Z pjenjezami wobohaćeja žiwjenje na wsach
W Leaderowym regionje Hornjołužiska hola a haty (OHTL) je wjele angažowanych towarstwow, kotrež dobru zhromadnosć pěstuja. Tole dopokazachu zjednoćenstwa we wobłuku wubědźowanja Leaderoweje kónčiny.
Njebjelčicy (SN/BŠe). „W kónčinje Hornjołužiskeje hole a haty móžemy na čestnohamtsce skutkowace towarstwa twarić. Bjez tajkich njemóhli telko za region docpěć“, wuzběhny minjeny pjatk Rakečanski wjesnjanosta Swen Nowotny (CDU) w Njebjelčicach. Tam je towarstwo Leaderoweje kónčiny cyłkownje 18 projektowych idejow zjednoćenstwow wuznamjeniło. Prěnje městno, a z tym 5 000 eurow je Njebjelčanska młodźina dóstała. We wobłuku wjesneho swjedźenja, chcedźa woni inkluziski rejowanski wječor z mjenom „Danci“ přewjesć. Zhromadny swjedźeń ze zbrašenymi ma tomu přinošować, zo ludźo inkluziske dźěło zeznaja a strachi přewinu.
Wša česć wam!
Studentki tema putała: Serbja a biosferowy rezerwat
Stróža (SN/at). Z nowymi studentskimi projektami stej zarjadnistwo biosferoweho rezerwata Hornjołužiska hola a haty a Wysoka šula za naslědne wuwiće w Eberswaldźe (HNEE) swoje zhromadne dźěło lětsa dale wjedłoj. W jednym su štyri studentki styki mjez zarjadnistwom rezerwata a serbskimi wuměłskimi a kulturnymi institucijemi přepytowali. Wjeršk bě dźěłarnička w Stróžanskim Domje tysac hatow, na kotruž běchu Maria Fleckenstein, Pia Hartz, Jessica Lipinski a Laura Vogt 28 serbskich resp. šulskich zarjadnišćow, towarstwow a zjednoćenstwow přeprosyli. „Wothłós na naše přeprošenje bě skerje skromny“, so Laura Vogt diplomatisce wupraja. Studentki witachu pjeć zastupjerjow a zastupjerkow, mjez druhim serbskeje załožby, domizniskeho towarstwa Radiška, Serbskeho sejma, towarstwa Krabatowy młyn a Maćicy Serbskeje. Dokelž bě zarjadnistwo biosferoweho rezerwata temu za wobdźěłanje poručiło, wobdźěli so tež nawoda Torsten Roch.
W małym kruhu
Dalše wobhospodarjenje rozrisali
Hłowny dypk na dnjowym porjedźe zhromadźizny Zaměroweho zwjazka Łužiska jězorina Sakskeje běše přichod campingoweho ressorta „Marina“ při Lejnjanskim jězoru.
Ze škitnej murju Sprjewi pomhać
LBMV chce mjez składowanskim basenkom Łaz II a Sprjewju škitnu murju twarić. Tale naprawa je za přichod wažny stołp za mjenje zežołćenu Sprjewju, zhonichu na njedawnym wuradźowanju Łužiskeho kruha w Baršću.
Baršć (AK/SN). Wobběh wody we Łužicy renaturěrować je daloko sahacy proces, zwjazany z mnohimi naprawami. To je Gerd Richter, nawoda wobłuka LMBV saněrowanje we Łužicy, njedawno čłonam Łužiskeho kruha w Baršću rozłožił. Richter skedźbni na dwaj lětdźesatkaj dźěłacu centralu za napjelnjenje z wodu w Złym Komorowje. „Priority smy jasnje z krajemi wothłosowali“, rjekny wón. Aktualnje je hraničny wodowy staw w jězorach docpěty. Při Sedličanskim jězoru su geotechnisce trěbny wodowy staw 98,4 metrow docpěli. To zmóžnja dalše saněrowanske dźěła wukonjeć a kanal twarić. Hraničny wodowy staw leži tu mjez 98,2 a 98,5 metrami. Runje tak je Złokomorowski jězor z wodowym stawom 99 metrow derje pjelnjeny. Richter z toho wuchadźa, zo budźe to wuparjenja dla w lěću tróšku woteběrać. „W cyłku smy z pjelnjenjom w nalěću jara spokojom.“
Wjacore sta ludźi mjez druhim z Łužicy, Drježdźan, Lipska, ...
Zawod hišće dale rozšěrja
Wot lěta 2000 produkuje wotnožka japaniskeju dodawarjow awtomobilnych dźělow Toyota Industries Corporation (TICO) a Denso na industrijnišću Nadrózneje Hrabowki kompresory za klimowe připrawy wosobowych awtow. Nětko ma so zawod TDDK rozšěrić.
Nadrózna Hrabowka (SN). Wuspěšne předewzaće TICO a Denso w Nadróznej Hrabowce TDDK ma so rozšěrić. Prěni zaryw za to su sakski minister za regionalne wuwiće Thomas Schmidt (CDU), krajny rada Budyskeho wokrjesa Udo Wićaz (CDU), Njedźichowski měšćanosta Harry Habel, němski nawoda wukonjaceho twarskeho předewzaća Takenaka Yoshihiro Matsushita kaž tež prezident a jednaćel TDDK Yoichi Terao minjeny pjatk na twarnišću swjatočnje woswjećili.
Ministerstwo situaciju chutnje bjerje
Na dźěłowym zetkanju su zastupjerjo politiki, wokrjesow a fachowcow wjelču problematiku wobjednawali. Nětko su dalše rozmołwy předwidźane, hdźež maja so wotewrjene prašenja rozrisać.
Zhorjelc/Budyšin (SN/BŠe). Krajny rada Budyskeho wokrjesa Udo Wićaz a jeho Zhorjelski kolega dr. Stephan Meyer (wobaj CDU) staj so předwčerawšim ze sakskim wobswětowym ministrom Wolframom Güntherom (Zeleni) zetkałoj. Přičina rozmołwy bě zhromadny list krajneju radow nastupajo wjelču problematiku. Nimo toho wobdźělichu so na zetkanju w Zhorjelcu zastupjerjo fachowych wobłukow ministerstwa, krajnoradneju zarjadow a fachoweho zarjadnišća wjelk.
Brigadnicy na jubileju klóštra a w Ljubljanje spěwaja
Pančicy-Kukow/Ljubljana (SN/MiR). Tutón kónc tydźenja steji za 1. serbsku kulturnu brigadu cyle w znamjenju njewšědneho jubileja. Klóšter „Marijina hwězda“ w Pančicach-Kukowje woswjeći z wulkim swjedźenjom 775. lět prěnjeho naspomnjenja. Wuměłske ćěleso Serbskeho gymnazija chce sobotu wječor wopytowarjow klóšterskeje cyrkwje z koncertom zawjeselić. Dźen na to wobrubi skupina brigadnikow dopołdniše kemše z Drježdźansko-Mišnjanskim biskopom Heinrichom Timmereversom.
Póndźelu pojědźe wjace hač 70 čłonow brigady na wuprawu do słowjenskeje stolicy Ljubljany. Tež tam chcedźa spěwarki a spěwarjo wopytowarjow koncerta z twórbami kaž „Tule statok zboža stajić“ Jurja Pilka, „Locus iste“ Antona Brucknera a tež z načasnymi twórbami komponistow, kaž tymi Měrćina Weclicha, překwapić. Koncert zakónčacej titulej budźetej „Dona nobis pacem“ a „Jandźel knjeza“.
