Budyšin (SN). Wopřijeće Witaj steji minjene dwaceći lět w Serbach za modelowy projekt. Ideju je Jan Bart z Francoskeje do Łužicy přenjesł. Bretonojo běchu model z wuspěchom praktikowali, a tak jón mjeztym tež w serbskim žiwjenju nałožujemy. Nětčiše 20lětne wobstaće modela Witaj bě nastork telewizijnemu magacinej Wuhladko, sej to docpěte jutře, 3. měrca, w 11.45 hodź. na sćelaku MDR raz bliže wobhladać.

Dalša tema wusyłanja je „70 lět Serbski zakoń.“ Tež dźensa poćahuje so tón we wulkich dźělach na tekst z lěta 1948. Je pak zakoń hišće načasny abo ma so nowelěrować a wudospołnić?

1.03.2018 – 7.03.2018 Budyski fil­mowy palast: Die Biene Maja 2 – Die Honigspiele: wšědnje 14:00 (nimo pó a srj) a 16:00 | nj 12:00 Heilstätten: wšědnje 20:15 Red Sparrow: wšědnje 19:45 (nimo pó) | pó 19:30 | pj a so 22:00 Wendy 2 – Freundschaft für immer: wšědnje 14:45 (nimo pó a srj) a 17:00 | nj 12:30 Die kleine Hexe: wšědnje 14:45 (nimo pó a srj) | nj 12:30 Hilfe, ich hab meine Eltern geschrumpft: wšědnje 17:15 Black Panther: wšědnje 17:00 (nimo pó) Black Panther w 3 D: wšědnje 14:30 (nimo pó a srj) a 19:30 (nimo pó a srj) | pj a so 22:30 Fifty Shades of Grey – Befreite Lust: wšědnje 19:30 | pj a so 22:30 Dieses bescheuerte Herz: pj, nj a wu 18:00 Maze Runner: pj a so 22:15 Ferdinand – Geht STIERisch ab!: nj 12:15 Wunder: štw, so, pó a srj 18:00 Vielmachglas: srj 19:45

Kino-ekstra: Loving Vincent: pó 17:15 a 20:15

Wojerowski CineMotion: Die Biene Maja 2 – Die Honigspiele: wšědnje 15:00 a 16:30 | so a nj 13:00 Game Night: wšědnje 14:20, 18:30 a 20:454 | pj a so 22:55 Red Sparrow: wšědnje 17:00 a 19:50 | pj a so 22:30 Die dunkelste Stunde: srj 17:00 Wendy 2 – Freundschaft für immer: wšědnje 14:15 a 16:15 | so a nj 12:15 Black Panther w 3 D: wšědnje 19:45 Black Panther: wšědnje 16:55 (nimo srj) | pj a so 22:40 Fifty Shades of Grey – Befreite Lust: wšědnje 16:15 a 20:30 Insidious – The Last Key: pj a so 22:45 Die kleine Hexe: štw, so, pó a srj 14:45 | nj 12:30 Wunder: so a nj 12:00 Hilfe, ich hab meine Eltern geschrumpft: pj, nj a wu 14:45

Budyšin. Přizjewjenje nowačkow na Serbski gymnazij Budyšin za šulske lěto 2018/2019 do 5. lětnika je wot 1. do 7. měrca w sćěhowacych časach: póndźelu, srjedu a štwórtk wot 7.30 do 16 hodź., wutoru wot 7.30 do 18 hodź. a pjatk wot 7.30 do 12 hodź. Za zapisanje trěbne su wu­pjelnjeny přizjewjenski formular, kubłan­ske poručenje zakładneje šule, narodźenske wopismo a połlětne wuswědčenje. Přizjewjenje za 6., 7. a 10. lětnik je w času wot 1. do 9. měrca póndźelu, srjedu a štwórtk wot 7.30 do 16 hodź., wutoru wot 7.30 do 18 hodź. a pjatk wot 7.30 do 12 hodź. Za zapisanje trěbne su wu­pjelnjeny přizjewjenski formular, narodźenske wopismo a połlětne wuswědčenje.

Wo Jurju Wingeru

Chrósćicy. We wobłuku seniorskeho zetkanja su zajimcy na přednošk wo fararju a spisowaćelu Jurju Wingeru składnostnje jeho 100. posmjertnin přepro­šeni, a to jutře, wutoru, na Chróšćansku faru. Započatk je we 8 hodź. z Božej mšu.

Diskusija wo přichodźe

Budyšin. Prašenju „Wróćo abo přichod? Kak chcemy w Budyšinje žiwi być“ wěnuje so Friedricha Ebertowa załožba jutře wječor z diskusiju w Budyskim Dźiwadle na hrodźe. Zajimcy su lubje witani. Započatk je we 18 hodź.

Dźěłarnička Bjesadow

Hory. Serbske ewangelske towarstwo a Horjanska Bjesada přeprošatej na dźěłarničku serbskich Bjesadow. Wona wotmě­je so sobotu, 3. měrca, w 14 hodź. na zarjedźe gmejny Halštrowska Hola. Mjez druhim chcedźa so tam ze serbskimi přisłowami a mjeńšinowymi medi­jemi w Europje zaběrać.