Ma sportowe město wostać
We Wojerecach wuwićowy plan za sportowe připrawy wobzamknyli
Wojerecy (AK/SN). Z mnohostronskim katalogom naprawow chce město Wojerecy swoje sportowe připrawy dołhodobnje zachować a modernizować. Na swojim zašłym posedźenju su měšćanscy radźićeljo změnjene wužiwanske a popłatkowe wustawki za sportowe připrawy kaž tež wuwićowy plan za nje wobzamknyli. „Plan je zaměrny koncept. W nim zapřijata je prognoza sportowych zarjadnišćow hač do 2040“, rozłoži Gisela Zumpe z Drježdźanskeho inženjerskeho běrowa, kotraž je koncept zdźěłała.
Štóž z wotewrjenymaj wočomaj po swojej domiznje jědźe, wuhlada ...
Krótkopowěsće (28.06.24)
Dar za inscenaciju
Čorny Chołmc. Załožba Łužiska jězorina podpěruje lětušu Krabat-Saga Kulturneho centruma Krabatowy młyn z pjenježnym darom. Suma 15 000 eurow je předewšěm za kostimy a awtentiske serbske drasty předwidźana. Aktualna inscenacija „Na spočatku je swětło“ twori sylny zwisk mjez k stawiznam a tradicijam regiona. Wšitkich 16 předstajenjow je wupředatych.
Wukubłanske městna swobodne
Budyšin. Ličensce je za wšěch, kotřiž chcedźa powołanje nawuknyć, we wuchodnej Sakskej městno swobodne. Aktualnje je 1 149 młodych ludźi při Budyskej wotnožce agentury za dźěło a jobcenteromaj Budyšin a Zhorjelc přizjewjenych, kotřiž wukubłanskeho městna dotal nimaja. Runočasnje je hišće 1 223 njewobsadźenych wukubłanskich městnow w regionje, agentura dźensa zdźěla.
Listowe wólby schwalili
Na bjesadźe w Njeswačidle
Přećeljo starych jězdźidłow na wjace hač 500 kilometrow dołhej turje byli
Rallye oldtimerow na sławnej dróze wuchoda, na B 96 ze Žitawy hač na kupu Rujany. Wot lěta 1989 ridruje jězba historiskich jězdźidłow prawidłownje po B 96. Před dźesać lětami su samo ekskurs do Basedowa jěli. Motorske, kotrež maja jenož 10 PS, mnohe jězdźidła z doby NDR, kotrež su tehdy byli mało předate, oldtimery ze něhdyšeje zapadneje Němskeje hač k nimale sto lětnemu Rolls-Roycej – na lětušej 7. dalokojězbje historiskich jězdźidłow po B 96 běše wot 19. do 23. junija tójšto widźeć.
Kćenje z pychi je symbol zboža
Kózłe. Dźeń do swjedźenja swjateho Jana, 23. junija, su k swjedźenjej Janskeho jěchanja w Kózłem (Casel) pola Drjowka, jónkrótneho nałožka w Delnjej Łužicy, tež namšu swjećili. Tudyša wosada a skupina Serbska namša wuhotowaštej ju zhromadnje z wosadnej fararku Astrid Schlüter, lektorom Hartmutom Leipnerom a lektorku Karinu Raddacowej. Psalm a próstwy čitachu dwurěčnje, ewangelij a tekst prědowanja kaž tež scena „Wujednanje“ běchu serbske. Tež někotre štučki kěrlušow spěwachu serbsce.
Policija (27.06.24)
Starožitnosće pokradnył
Wojerecy. Njeznaty muž bě wutoru nawječor we Wojerecach, Lubušu a Brětni po puću a prašeše so wobydlerjow za starožitnosćemi. Najprjedy da sej wón antikwity pokazać, na to pak z nimi so zhubi, wudawajo, zo chce do awta po kwitowanku hić. Tak pobrachuje nětko 77lětnemu mužej we Wojerecach drohi kapsny časnik a žonje w Lubušu pjeć złotych pjeršćenjow w hódnoće 1 800 eurow. W Brětni je sej skućićel wšelake debjenki pokazać dał, potom pak so zaso wotsalił.
Nětko dyrbja z rezerwy brać
Přidatne wudawki za nowotwar pěstowarnje so hižo njespěchuja
Róžant (JK/SN). Hač donětka su přidatne wudawki za nowu Ralbičansku pěstowarnju docpěli nahladnu sumu 1,1 miliona eurow. Kaž SN hižo rozprawjachu, je Sakska natwarna banki (SAB) přidatne wudawki z 90 procentami spěchowała. Tole pak nětko wuběži, dokelž Swobodny stat Sakska hižo dosć srědkow za spěchowanje nima. To wuskutkuje so tež na staw financow gmejny Ralbicy-Róžant.
Na minjenym posedźenju gmejnskeje rady wuradźowachu radźićeljo wo přidatnych 21 000 eurach za estrich. Firma je gmejnje ultimatum stajiła, zo hižo dale njedźěła, hdyž krótkodobnje přidatne srědki w mjenowanej wysokosći njedóstanje. To by měło fatalne sćěhi za dalši wotběh twara, dokelž njemóža potom durje zatwarić, elektriku dozhotowić a tepjenske a sanitarne dźěła dokónčić. Gmejna drje by pjenjezy měła, ale wašnje, kak stej wona a planowanski běrow z faktom přidatnych srědkow wobchadźałoj, radźićelow rozhori.
Bywše rěznistwo dźensa hladarnja
We łužiskich wsach běchu stajnje hižo najwšelakoriše rjemjesła zakótwjene a su so zdźěla lětstotki zachowali. Dźensa je so wulki dźěl z tychle rjemjesłow bohužel pozhubił. W našej lětnjej seriji chcemy wobswětlić, hdźe běchu kotre rjemjesła doma a kotre wosebitosće su so při tym wobkedźbowali. (6)
Denise Schreiber, Dennis Bilik, Simon Naumann a Greta Schmidt ...
Krótkopowěsće (27.06.24)
Pjenjezy za LAB schwalene
Budyšin. Dohromady 68,6 milionow eurow je etatny wuběrk zwjazkoweho sejma wčera za planowany slědźerski centrum za twarske maćizny LAB w Budyšinje schwalił. „To je dobra powěsć za wobydlerstwo w našim wokrjesu a za twarske hospodarstwo po wšěm swěće“, wuzběhnje Budyski krajny rada Udo Wićaz (CDU) w nowinskej zdźělence. LAB přeslědźuje móžnosće, kak hodźało so spěšnje, tunjo a naslědnje twarić.
Europa nadal přewjele pije
Genf. Po aktualnej studiji zwěsća Swětowa strowotniska organizacija WHO, zo hodźi so „Europa nadal jasnje po rozdźělnych wašnjach konsuma alkohola rozrjadować, korjenjace hłuboko w kulturje“. Tak pije so na wuchodźe najwjace palenca a na juhu skerje wino. Zasadnje měło so „njewotwisnje wot družiny mjenje pić, wšako zemrěje na 100 000 wobydlerjow na přikład w Němskej 25, w Pólskej 50 a w Ukrainje 125 ludźi wob lěto direktnje w zwisku z alkoholom“.
„Winnetou II“ z nowym rekordom
