Syriska: Kurdišćina připóznata
Přechodne knježerstwo a zastupjerjo Kurdow so na přiměr dojednali
Ar-Raqqa/Damaskus (SN/mb). Syriske demokratiske mocy (SDF), wobrónjene jednotki pod nawodom Kurdow za zakitowanje demokratiskich kónčin Sewjerowuchodneje Syriskeje, a islamistiske přechodne knježerstwo w Damaskusu su so na přiměr dojednali. To je pjatk Berlinske zastupnistwo demokratiskeho samozarjadnistwa wobkrućiło. Zašłe tydźenje běchu islamistiske milicy masakry přećiwo kurdiskej ludnosći skućeli, we woblěhowanym měsće Kobanê bě po informacijach ko-měšćanostki a ko-měšćanosty hač do 400 000 ćěkancow. Nic jenož tu hrožeše humanitarna katastrofa.
Zjawnje argumentować
Njeběše sciencefiction
Psychiske problemy holcow přiběraja
Drježdźany (dpa/SN). Mjez mnohimi młodymi ludźimi w Sakskej zawinuja sćěhi pandemije a trajace krizy přiběrajcy psychiske problemy. Tole pokazuje najnowša rozprawa chorobneje kasy DAK wo stawje strowoty dźěći a młodostnych. Wědomostna studija je zwěsćiła, zo je dale a wjace holcow w starobje mjez 15 a 17 lětami, kiž ćerpja na wšelake strachi a depresije a z tutych přičin na strowe wašnje njejědźa. Ze studije wuchadźa, zo bě lěta 2024 něhdźe 67 wot cyłkownje tysac pola DAK zawěsćenych młodostnych tajkich problemow dla pola lěkarja. Porno časej do koronapandemije 2019 je tole rozrost wo 73 procentow. Zdobom je ličba chroniskich strachowanjow wo 88 procentow přiběrała. Holcow, kiž prawje njejědźa, bě wo 57 procentow wjace hač do pandemije. Tež depresije nastupajo rěči kasa dale wo wulkej ličbje ludźi, kotřiž pytaja w tym zwisku za lěkarskej pomocu, w rozprawje chorobneje kasy rěka.
Gymnaziasća zapust swjećili
To a tamne (02.02.26)
Premjeru opery wuchował je basowy bariton, kiž připadnje jako wopytowar w dźiwadle w Kamjenicy sedźeše. Do toho bě so spěwar Johann Kalvelage po prěnim akće Mozartoweje opery „Don Giovanni“ zwjezł. Jeho rólu jako Leporello přewza spěwar Markus Marquardt. Tón skutkuje na Drježdźanskej statnej operje a je z dźiwadłom w Kamjenicy wusko zwjazany. Kalvelage je mjeztym na puću polěpšenja. Jeho móžachu z chorownje pušćić. Kak chcedźa so Marquardtej za jeho pomoc dźakować, hišće njewědźa.
Triumfowe wrota w Washingtonje prezident USA Donald Trump dale planuje a ma mjeztym konkretne předstawy. Wupadać maja wrota podobnje kaž Arc de Triomphe w Parisu – jenož wo wjele wjetše. „Smy najwjetši a najmócniši narod“, rjekny Trump nowinarjam. Wosebity komitej ma namjety zdźěłać.
Witkoff: Hamas brónje woteda
Washington (dpa/SN). Wurjadny pósłanc USA Steve Witkoff je sej wěsty, zo islamistiska Hamas w Gazaskim pasmje swoje brónje woteda. Wón mjenowaše konkretnje mašinsku třělbu AK-47 ze sowjetskeje produkcije, kotraž je pod mjenom Kalašnikow znata. Witkoff rjekny, zo terorisća swoje brónje wotedadźa, „dokelž nimaja žaneje druheje móžnosće“. Wotbrónjenje, kotrež Hamas dotal raznje wotpokazuje, je wažny dypk druheho wotrězka Gazaskeho plana.
Trump postupuje přećiwo Kubje
Washington (dpa/SN). Prezident USA Donald Trump hrozy wšitkim krajam z nowymi cłami, kotrež Kubje wolij dodawaja. Trump chce po tutym puću energijowe zastaranje karibiskeho kraja zlemić. Potrjechene su wšitke partnerske kraje Kuby, kotrež swoje twory tohorunja do USA předawaja. Wotpowědny wukaz Trumpa su we Washingtonje wozjewili. Kak wysoke cła budu, njeje dotal znate. Tež mjena krajow hišće njeznaja.
Za wyši dawk na tobak
W měsće Huelva na juhu Španiskeje su wčera ze swjatočnej Božej ...
Póndźeluzaso stawkuja
CO2 pod morjom składować
Berlin (dpa/SN). Před pobrjohom Němskeje smědźa přichodnje klimje škodźacy wuhlikowy dioksyd pod morjom składować. Zwjazkowy sejm je wčera zakoń schwalił, kotryž prawniske wuměnjenja k zasadźenju tak mjenowaneje CCS-technologije twori. Tak smědźa wuhlikowy dioksyd, kiž mjez druhim při produkciji cementa wapna nastanje, zapopadnyć a njewobmjezowanje pod dnom morja składować. Jenož we wosebitych škitnych pasmach je tole zakazane.
Zapósłanča SPD Dunja Kreiser potwjerdźi, zo njeje CCS žane narunanje za konsekwentny škit klimy, ale jenož jedna z móžnosćow, z wuhlikowym dioksydom wobchadźeć, kotremuž njehodźi so zadźěwać. Tež eksport do druhich krajow wostanje dale wobstejaca móžnosć.
Opozicija je zakoń wotpokazała. Zapósłanc AfD Michael Blos pokaza na strachu składowanja w morju a kritizowaše „ideologisku klimowu politiku“.
