Njejsy ženje hišće w prózdninach w LIPJE był? Nó, da je najwjetši čas. Wšako su so minjene lěta w Smjer­dźečanskim kubłanskim srjedźišću stajnje wo rjane dožiwjenja za čas šulskich prózdnin starali. Tež lětsa tomu zaso tak budźe. Zapisajće sej termin 23. do 27. awgusta, stajnje wot ranja w dźe­wjećich hač do popołdnja w třoch, a přizjewće so spěšnje. Zhromadnje ze Serbskim šulskim towarstwom (SŠT) su sej tam tójšto wumyslili, zo njeby so wam, lube dźěći, wostudźiło. Nimo sportowych a kreatiwnych zaběrow podaće so na pućowanje k Staremu hatej, do Łazkowskeho lěsa a do Róžanta. Jeli sće w starobje šěsć do dźesać lět, móžeće pódla być. W skupinkach po stajnje štyrjoch dźěćoch, změjeće krasne dny. Kóžda skupina změje swojeho zamołwiteho. Při rjanym wjedrje pojědźeće wšitcy zhromadnje do Kulowskeje lěsneje kupjele. Nětko dyrbiće jenož hišće z lutowar­nički wućahnyć 75 eurow abo so prašeć, hač nan abo mać, wowka abo dźěd wam pjenjezy dadźa. A hižo móžeće so pola abo pod přizjewić. Alfons Handrik

fota: Julian Šołta

W hnydom dwěmaj bydlenskimaj

kontejneromaj so Hórčanscy ­młodostni zetkawaja. Prjedy hač móžachu do njeju zaćahnyć, dyrbjachu tam chětro podźěłać.

Elija Žur je jako wuwučeny ­třěchikryjer swoje kmanosće

tež wokoło młodźinskeho kluba nałožował.

Kaž na nimale kóždej

serbskej wsy su tež w Hórkach młodostni jara angažowani

a wobydlerjam při serbskich ­nałožkach – kaž tule při meje-

stajenju – sobu pomhaja.

Nawodaj Hórčanskeho

młodźinskeho kluba Franc Matješk

a Julian Šołta (wotlěwa)

foto: Jakub langa

„Dele z konopeja“ rěkaše akcija

ministerstwa, z pomocu kotrejež su sej Hórčanscy młodostni dwaj bydlenskej kontejneraj kupili. Po tym so stajnje zaso gratu přimachu, zo bychu swój nowy

domicil sporjadkowali.

Serbske młodźinske kluby 6. dźěl

Jakub Langa je w zašłych wudaćach hižo někotre serbske młodźinske kluby předstajił.

Tónkróć ­poby w Hórkach, zo by so z nawodomaj kluba ­Julianom Šołtu ­a Francom Matješkom rozmołwjał.

Witajtaj! Kelko čłonow tučasnje maće?

J. Šołta: Nas je tuchwilu 24 – mjez nimi wosom ­holcow.

Katedrala St. Leodegar w LuzernjeMólby na swislach drjewjaneho móstaWopomnišćo law w LuzernjeKóžda kruwa je ze zwónčkom po puću.Kapałkowy móst w Luzernje
Fota: annamaria hadankecWo dyrdomdejach w času pandemije (1.dźěl)

W běhu swojeho praktiskeho lěta – we wobłuku studija skótneje mediciny – mějach jako winowatostny praktikum wulkotnu móžnosć w Šwicarskej, tróšku dowola a wotpočinka na swobodnych dnjach nazhonić.

Krótko po jutrach podach so z kófrom a wačokom z ćahom na puć do Hochdorfa pola Luzerna w srjedźnej Šwicarskej.

Dobra nalada w Röhrscheidtowej bašće: Akterojo su wo swojim projekće wočiwidnje přeswědčeni.

Foće: SN/

Hanka Šěnec

Syman Hejduška a Jan Brězan (Trio a kumple), režiser István Kobjela a libretist Měrćin Wjenk (wotlěwa)

Přećiwki so přićahuja, kaž znate přisłowo zwěsća. Na tamnym boku wšak tež rěka, zo so přećiwki rady mjez sobu wotstorkuja. Zajimawa to za­kładna konstelacija, tworjaca wuchadźišćo libreta Měrćina Wjenka za pop-operu „Carpe noctem – Njeskónčna nóc“. Wjele wjace nochcyše awtor wo wobsahu přeradźić.

Zhromadnje z wuměłskim nawodu projekta serbskeho hudźbneho kolektiwa Trio a kumple a towarstwa Pawk Janom Brězanom, cyłkownu koordinaciju zamołwjacym Symanom Hejdušku a Istvánom Kobjelu, kiž ma jako režiser nadawk, jednotliwe sceny nazwučować a do cyłka zwjesć, předstaji wón we wobłuku nowinarskeje konferency w Budyskej Röhrscheidtowej bašće event, kotryž změje 10. septembra w Chróšćanskej wjacezaměrowej hali „Jednota“ premjeru.