fota: lea kralec (6), darius budar (3)Potencial serbskich hudźbnikow Serbske spěwarki a serbscy spěwarjo kaž tež hudźbne skupiny maja wulki potencial. Dyrbjeli jim přichodnje jenož wjac móžnosćow dać, swoje ideje zjawnje před­stajić. Jedna tajka składnosć běše pop-opera „Carpe noctem″ loni w septembru. Jako běch skutkowacych na jewišću widźał, z cyłej zahoritosću za hudźbu kaž tež z wulkej profesionalitu, móhł sej jich jara derje na wulkej show předstajić, snadź na ESC abo Voice of Germany. Serbsku hudźbu wjetšemu publikumej před­stajić je wažne. Kak to dźe, je skupina Astronawt hižo we wusyłanju „Das große Deutschlandquiz″ w ZDF-telewiziji pokazała. Wozjewjeć serbske spěwy na platformach kaž Youtube, Spotify abo na internetnej stronje sćelaka MDR su dalše wažne kroki.

Dźěćiznak je so nad prěnim sněhom w decembrje runje tak wjeselił, kaž dźěći w Serbskich Pazlicach. Tam je so Dorothea samo do sněha lehnyła a sněhoweho jandźela sformowała. Zhromadnje ze Sorayju a Jeremiasom Hermanec z Chrósćic je Serbskopazličanka hišće małeho sněhoweho muža nakulała. A zyma dawno hišće nimo njeje! Přichodne tydźenje, toho so znaj­mjeń­ša nadźijamy, změjemy zaso přiležnosć so w sněze zabawjeć! Foće: Claudia Liznarjowa

Wzmiće sej tola pisane pisaki, wumo­lujće wobraz a přidajće pyšene budki hodownych wikow, kaž je nam Fiodor wopisuje!

Fiodor Nowak je Dźěćiznakej rozpowě­danje wo hodownych wikach zapodał. Loni wšak dyrbjachu wone kaž hižo lěto do toho wupadnyć. Přiwšěm wě so Smječkečan hišće derje na nje dopomnić a je wam stawizničku napisał. Wjele wje­sela při čitanju přeje wam Dźěćiznak!

Popřejće sej wšědnje swojeho

Bismarcka. To słodźi

a je hišće strowe!