Projekt je wohroženy
Zo by klankodźiwadło wobstać móhło, pytaja za wjetšej chěžu do zahrody
Wojerecy (SiR/SN). Dom zetkanja we Wojerecach, kiž je w nošerstwje towarstwa „Powołanje a swójbu zjednoćić“ (vbff), njeje jenož městnosć kontaktow. Tam wotměwachu so dotal tež klankodźiwadłowe předstajenja. Te pak so přichodnje hižo přewjesć nimaja.
Jednotliwe dźiwadłowe hry běchu zamołwitosć nawodnicy zarjadnišća. Madlen Krenz je scenarije sama pisała. Kóžde lěto jutry, w lěću a w hodownym času běchu tam na předstajenja přeprosyli, w cyłku bě jich něhdźe 30. Pjatnaće předšulskich zarjadnišćow z Wojerec a wokolnych wsow bě na předstajenja klankodźiwadła přichwatało. Wšako mějachu tam składnosć za mało pjenjez něšto rjane dožiwić.
Na 650ćiny do Wětrowa
Přewšo krótkodobnje wozjewi Sebastian Meißner termin, kotryž je za Bóšičansku gmejnu lětsa dosć wažny. 20. junija hižo woswjeći Wětrow 650. lětny jubilej prěnjeho naspomnjenja wsy.
Wětrow (SN/MiR). A to chcedźa wobydlerjo woswjećić. Tuž mnozy při přihotach pomhaja. Hłowny zamołwity pak je nawoda młodźinskeho kluba Meißner sam. Wšako chce tež młodźinski klub swój jubilej swjećić, mjenujcy 25ćiny załoženja. „Přejemy sej, zo bychu woprawdźe zaso młodostni do kluba chodźili“, praji nowinski rěčnik předewzaća Mercedes-Benz w Stuttgarće, „tuchwilu zetka so tu skerje, starši semester‘, su to swójby a ludźo po wjetšinje nad 30 lětami.“
Nawodnica Doma zetkanja we Wojerecach Madlen Krenz, je něhdy jako ...
Wjesela so nad podpěru
Wulke a mjeńše muzeje, domizniske stwy a njewšědne wustajenišća zbližuja zajimcam zajimawostki najwšelakorišeho razu. Z lětušej lětnjej seriju někotre z nich kaž tež takrjec za kulisami skutkowacych akterow předstajamy. (1)
Serb abo zajimc, ručež na internetnu stronu Sakskeho muzeja za ludowe wuměłstwo w Drježdźanach hlada, so dźiwa. Digitalneho wopytowarja překwapi wid na figuriny w serbskich narodnych drastach. Su to mjez druhim drasta z Wojerowskeje kónčiny kaž tež z Njeswačidła. Wustajene figuriny su jenož mólički wuběr wjace hač 300 objektow, kotrež so w archiwach muzeja chowaja. Su to mjez druhim pohladnicy, debjene jutrowne jejka kaž tež wušiwanki. Štóž chce so nadrobnje informować, móže to na internetnej stronje muzeja z podaćom konkretnych zapřijećow, kaž mjena městow, wsow a wosobow.
Krótkopowěsće (10.07.24)
Maja nětko koordinatorku
Njebjelčicy. Simone Kurthowa je nowa projektowa koordinatorka Krabatoweho towarstwa. Załožba za serbski lud z financnej podpěru městno zmóžnja. Kurthowa chce nětko serbšćinu nawuknyć a wobdźěli so na lětušim mjezynarodnym ferialnym kursu serbskeje rěče. Hakle loni běše towarstwo koordinatora přistajiło, kotryž pak je swoje zastojnstwo lětsa zaso cofnył.
Katalog žadanjow nadźěłali
Drježdźany. Młodźinska organizacija Němskeho zwjazka dźěłarnistwow (DGG) sej ze stron politiki žada, zo měli zajimy młodostnych bóle wobkedźbować. Młodźi ludźo perspektiwu trjebaja, zo móhli dale w Swobodnym staće skutkować. Pod hesłom „Dźěłarnistwo to zamóže“ je organizacija katalog ze žadanjemi nastajiła, kotrež ma nowe knježerstwo wobjednawać.
Přewjele „multikulti“?
Dźěło w zahrodce a rostlinarni w juliju (9)
Z tutym rjadom přinoškow chcemy wam měsačnje poručeć, što móžeće w zahrodce abo w rostlinarni zdokonjeć. Přejemy wam wjeselo při dźěle a radosć při wobkedźbowanju toho, štož pod wašimaj rukomaj rosće.
Policija (09.07.24)
Wobchadna kontrola ze sćěwkami
Budyšin. Zastojnicy Budyskeje policije zadźeržachu pjatk dopołdnja awto typa Audi A 6 na Dróze Thomasa Manna, dokelž awtowej značce hižo płaćiwej njeběštej. W běhu kontrole zwěsćichu, zo šofer tež płaćiwu jězbnu dowolnosć nima. Z tym běše jězba za 21lětneho němskeho staćana zakónčena. Policisća wotewzachu jemu awtowe klučiki a wotšrubowachu njepłaćiwej awtowej znamjeni. Młody muž ma so nětko jězdźenja bjez jězbneje dowolnosće a bjeze zawěsćenja dla před sudnistwom zamołwić.
Wodźenja w čěšćinje
Wojerecy. Měšćanski muzej a hród Wojerecy poskića zajimcam štwórtk, 11. julija, w 11 a 13 hodź. wodźeni po wustajenišću w čěšćinje. Nimo regularneho zastupa sej přidatny popłatk nježadaja. Dźeń pozdźišo slědujetej w 11 a 13 hodź. – tohorunja w čěšćinje – wodźeni po bywšim lěhwje wójnskich jatych w Narću. Popłatk na wosobu wučinja 5 eurow resp. potuńšeny 3 eura. Přizjewjenja su pak telefonisce pod čo. 03571-20937504 pak z mejlku na móžne.
Wopominaja Kaeublera
Budyšin. Składnostnje 100. posmjertnin zasłužbneho něhdyšeho Budyskeho wyšeho měšćanosty dr. jur. Konrada Johannesa Kaeublera přeproša Muzej Budyšin štwórtk, 11. julija, na wopomnjenske zarjadowanje. W 19 hodź. přednošuje Eveline Günther wo „wusahowacym žiwjenskim skutku Kaeublera, kotremuž mamy so na přikład za twar Mosta měra a dźensnišeho krajnoradneho zarjada dźakować“. Nimo toho chce wobydlerska iniciatiwa Die Eumeniden wo žiwjenju Kaeublera informować. Zastup je darmotny.
Wobnowja wjesny puć we Łazu
Gmejna a Budyski wokrjes matej twarske dojednanje
Łaz (AK/SN). Wobnowjenje statneje dróhi S 108 a z tym tež wjesneho přejězda we Łazu ma spěšnje pokročować. Po prěnim twarskim wotrězku wot Penny-wikow hač do wjesneho wuchoda směr Běły Chołmc lětsa, ma so klětu na wuchod wsy, na směr Delni Wujězd dale twarić. Gmejnska rada je njedawno jednohłósnje twarskemu dojednanju mjez Łazom a Budyskim wokrjesnym zarjadom za dróhotwar a wobchad přihłosowała. „Wudate trěbne financne srědki za twarske zwoprawdźenje maja so při hospodarskim planowanju 2025 wobkedźbować“, wuswětli nawoda wěcneho wobłuka twarski a imobilijowy management Jens Kieschnick. Ponowjenje dróhi je zhromadna naprawa gmejny Łaz a Sakskeho krajneho zarjada za dróhotwar a wobchad. Planowane je mjez druhim tež ponowjenje chódnika, nadróžneho wobswětlenja, kanala za dešćikowu wodu, wodowoda a busowych zastanišćow. Tuchwilu twari so z wotbóčki Lěsna dróha hač k Łazowskej tankowni. Busowe zastanišća při S 108 so wottorhaja.
Hale wjacorym firmam z domicilom
We łužiskich wsach běchu stajnje hižo najwšelakoriše rjemjesła zakótwjene a su so zdźěla lětstotki zachowali. Dźensa je so wulki dźěl z tychle rjemjesłow bohužel pozhubił. W našej lětnjej seriji chcemy wobswětlić, hdźe běchu kotre rjemjesła doma a kotre wosebitosće su so při tym wobkedźbowali. (9)
Nowa Wjeska ze swojimi ani 180 wobydlerjemi słuša dźensa do Worklečanskeje gmejny. W lěće 2017, składnostnje 400. róčnicy prěnjeho naspomnjenja wsy, předstajichu Nowowješćenjo we wulkim swjedźenskim ćahu bywše a nětčiše rjemjesła, mjez druhim tež, kak je so wjes w NDRskim času ze srjedźišćom wulkoratarstwa mjez Njebjelčicami, Chrósćicami a Ralbicami stała. Tehdy su składy za zorno, wuběranišćo běrnow, sušernje tobaka a porjedźernje ratarskich mašinow nastali. Tak tomu dóńdźe, zo je so napohlad zapadneje wsy dospołnje změnił. Tam natwarichu Nowowješćan a Worklečan ratarjo 14 wulkich halow. Prěnju tajku su w lěće 1968 dotwarili. Poslednju hobersku halu su za tehdyšej Krawcec ležownosću w lěće1985 dotwarili.
