budyšin horcu diskusiju wuskutkował. Dalšej přinoškaj wobswětlujetej pochad pitneje wody w dwurěčnych regionach Budyskeho wokrjesa a pilotowy projekt samojězdźaceho busa při Bjerwałdskim jězoru. Nimo toho portretuja Gerata Šmita, kotrehož předstaja jako „drje poslednjeho powołanskeho wowčerja mjez Budyšinom, Kamjencom a Wojerecami“.
Telewizija MDR wusyła Wuhladko jutře, sobotu, w 12 hodź. Wospjetowanje na samsnym sćelaku slěduje póndźelu, 4. awgusta, w 6.50 hodź. Telewizija RBB pokaza magacin sobotu, 9. awgusta, w 13.35 hodź. W mediatece ARD je Wuhladko wot jutřišeho cyłe lěto kóždy čas přistupne.
Do kina (30.07.25)
31.7. –6.8.2025
Budyski filmowy palast:
Pokiwy (25.07.25)
Zahaja 2. festiwal Witaj
Njebjelčicy. Při Miłočanskej skale zahaji so dźensa, pjatk, 2. festiwal Witaj. Mjez druhim pokaza wot 21 hodź. Serbsko-Němska syć Łužycafilm program z krótkofilmami, w 22.30 hodź zahraje skupina Skaprifischer. Jutře, sobotu, wuhotuja wot 12 hodź. wjacore dźěłarnički.Wot 19.30 hodź. wustupja mjez druhim spěwytwórc Sascha Hollick kaž tež skupinje Serbska reja a Jacke Schwarz Banda. Zastup za cyły kónc tydźenja płaći znajmjeńša 25 eurow.
Skurilne stare Wojerecy
Wojerecy. Pod hesłom „Das ist ja kaum zu glauben“ předstaja čłonojo Towaršnosće za domiznowědu Wojerecy a tamnišeho Muzejoweho towarstwa dźensa, pjatk, a jutře kuriozity starych Wojerec. We wobłuku přihotow za rjad „Na hrodźe čitane“ su w historiskich nowinach, časopisach a chronikach „dźiwne, amizantne, skurilne a tež trašace podawki z wjacorych lětstotkow měšćanskich stawiznow“ našli. Zarjadowani wotmějetej so na Wojerowskim hrodźe a započinatej so stajnje w 19 hodź., zastup płaći 5 eurow.
Nowa wustajeńca w Zarěču
