Posmjertniny Pücklera wopominali
Tankowanje dale a dróše
Mnichow (dpa/SN). Tankowanje bě w januaru wo tójšto dróše hač loni w decembru. Superbencin E10 bě přerěznje wo 8,6 centow dróši, diesel samo wo 9,4 centy. Liter E10 płaćeše w cyłoněmskim přerězku 1,739 eurow, diesel 1,692 euraj. W februaru so wuwiće dale pokročuje. Předwčerawšim, wutoru, płaćeše liter bencina 1,752 euraj, diesel 1,728 eurow.
Hłowna přičina za razne podróšenje w januaru je po měnjenju ADAC dróši zemski wolij na swětowych wikach. Tež wot spočatka lěta płaćiwy wyši schodźenk dawka za wuhlikowy dioksid so na płaćizny wuskutkuje. ADAC trochuje, zo wyši dawk liter ćěriwa wo tři centy podróši.
Napadny je snadny wotstawk płaćiznow diesela a bencina E10. Fachowcy měnja, zo je to wuskutk kruteje zymy, dokelž ludźo nětko wjele tepjenskeho wolija kupuja. Tepjenski wolij a diesel stej sej jara podobnej. Wulke naprašowanje za tepjenskim wolijom tuž płaćizny diesela do wysoka ćěri. Šoferojo móža so nadźijeć, zo so połoženje w nalěću zaso změruje. Štóž chce lutować, njech tankuje wječor abo rano zahe. Płaćizny w běhu dnja druhdy wo dźesać centow chabłaja.
To a tamne (05.02.26)
Na měsačk a zaso wróćo – a hišće dwójce wokoło zemje – tak dołhe běchu rynki čakacych awtow na awtodróhach Němskeje 2025, cyłkownje 866 000 kilometrow, 7 000 kilometrow dlěje hač lěto do toho. Tole je awtomobilowy klub ADAC wuličił. Tohorunja wobkedźbowali su, zo su so haćenja pomałšo rozpušćili. Najhórje bě w Sewjerorynsko-Westfalskej. Tam je ADAC 35 procentow wšěch haćenjow na dróhach wobkedźbował.
Kruta zyma a zamjerznjene morjo zawinuje dale a wjace problemow, docpěć někotre sewjerofriziske kupy. Dokelž woda tež w přistawach poněčim zamjerznje, njemóža wotnětka přewozne łódźe mjez kupu Spiekeroog a Neuharlingersiel wjace jězdźić. Wobchad přewoznych łódźow na kupu Wangerooge su hižo minjeny pjatk skónčili. Tež kupu Hiddensee w Baltiskim morju tuchwilu njedocpěja.
Blokada knježerstwa skónčena
Washington (dpa/SN). Dźělna blokada knježerstwa w USA je skónčena. Prezident Donald Trump je ze swojim podpismom wot parlamenta schwaleny etat zeskutkownił. Hač do kónca septembra móže najwjetši dźěl knježerstwoweho aparata srědki wužiwać. Financowanje ministerstwa za škit domizny pak dosaha toho postupowanja přećiwo migrantam dla jenož hač do kónc přichodneho tydźenja. Demokraća žadaja sej razne změny. Hewak hrozy nowa blokada.
Merz w arabskich krajach
Berlin (dpa/SN). Zwjazkowy kancler Friedrich Merz (CDU) je so dźensa na swoju prěnju jězbu do hospodarsce a strategisce wažneje kónčiny Persiskeho zaliwa podał. Prěnja stacija je Sawdi-Arabska. Po tym wočakuja jeho w Kataru a Zjednoćenych arabskich emiratach. Merz chce partnerstwa na politiskim, ale tež energetiskim polu skrućić a nowe kooperacije natwarić. Rěčeć chcedźa pak tež wo eksporće němskich brónjow do awtokratisce nawjedowanych arabskich krajow.
Migranća so zatepili
Přeco hišće tójšto dźěła maja sobudźěłaćerjo lětanišća ...
DGB kritizuje knježerstwo
Berlin (dpa/SN). Dźěłarniski zwjazk DGB wot CDU nawjedowanemu zwjazkowemu knježerstwu wumjetuje, zo dźěła na njedobro tarifoweje wjazby w Němskej. Zwjazkowe knježerstwo chcyše dźensa poprawom narodny akciski plan k spěchowanju tarifowych jednanjow wobzamknyć. Na iniciatiwu hospodarskeje ministerki Katheriny Reiche (CDU) su pak tole z dnjoweho porjada wzali. „To je skandal“, rjekny čłon předsydstwa DGB Stefan Körzell nowinarjam.
W Němskej płaći runje 49 procentow wšěch zawodow mzdu po tarifach. Směrnicy EU předwidźa 80 procentow. Tuž dyrbjała Němska poprawom w Brüsselu akciski plan předpołožić, kak chcyła to změnić. Hewak hrozy jej chłostanje.
USA a Israel sej wuměnja
Wuradźuja wo skónčenju wójny
Kijew/Moskwa (dpa/SN). Najebać ćežke ruske nalěty su so posrědnicy Kijewa a Moskwy dźensa znowa k wuradźowanjam w Abu Dhabiju zešli. USA skutkuja při rozmołwach w zjednoćenych arabskich emiratach jako posrědnicy. Prěnja rozmołwa na tutej runinje bě so w januaru wotměła. Při tym dźe w prěnim rjedźe wo wuměnjenje k skónčenju wójny.
Minjenu nóc je Ruska znowa ukrainske města kaž Kijew a Charkiw z trutami nadběhowała. Znowa dyrbjachu miliony ludźi při krutym zmjerzku bjez tepjenja a miliny wutrać. Ukrainski prezident Wolodymyr Zelenskyj Ruskej wumjetowaše, zo dojednanja wo dźělnym přiměrje rani. Wón žada sej reakciju Washingtona. Po-dać pak su Ukraina „nihdy njebudźe“.
