Budyšin. Domowina namołwja serbske institucije, towarstwa a zwjazki dale namjety za 2022 wuwołane „Lěto Zejlerja a Kocora“ zapodać, kak móhli je hódnje wo­swjećić. Wjacore mysle a namjety hižo předleža, mjez druhim wuhotować po historiskim přikładźe prěnich spěwanskich swjedźenjow zhromadny koncert ze wšěmi chórami Łužicy. Za dwě lěće spominamy na 150. po­smjertniny Handrija Zejlerja a 200. narodniny Korle Awgusta Kocora. Serbskaj wótčincaj staj serbske chórowe žiwjenje a dalewuwiće toho bytostnje sobu postajałoj.

Wšitcy tuchwilu začuwamy, zo je nam něchtó přestawku nanuzował. Bydlenja, kotrež su poprawom naš schow, stawaja so z dźěłowym městnom. Město koncertow, hosćencow a dowola mamy so z partnerom abo swójbnymi na swój dom abo bydlenje wobmjezować.

Zo čas doma derje přetrajemy, móžemy so tež po aziskej wučbje fēngshuĭ měć. Před wjac hač 2 500 lětami hižo bu w Chinje harmonija mjez čłowjekom a wokolinu spěchowana. Kaž z naprašowanjow wuchadźa, zaběra so w tuchwilnej koronakrizy dźeń a wjac ludźi ze starodawnej wučbu wo harmoniji. To wšak njezadźiwa, přetož fēngshuĭ spožča žiwjensku energiju, kotraž naše wosobinske derjeměće spěchuje. A woboje drje nětko wosebje trjebamy. Někotre pokiwy móhli sej tuž k wutrobje wzać.

1Wěko nuznika ma po wužiwanju začinjene być. Tak mjenowany „chi“ so hewak do wody a dale do kanalizacije dóstanje a ći žiwjensku energiju rubi. Ze zelenymi rostlinami w kupjeli móžemy sej energijowy stopjeń powyšić.

Wodorunje: 3 postrow namórnikow (tež Čechow), 5 rozbudźer chorosće, 6 womöglich serbsce, 7 arabski emirat, 10 nječestny čłowjek, 13 minjene lěto, 14 nic strowi, 15 wowka bajki ...

Padorunje: 1 přiwuzny, 2 stare železo, 3 europski satelit, 4 japanske město, 8 słód, 9 kniha „... im Wunderland“, 11 delnjoserbska mystiska postawa, 12 pomocny srědk za pačenje

Dźeń lěsa njewotměja

Budyšin. Za jutře, sobotu, 18. apryla, planowany dźeń Budyskeho měšćanskeho lěsa je wotprajeny. Přičina su wobmjezowanja koronapandemije dla. Hač dźeń lětsa scyła přewjedu, njeje koronawirusa dla tuchwilu hišće jasne.

Wjesne rady chcedźa rěčeć

Budyšin. Zhromadne wuradźowanje wjesnych radow Sćijec, Słoneje Boršće a Małeho Wjelkowa planuja zamołwići za přichodnu wutoru, 21. apryla, w Budyšinje. Wot 16 hodź. chcedźa wjesni radźićeljo w Budyskej radnej žurli rěčeć.

Zahrodnistwa přeprošeja

Koćina. Zo by w lěću na zahrodźe wšitko rjenje kćěło, su dobre přihoty trěbne. Po radu a pomoc móžeće sej za to na dnju wotewrjeneho zahrodnistwa zahrodnikej wašeje dowěry dóńć: A to kaž dotal planowane wot 24. do 26. apryla. Mjez druhim chce wam tež Čórlichec zahrodnistwo w Koćinje najnowše poskitki pokazać. Stajnje wot 10 hodź. chcedźa was poradźować. Nimo słódnych zelow a krasnych kwětkow móžeće tam Čórlichec swójsku na róženjach praženu zelowu kołbasku woptać.