Do kina (14.04.16)

štwórtk, 14. apryla 2016 spisane wot:

14.4.– 20.4.2016 Budyski filmowy palast: The Jungle Book w 3 D: wšědnje 15:00 (nimo štw, pó a srj), 17:30 a 20:00 | pj a so 22:30 The Boss: srj 20:00 The Huntsman and the Ice Queen w 3 D: wšědnje 19:45 | pj a so 22:15 How to be Single: wšědnje 17:15 a 19:45 | pj a so 22:15 Eddie the Eagle: wšědnje 15:00 (nimo štw, pó a srj) Batman v. Superman: wšědnje 16:30 (nimo pó) | pj 21:45 Zoomania: wšědnje 17:15 | nj 12:30 Zoomania w 3 D: wšědnje 14:45 (nimo štw, pó a srj) Kung Fu Panda 3: wšědnje 14:30 (nimo štw, pó a srj) | nj 12:30 Kung Fu Panda 3 w 3 D: nj 12:45 Der geilste Tag: wšědnje 19:30 (nimo pó a srj) | so 20:00 Bibi & Tina – Mädchen gegen Jungs: nj 12:30

Kino-ekstra: The Big Short: pó 17:15 a 20:15

Wojerowski CineMotion:

The Jungle Book w 3 D: wšědnje 15:20, 17:40 a 20:00 | pj a so 22:25 The Jungle Book: wšědnje 15:15 | so a nj 13:05 How to be Single: wšědnje 17:30 a 19:50 | pj a so 22:15 Batman v. Superman: wšědnje 19:30 (nimo so a srj) The Huntsman and the Ice Queen w 3 D: wšědnje 20:05 The Huntsman and the Ice Queen: wšědnje 17:35 | so 22:35 Der geilste Tag: wšědnje 17:00 (nimo so a srj) The Boy: pj 22:30 Kung Fu Panda 3 w 3 D: so a nj 13:10 Kung Fu Panda 3: wšědnje 14:55 Zoomania w 3 D: wšědnje 15:10 Zoomania: so a nj 13:05 Das Tagebuch der Anne Frank: so 12:25 Dirty Grandpa: so 22:30 Bibi & Tina – Mädchen gegen Jungs: nj 12:40 10 Cloverfield Lane: pj 22:35 The Boss: srj 20:00 Freunde fürs Leben: srj 17:15

Dźěłarnička za lětaki

srjeda, 13. apryla 2016 spisane wot:
Smječkecy. Domowina přeproša na dźěłarničku „#lětaki a #nalěpki quick and crazy“, kotraž wotměje so 15. a 22. apryla wot 17 do 21 hodź. w Smječkečanskim młodźinskim klubje. Pod nawodom Michała Cyža móža młodostni a dalši zajimcy z programom Photoshop lětak sami­ zestajeć a know how na tutym polu powjetšić abo skrućić. Ličaki steja k dispoziciji. Přizjewjenje za krótko rozsudźenych je hač do pjatka hišće móžne pola kubłanskeje referentki Rejzki Wałdźic pod: .

Pokiwy (13.04.16)

srjeda, 13. apryla 2016 spisane wot:

Wandrowski přednošuje

Budyšin. Wo swojich lětach wandrowstwa přednošuje Chróšćan Franc Čornak štwórtk, 14. apryla, we 18 hodź. na žurli Budyskeho Serbskeho domu. Z wobrazowym přednoškom předstaji wón swoje třilětne pućowanje po štyrnaće krajach a swoje dožiwjenja w nich. Wšitcy zajimcy su wutrobnje přeprošeni.

Koncertuja do nalěća

Rěčicy. Z pisanym wěncom nalětnich melodijow wita Běłowodźanski měšćanski chór njedźelu, 17. apryla, wopytowarjow Rěčičanskeho Erlichtec dwora. Tójšto popularnych pěsnjow přeprošuje k sobuspěwanju. Šulerjo Běłowodźanskeje hudźbneje šule chór hudźbnje podpěruja. Někotři čłonojo chóra tohorunja solistisce wustupja.

Rěčne hodźiny

Kamjenc. Zapósłanča Sakskeho krajneho sejma Marion Junge (Lěwica) změje póndźelu, 18. apryla, wot 16 do 18 hodź. dalše rěčne hodźiny w Kamjenskim wobydlerskim­ běrowje swojeje strony na Zelenej hasy 1. Termin dojednać móža sej zajimcy pod telefonowym čisłom 03578/ 787 339.

Nowy poskitk šulerjam

wutora, 12. apryla 2016 spisane wot:
Miłoćicy. Křesćansko-socialny kubłanski skutk přewjedźe přichodne měsacy zaso projektowe dny za šulerjow w zežiwjenskim a zelowym centrumje klóštra Marijineje hwězdy. Nimo wupruwowanych temow kaž „Wot zorna ke chlěbej“ su nowe, wučbnym planam šulow wotpowědowace poskitki do programa přiwzali. Tak su za wyše šule a gymnazije temu „Jědź za přichod – wuwaženosć na talerju“ koncipowali. Šulerjo zhonja, kak so wuběr žiwidłow na wobswět, strowotu a towaršnosć wuskutkuje. Projekty přewjedu w klóštrje Marijinej hwězdźe runje tak kaž na Wojerowskej Dźěćacej a młodźinskej farmje. Dalše informacije pod www.ekz-marienstern.de.

Pokiwy (12.04.16)

wutora, 12. apryla 2016 spisane wot:

Z basnjemi a smorženkami

Budyšin. Nowa kniha Kita Lorenca „Zymny kut – Basnje a smorženki“ změje štwórtk, 14. apryla, w 19.30 hodź. premjeru w Budyskej Smolerjec kniharni. W swojej zběrce Lorenc trochu wróćo hlada, wěnuje pak so tež na zabawne wašnje dźensnišemu časej, rěka w přeprošenju na tele zarjadowanje. Na premjeru z awtorom su lubowarjo serbskeje literatury wutrobnje witani.

Wotewru wustajeńcu

Slepo. „Swětło a sćin – łužiski dźenik“ rěka wustajeńca Ralfa Buttkera, kotruž wotewru jutře, srjedu, we 18 hodź. w Slepjanskim Serbskim kulturnym centrumuje. W přehladce prezentuje Choćebužan mólby, grafiki a fotografije, w kotrychž zaběra so předewšěm z Pücklerowymaj parkomaj w Mužakowje a Rogeń­- cu. K wotewrjenju porěči wuměłc sam, wo hudźbne wobrubjenje postara so Mužakowski měšany ludowy chór. Zastup płaći za dorosćenych euro.

Socialne poradźowanje

Pokiwy (11.04.16)

póndźela, 11. apryla 2016 spisane wot:

Přednošuje wo probstomaj

Budyšin. Na přednošk do zarjadowanskeje rumnosće na Hrodowej 12 přeprošuje Budyski archiwowy zwjazk jutře, wutoru, w 19 hodź. Dr. Jens Buliš porěči na temu „Heinrich von Watzdorf a Heinrich von Brühl jako Mišnjanskaj tachantskaj knjezaj a Budyskaj probstaj“. Zastup je darmotny.

Znamjo tolerancy

Wojerecy. Pod hesłom „Wodnjo a w nocy za tolerancu“ chcedźa srjedu, 13. apryla, we Wojerecach znamjo k tolerancy a přećiwo njepřećelskosći napřećo cuzym dać. K tomu wotměje so na wšelakich městnach dohromady dwanaće zarjadowanjow. Tak dožiwja dźěći rozdźělnych kulturow wšědny dźeń w Ćiskow- skej pěstowarni, w Domje Martina Luthera Kinga budźe wot 19 hodź. syriski wječor a na Dźěćacej a młodźinskej farmje chcedźa zhromadnje rejwać.

Kedźbu, Serbja w stolicy!

Berlin. Přichodne zeńdźenje za serbskim blidom w Berlinje wotměje so štwórtk, 14. apryla. Serbja ze stolicy a wokoliny zetkaja so w 16 hodź. w hosćencu „Einstein Kaffee“ na Friedrichowej 206. Štóž ma lóšt so na zetkanjach k hajenju maćeršćiny wobdźěleć, je lubje witany.

Pokiwy (08.04.16)

pjatk, 08. apryla 2016 spisane wot:

Nalětni program brigady

Budyšin. Chór, rejwanska skupina a instrumentalisća 1. serbskeje kulturneje brigady přeprošeja na nalětni program. Tón budźe jutře, 9. apryla, w 17 hodź. na žurli Budyskeje­ piwarnje, a njedźelu, 10. apryla, w 16.30 hodź. w Ćišćanskim hosćencu „K Zelenemu wěncej“. Na wopytowarjow čaka pisany program tradicionalnych a načasnych pěsnjow, mjez druhim Kocorowy „Wěnc hórskich spěwow“, rejwanske sceny a instrumentalne přinoški, tež na serbskich husličkach. Nawod ma Friedemann Böhme.

Koncertuja trójce

Wojerecy. „Žadosć za dalinu IV“ rěka hesło komorneho koncerta njedźelu, 10. apryla, w 16 hodź. na Wojerowskim hrodźe. Tam zaklinča twórby Jura Mětška, Jana Cyža, Detlefa Kobjele a dalšich komponistow. Samsny koncert dožiwja zajimcy 22. apryla w 19.30 hodź. w Lipšćanskej měšćanskej bibliotece a 23. apryla w 19 hodź. w Budyskim Serbskim ludowym ansamblu. Zarjadowanja podpěrujetej kulturny rum Hornja Łužica-Delnja Šleska a Załožba za serbski lud.

Požohnuja motorske a jězdźerjow

Olsenowa cwólba ma w Budyšinje swěrny kruh přiwisnikow. Zajim za lětušu inscenaciju lětnjeho dźiwadła NSLDź je tak wulki, zo su hižo prěni dźeń předpředanje minjenu sobotu 6 400 tiketow wotbyli – telko kaž hišće ženje do toho. Wot 9. junija do 17. julija witaja Kjeld (Rainer Gruß), Benny (István Kobjela) a Egon Olsen (Olaf Hais, wotl.) publikum na Hrodźe. Foto: Carmen Schumann

Dobyćerjo jutrowneje křižowki SN

pjatk, 08. apryla 2016 spisane wot:
Wjace hač 50 čitarjow je našu křižowku ze 24. měrca wuhódało a nam prawu wotmołwu „Hladamy na procesiony“ připósłało. Ćežki bě nadawk redakciskeje fortuny, mjena dobyćerjow zwěsćić. Lisćikaj za koncert „Rocklegenden“ ze skupinami Puhdys, City a Karat swjatki, 15. meje, dóstanje Hańžka Deleńkowa z Njebjelčic. Na wopyt Krabatowych swjedźenskich hrow w Čornym Chołmcu 22. junija wjeselić smě so Joachim Šefer z Wulkeje Dubrawy, kotremuž připósćelemy zastupnej lisćikaj. A skónčnje přewostajimy Janej Čórlichej w delnich Sulšecach swójbny zastupny lisćik do Małowjelkowskeho prazwěrjenca.

Protyka (08.04.16)

pjatk, 08. apryla 2016 spisane wot:

Pjatk 8.4. 20:00 Openstage-jamsession – Zhromadne hudźenje w Budyskim Kamjentnym domje

Sobotu 9.4. 9:00 Dźeń wotewrjenych duri w Budyskim jastwje

  9:00 Kónčne wurisanje čitanskeho wubědźowanja Rěčneho centruma WITAJ w Budyskej Smolerjec kniharni

  17:00 Nalětni program 1. serbskeje kulturneje brigady na žurli Budyskeje piwarnje

  19:00 Koncert „Wobkuzłaca klasika“ z orchestrom SLA a ze solistomaj w Hornjej Hórce

  19:30 Komorny koncert z ansamblom Bento w Budyskim Serbskim muzeju

Njedźelu 10.4. 9:00 Firmowanje w Kulowje

  14:00 Popołdnjo bikerow z nyšporom w Ralbicach

  15:00 Zjawne wodźenje po wosebitej wustajeńcy „Pruhi, kruhi, třiróžki“ w Budyskim Serbskim muzeju

  16:00 Předstajenje dźiwadłoweje hry Kulowskeho Bratrowstwa „Hdyž kokula woła“ w Radworskej „Meji“

  16:00 Koncert „Fernweh IV“ na Wojerowskim hrodźe

  16:30 Nalětni program 1. serbskeje kulturneje brigady w Ćišćanskim hosćencu „K Zelenemu wěncej“

  17:00 „Wobrazy nalěća“ – swjedźeń wuměłstwow w Budyskim Dźiwadle na hrodźe

Wutoru 12.4. 19:00 Posedźenje Njeswačanskeje gmejnskeje rady

Srjedu 13.4. 18:00 Wotewrjenje wustajeńcy wobrazow Ralfa Buttkera w Slepjanskim kulturnym centrumje

nawěšk

SERBSKE NOWINY podpěruja:

Novi Sad – kulturna stolica Europy

nowostki LND