Digitalna single online
Chrósćicy. Skupina Holaski je nětko tež na diwersnych hudźbnych portalach prezentna. Kapała spřistupnja swoju lětsa wušłu single „Wódny muž“ mjez druhim na Spotify, Deezer a Amazon music. Lěpšina tajkich platformow porno předewšěm cyłkowne tworjenje jednotliwych wuměłcow wobkedźbowacymi internetnymi stronami je, zo hodźi so hudźba podobnje kaž w radiju naposkać a zo je poskitk – akceptuje-li připosłuchar wabjenje – darmotny. Na mjenowanych portalach nańdu zajimcy nimo toho tójšto dalšich serbskich interpretow, kaž na přikład projekt Matotam kaž tež skupinje Berlinska dróha a Serbska reja.
Kandidatow namjetować
njedźelu hornjoserbsce
11:00 Łužica tutón tydźeń
11:20 Serbšćinu njezabyli
11:45 Historiske kamuški biskopstwa
12:00 Nabožne wusyłanje
(Gerat Wornar)
po tym zbožopřeća
delnjoserbsce
12:30 Aktualny magacin, mjez druhim z přinoškomaj wo serbskej abiturje 2021 a wo žarowanskej hudźbje na pohrjebach
13:00 Tematiske wusyłanje: Zorja – delnjoserbski rěčny projekt za dorosćenych
13:40 Nabožne wusyłanje
(Bernd Pittkunings)
po tym zbožopřeća
Ćežišćo přichodneho telewizijneho magacina „Łužyca“ je reportaža wo wozrodźenju serbskich pomjenowanjow w Strjažowje. Christian Matthée je sej tamniše statoki wobhladał a so jich wobydlerjow woprašał, hač a čehodla su so z akciju – snano – na přikładźe Dešnjanskich susodow orientowali.
Nimo toho rozhladowachu so telewiznicy w Choćebuskej Witaj-pěstowarni „Villa Kunterbunt“ a jutře rozprawjeja, kak w dźěćacym dnjowym přebywanišću tuchwilne wužadanja zmištruja.
Slědowacy přinošk pedagogisku temu tohorunja wobswětla. W srjedźišću steji prašenje, kak móhł kraj Braniborska serbskorěčne wukubłanje podpěrować.
Wědomosć a historiske hospodarstwo so w přichodnym wudaću „Łužycy“ hnydom dwójce jewitej. We wobłuku „Namakanki“ zarjaduja a posudźuja fachowcy stare pjenjezy, kotrež buchu z archeologiskimi slědźenjemi wědomostnikow kaž tež lajkow w regionje wotkryte. K tomu hodźi so rozprawa wo nowych dopóznaćach nastupajo „wikowanske drohi starych Słowjanow“.
Baletny wječor jako livestream
Budyšin. „Hdyž z pomocu pohiba komunikujemy, potom stej rum a bliskosć jara wažnej. Žiwjenske rumy so měnjeja, zwučeny swět so nadobo hinak wokoło wjerći. Mjenje zamołwitosćow, mjenje terminow, mjenje stresa, mjenje socialnych kontaktow; wjac časa, wjac měra – je to woprawdźe lěpše žiwjenje? Tele změny tworja městno za nowostki. Rejwarki a rejwarjo pod nawodom baletneje mišterki Serbskeho ludoweho ansambla Mije Facchinelli pokazuja změny na jewišću“, w zdźělence SLA rěka.
Baletny wječor „W stwičce“ wěnuje so wuwědomjenju zranitosće čłowjeka a njesměrnej mocy rejowanja. Dalše ćežišća su na přikład moralka, rozum kaž tež začuće, zo smy čas zhubili.
Pjatk 9.4. 19:30 Baletny program Serbskeho ludoweho ansambla „W stwičce“ w livestreamje
Njedźelu 11.4. 16:00 Serbska Boža mša z fararjom Gabrišom Nawku w Drježdźanskej cyrkwi swj. Antonija na Bünauskej dróze 10
Srjedu 14.4. 18:00 Diskusija Konrada Adenaueroweje załožby „Jedyn lud, jedyn hłós!? Politiska participacija Serbow w Sakskej“, mjez druhim z bywšej zapósłanču zwjazkoweho sejma Marju Michałkowej a Slepjanskim wjesnjanostu Jörgom Fundu
19:00 Bjesada na Rakečanskej farje
Pjatk 16.4. 19:30 Hudźbny kabaret z Michaelom Renzom a Edgarom Mayom w Slepjanskim Serbskim kulturnym centrumje
Sobotu 17.4. 10:00 Wuradźowanje Serbskeho sejma
Njedźelu 18.4. Zahajenje „zeleneje sezony“ Kulowskeho jěchanskeho towarstwa na tamnišim jěchanišću
Wutoru 20.4. 10:00 Wotewrjenje Budyskeho Serbskeho muzeja z wustajeńcu „Swoboda kiwa! Serbja a mjeńšinowe prašenje po 1918“
Srjedu 21.4. 17:00 Spominanje na Michała Rostoka w Husce
18:00 Diskusija Załožby Konrada Adenauera „Młodźi a dynamiscy – Perspektiwy do přichoda za Serbow“, mjez druhim z předsydu Domowiny Dawidom Statnikom kaž tež z Helenu Hejduškec a Jakubom Wowčerjom z młodźinskeho towarstwa Pawk
njedźelu hornjoserbsce
11:00 Łužica tutón tydźeń
11:20 Hebrejšćina a serbšćina
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim z přinoškom wo ročku, ptaku lěta 2021, a z pokročowanjom rjadu „Kukowske kokule – Report z Hornjeje Łužicy“ wo lětušich křižerjach
13:00 Hudźba po přećach připosłucharstwa
13:40 Nabožne wusyłanje
(Christiana Piniekowa)
po tym zbožopřeća
Wodorunje: 3 čas do jutrow, 5 pomocnik při wuwalenjach, 6 hojenska a słodowa rostlina, 7 Staub serbsce, 10 Jank a ..., 13 jězdźidło, 14 starobny pjenjez, 15 Gehirn serbsce
Padorunje: 1 warjaca so woda, 2 zdźělenka, 3 čěska stolica, 4 krótki spar, 8 wjes pola Běłeje Wody, 9 nic strowy, 11 roman Zole, 12 jězor w Aziji