Awto a hort za Njebjelčicy
Njebjelčanska gmejnska rada je so wčera wurjadnje a njezjawnje schadźowała. Přičina zetkanja bě trěbny rozsud wo nakupje wohnjoborneho awta. Přidatna tema wječora bě diskusija wo horće.
Njebjelčicy (SN/MiR). Gmejna Njebjelčicy budźe kupić wohnjowoborne awto. To su gmejnscy radźićeljo wčera jednohłósnje rozsudźili. Za tule naprawu chcedźa nałožić 30 000 eurow. „Po dwójnym njewuspěšnym wobdźělenju na wupisanjomaj wo nakup tajkeho jězdźidła su rozsudźili, so za trjebanym awtom rozhladować“, rozłožuje wjesnjanosta Tomaš Čornak. Tajke namakali su w Urbachu njedaloko Nordhausena pola předewzaća Merkel, hdźež tajke jězdźidła twarja. Tam chcedźa na wozydle trěbne reparatury wukonjeć. Za šěsć njedźelow, tak so čłonojo Njebjelčanskeje wohnjoweje wobory nadźijeja, móža techniku wužiwać.
Krótkopowěsće (27.07.18)
Za škit před wulkej wodu
Budyšin. Protest Delnjo- a Hornjowunjowčanow wospjetnych powodźenjow jich wsow dla bu wusłyšany. Sakska spěchuje městu Budyšinej twar spjateho basenka za 7 000 kubiknych metrow wody a přirodźe bliski wutwar Słonoboršćanskeje/Miłkečanskeje wody ze 475 000 eurami, kaž Krajna direkcija Sakskeje wčera informowa. Wuchadźeja z cyłkownych kóštow 610 000 eurow.
Milinarnje dźěłaja normalnje
Choćebuz. Najebać horcotu dźěłaja łužiske wulkomilinarnje LEAG normalnje, kaž rěčnica předewzaća na naprašowanje Serbskich Nowin wobkrući. Za Hamorsku milinarnju trěbnu chłódźensku wodu zaručeja na přikład z wodu, kotruž z Wochožanskeje a Rychwałdskeje jamy wotklumpuja, w rjedźerni za jamowu wodu w Krynhelecach rjedźa a z niskej temperaturu do Čorneho Šepca dadźa.
Wo stawiznach mało wědźa
Policija (26.07.18)
Zranjenych do chorownje dowjezli
Großharthau. W Großharthauwje je dźensa na B 6 něhdźe w 5 hodź. transporter Fiat bjez borzdźenja frontalnje do druheho transportera zrazył. Při tym so štyri wosoby zranichu, kotrychž do chorownje dowjezechu. Jězdźidle so dospołnje skóncowaštej. Po prěnich informacijach policije je sej šofer Fiata po zdaću krótko wusnył a z tejele přičiny na druhu stronu jězdnje zajěł. Tam přijědźe jemu Peugeot napřećo. 18 wohnjowych wobornikow městnosć njezboža zawěsći.
5 000 młodostnych hejsowało
60 000 přenocowanjow
Bórkowy (SN/mwe). „W Błótach so přenocowanske ličby jara pozitiwnje wuwiwaja“, Serbskim Nowinam Rene Loichen z turistiskeho zarjada w Bórkowach zdźěli. Tak je tam hač do kónca meje wjace hač 60 000 hosći přenocowanja w pensijach, hotelach a hóstnych stwach knihowało. Derje wopytane běchu po zwěsćenju Loichena Błótowska powěsćowa nóc, burske wiki a folklorna lawina. Mnozy z turistow so wosebje za serbske nałožki a drastu zajimowachu. Tuchwilu přihotuja so na domizniski a drastowy swjedźeń 24. awgusta w Bórkowach.
Jězba do Rumburka
Budyšin (SN). Na iniciatiwu Hajka Kozela přeprošuje Serbska Lěwica (krajne dźěłowe zjednoćenstwo Lěwicy w Sakskej) wšěch zajimcow składnostnje spočatka 1. swětoweje wójny před 104 lětami sobotu, 28. julija, na měrowu jězbu wot Budyšina do čěskeho Rumburka. Zdobom chcedźa na 100. róčnicu Rumburkskeho zběžka wojakow spominać. Započatk kolesowanskeje tury je w 9 hodź. w Budyšinje na parkowanišću wobydlerskeho běrowa Lěwicy – Šulerska 10. Zajimcy měli so telefonisce (0 35 91) 318 99 04 přizjewić.
Staršiske popłatki dale stupaja
Hamor (AK/SN). W Hamorskej gmejnje w minjenych tydźenjach měsačne staršiske popłatki za žłobik, pěstowarnju a hort znowa lochko stupachu. „Pozadk je změna hladanskeho kluča za pěstowarnje. Při samsnej ličbje dźěći dyrbimy wjace personala zawěsćić. Z tym su nałožowanja za kubłarki a dalšich wyše“, hłowny hamtski nawoda Arian Leffs njedawno na posedźenju gmejnskeje rady podšmórny. „Dalši pozadk je tarifowe powyšenje mzdow. Tutomu wuwiću dyrbimy jako komuna wězo sćěhować.“
Radźićeljo su zwyšenje staršiskich popłatkow jednohłósnje wobzamknyli. W žłobiku stupa měsačny přinošk při přeco dźewjeć hodźinach hladanja wot 197 na 203 eurow, w pěstowarni wot 95 na 99 eurow a w horće wot 53 na 54 eurow. „Padnje mi ćežko, tajkemu wobzamknjenskemu naćiskej přihłosować, wšako su zwyšenja přeco njepřijomne a problematiske. Cyłkownje su w hladanju dźěći dosć porjadne dźěło wukonjeli, ale zwyšenje přinjese komuny do wuskosćow“, gmejnski radźićel Horst Jannack (Lěwica) praji.
Malešecy z nowej stawnicu
W Přiwćicach twarja móst a w Budyšinku pěstowarnju ponowjeja
Malešecy (CS/SN). W Malešanskej gmejnje tuchwilu na wšěch róžkach twarja. Wjednica infrastrukturneho zarjada Nicole Stephan na posedźenju gmejnskeje rady wutoru wječor wo aktualnym stawje twarskich naprawow rozprawješe. Tak běža dźěła na mosće w Přiwćicach po planje. Wotrězk dróhi z Rokojdow hač k rozpućej dróhi do Barta přichodne dny asfaltěruja. Dokelž pak maja hišće tójšto pódlanskich dźěłow wukonjeć, liča z přepodaćom dróhi hakle kónc septembra ličić. Tohorunja w pěstowarni w Budyšinku zaměrnje z twarskimi dźěłami pokročuja a móžachu tam prěni twarski wotrězk z připrawjenjom škita přećiwo harje, molerskimi dźěłami a instalowanjom elektriki w žłobiku zakónčić. Tež na nowym zhromadnym wohnjowobornym depoće w Budyšinku su nětko róšty padnyli. Tuchwilu w sanitarnym wobłuku domu kachlicy kładu. W Hlinje (Gleina) zwutorhaja kolije ze železniskeho přechoda. Při tym tež hnydom na dróhu mjez Hlinu a Bukojnu (Buchwalde) z nowej asfaltowej worštu pokryja. Tuž je puć wot 30. julija do 11.
Ze zornowcom k morju wotjěliW druhej połojcy 19. lětstotka za čas ...
W druhej połojcy 19. lětstotka za čas industrializacije twarjachu tež w Hornjej Łužicy železniske čary. Runočasnje nastachu dwórnišća, stražniske chěžki a wuhibkarnje. W lětnjej seriji so rozhladujemy, kak trěbne wone něhdy běchu a što je so z nimi stało. (10)
Zo přizamkny so město Kamjenc hakle 1871 železniskej syći, zaležeše na tym, zo njeměješe jónu sakske knježerstwo na tym žadyn zajim, ale tež, zo wobsedźerjo pódy předań swojeho wobsydstwa torpeděrowachu. Po tym pak, zo běchu čaru wot Lessingoweho města do Radeberga zapołožili, zapodachu Halštrow a wokolne gmejny wjacore peticije, tež Kamjenc z Biskopicami zwjazać. W lěće 1886 su samo wokoło Pančic přez klóšterske hona móžnu trasu mjez Kamjencom a Budyšinom wottykali. Mjeztym zo so tele předstawy njerealizowachu, sakske ministerstwo za financy dwě lěće pozdźišo twarej čary mjez Kamjencom a Halštrowom skónčnje přizwoli.
Rady je Katrin Weimann (naprawo) prózdninskim dźěćom na ...
Procedury zjednorić
Pančicy-Kukow (SN/JaW). Sakski nutřkowny minister Roland Wöller (CDU) je nazhonił, zo je w gmejnach zarjadniskeho zwjazka Při Klóšterskej wodźe serbšćina žiwa rěč. Takle zjima předsyda zarjadniskeho zwjazka Měrko Domaška wčerawši wopyt ministra w Pančicach-Kukowje. „W našich pjeć gmejnach njeje serbskosć jenož na značkach čitajomna, ale móžeš ju wšědnje dožiwić“, rjekny Domaška po rozmołwje ministra z wjesnjanostami čłonskich komunow a sobudźěłaćerjemi zarjada.
