Chcyła rady z dźěćimi dźěłać
Greta Čórlichec z Kulowa je wjesoła a hibićiwa młoda holca. Wona je šulerka Serbskeje wyšeje šule Ralbicy a budźe tam wot noweho šulskeho lěta w 9. lětniku wuknyć. Poslednjej šulskej tydźenjej minjeneho šulskeho lěta je wona nowe nazhonjenja zběrała. We wobłuku powołanskeho praktikuma dźěłaše w pěstowarni. „Běch jara zbožowna, zo je mi Serbske šulske towarstwo zmóžniło so wupruwować“, praji Greta. „W Němčanskej Witaj-pěstowarni ,Pumpot‘ sym so wšědnje wo dźěći starała. Běchu to wosebje ći najmjeńši, jedno- do třilětni.“ Greta je sej z nimi hrajkała a z nimi zaběry přewjedła. Je za nje jědź přihotowała a jim pomhała so na připołdniši spar přihotować. „Sym so dźiwała, kak spěšnje su mje wone přiwzali a kak lube běchu.“ Nawodnica kubłanišća Diana Libšowa wšak měni: „Greta je jara pilna a pomocliwa, wona dźěło widźi.“
Hač stanje so pozdźišo jónu kubłarka, to Kulowčanka přiwšěm hišće cyle jasnje njewě. Wulce pak sej waži, zo kubłarki w Němcach z dźěćimi zasadnje serbsce rěča, tež hdyž serbsce njewotmołwjeja, ale wšitko rozumja. A waži sej tež tamnišu dobru naladu.
Z reju přećiwo rasizmej
Cyrkwinske towarstwo zahorja tež we Łužicy z projektom „iThemba“
Łaz (AK/SN). Šěrić powěsć wo nadźiji, měrje a wujednanju je wobsah projekta „iThemba“ (nadźija), němskeho towarstwa Młodźina za Chrysta z.t. Projekt wusměrja so na dwanaće- do 18lětnych šulerjow a młodostnych. Tak su Jay (26), Louisa (24), Evan (19), Burton (23), Naledi (19) a Mookho (22) njedawno na rapsong skupiny Family Force 5 „Chainsaw“ a na dalše spěwy we Łazowskej Wyšej šuli rejowali. Při tym so intensiwnje z temu rasizm rozestajachu.
Jay prašeše so šulerjow za swójskimi dožiwjenjemi z rasizmom. Woni rěčachu wo demonstraciji prawicarjow we Wojerecach a wo dožiwjenjach z ćěkancami. Jay zmuži młodostnych, ćěkancam připosłuchać. „Jenož tak předsudki přewinjeće. Starajće so wo ludźi tak, kaž byšće sej to wot nich přeli. Prajće ,ně‘ k rasizmej“, wón podšmórny.
Wuměłstwo bjez mjezow
Projekt „Krabat between us“ wabi do kreatiwity a rozmyslowanja
Grafitije w Budyskim Kamjentnym domje njejsu runjewon něšto njewšědne. Tola tuchwilu zetkawa so tam wosebita skupinka młodych ludźi. Serbscy, němscy, čěscy, syriscy a afghaniscy młodostni chcedźa so w tymle wuměłskim směrje wukmanić. Kubłanska referentka Domowiny Rejzka Wałdźic je projekt „Krabat between us“ wuwiła a w generacije přesahowacym zetkanišću instalowała. Na wulki wjeršk dźěłarnički so młodostni nětko krok po kroku přihotuja. Wot 19. do 21. awgusta, krótko po zahajenju noweho šulskeho lěta, ju potom přewjedu. Hólcy z Afghanistana a Syriskeje přebywaja bjez staršich w Debrikečanskim domje za ćěkancow. „Nam dźe wo to, zo reflektuja młodostni zhromadnje aktualne temy. Měli tež wizije do přichoda kreatiwnje zwobraznić“, Rejzka Wałdźic rozłožuje. Prěnje kroki k tajkemu postupowanju njejsu scyła ćežke. Wo to staraja so Rejzka kaž tež Michael Ankele z Kamjentneho domu a wuměłc Stefan Radke, kiž so w metjeju streetart jenož njewuznawa, ale jón tež kultiwěruje.
Bjez rěčnych njedorozumjenjow
Chcedźa přiwuknyć
Na dźěłarničce „Krabat between us“ w Budyskim Kamjentnym domje wobdźěleja so sydom serbskich a wjacori syriscy a afghaniskich młodostnych, ale tež někotři Němcy a Češa. René Kruner, alias SAFArtifex, projekt wuměłsce nawjeduje. Milenka Rječcyna chcyše wědźeć, što je młodostnych pohnuło so na dźěłarničce wobdźělić.
Maximilian Barthel: Mam němske a italske korjenje. Sym nětko zakónčił 10. lětnik na Gottlieba-Daimlerowej wyšej šuli Budyšin. Chcu na gymnaziju maturu z fachowym wusměrjenjom na socialnym polu złožić a so potom na wotpowědny studij podać. Wěm lědma něšto wo Serbach, ale zajimuju so za nich. Chcu w běhu dźěłarnički składnosć wužiwać, wjace wo serbskej kulturje zhonić a časćišo serbsku rěč słyšeć. Zajimuju so za wšelake wuměłske směry, wosebje pak za rysowanje a hudźbu. Sam hraju na gitarje a spěwam.
Serbski gymnazij Budyšin
Serbska wyša šula Budyšin
Gratulujemy
maturantam a šulskim wotchadnikam 2016
Serbska wyša šula „Michał Hórnik“ Worklecy
Serbska wyša šula „Dr. Marja Grólmusec“ Radwor
Serbska wyša šula Ralbicy
Wyša šula „Dr. Marja Grólmusec“ Slepo
rjadownja 10 a: Jonas Heine, Niclas-Silco Kamieth, Max-Paul Klimsch, Robin Krautz, Richard Krippstädt, Jonas Lewa, Marcus Tobias Liebert, Richard Nitsche, Philip Nowitzki, Daniel Richter, Rick Schubert, Michael Sladzyk, Aline Balke, Laura Bartsch, Carolin Bergner, Marie Federau, Jasmin Freer, Lina Heim, Saskia Köhler, Virginia Krupper, Julie Puschmann, Melissa Wierick, Mariell Wimmer, Laura Würzner
rjadownja 10 b: Tom Belaschk, Luka Hambitzer, Niklas Hentschel, Jonas Hubatsch, Max Krause, Johannes Ladusch, Eddie Lysk, Francesco Möser, Anne Berton, Vanessa Klauk, Emely Knox, Kimberly Stuckas, Amy Lynn Vetter, Kira Zuchold Foto: Joachim Rjela
