Policija (04.04.17)
Awto motorskemu předjězbu wzało
Běła Woda. Jedne z prěnich lětušich njezbožow, na kotrymž bě wodźerka motorskeho wobdźělena, sta so zawčerawšim pola Běłeje Wody. Na zwjazkowej dróze B 156 bě 22lětna wodźerka Suzukija z runje tak starej sobujěducej po puću, jako wodźer awta jeju předjězbu njewobkedźbowaše a do njeju zrazy. Wobě žonje so ćežko zraništej.
Na aleji štomy lěta sadźeć
Za turistiski projekt trjebaja hišće někotre dowolnosće
Wulka Dubrawa (CS/SN). Hans Georg Graf dyrbi hišće kusk sćerpny być, doniž so jeho wizija njezwoprawdźi. Ale znajmjeńša je angažowany wobydler Lichanja na zašłym posedźenju Wulkodubrawskeje gmejnskeje rady wot wjesnjanosty Lutza Mörby (njestronjan) zhonił, zo móhło 2018/2019 tak daloko być. Předewzaće je do hospodarskeho plana zapisane.
Motorscy sej zhromadnje wulećeli
Z Božim domom wusko zwjazani
Čorny Chołmc (AK/SN). Młodźi a starši wobydlerjo pomhachu minjenu sobotu při nalětnim rjedźenju w Čornochołmčanskej cyrkwi a wokoło njeje. „Wjeselu so a sym dźakowna, zo je telko ludźi přišło. Tak so za cyrkej kóždy sobu zamołwity čuje“, podšmórny sobuorganizatorka Silvia Stephanowa.
Mjez druhim mějachu so durje a wokna wurjedźić. Na lampach, na křćenskim jandźelu a na wołtarju trějachu proch, druzy rjedźachu špundowanje a dalši łubje (Empore). Marie-Sophie Stephanec čisćeše tasty a pedale pišćelow. 18lětna wuknje pola kantora Wojerowskeje Janskeje cyrkwje Johannesa Leue na instrumenće hrać. W Čornochołmčanskej cyrkwi je wona hižo časćišo Bože słužby na pišćelach přewodźała. Sobotu je tohorunja wonka wokoło cyrkwje sobu pomhała. Tam Manfred Jurjanc z wosadneje cyrkwinskeje rady lisćo hrabaše. Tamni mužojo nastajichu ławki, rumowachu wotpadki a rjedźachu pućiki wokoło rowow. „Tule akciju kóžde lěto krótko do jutrow přewjedujemy“, praji Jurjanc. Při tym so tež tym róžkam w Božim domje wěnuja, kotrež hewak njewobkedźbuješ.
Twarski nawoda Walter Morlock pokazuje dźěćom horta Budyskeje ...
Wjele so změniło
Praktiske wukubłanje zahajili
Nadawk k jednanju předleži
Wokrjes Budyšin přewozmje nošerstwo Malešanskeje wyšeje šule. To je wokrjesny sejmik wčera wobzamknył. Do wobzamknjenja přiwzate bu wudospołnjenje nastupajo perspektiwisku wučbu serbšćiny po koncepće 2plus.
Budyšin (SN/at). Wokrjesni radźićeljo su wčera znowa dopokazali, zo su serbskim naležnosćam napřećo wotewrjeni. Połnje přihłosowachu wot zarjadnistwa skonkretizowanemu mjezyfrakciskemu namjetej, kotryž běchu iniciator Dawid Statnik (SSWZ/Swobodni wolerjo), Hajko Kozel (Lěwica), Tomaš Čornak (CDU) a Roland Fleischer (SPD) zapodali.
Krótkopowěsće (04.04.17)
Prěnje dwurěčne taflički
Kalawa. Městačko na južnej kromje Błótow je prěnje pjeć dwurěčnje popisanych tafličkow připrawić dało. Tak zwoprawdźa Kalawa swoje prěnje připowědźene naprawy, po tym zo bě so loni k serbskemu sydlenskemu rumej wuznała, rozprawja delnjoserbski rozhłós. Wudawki za taflički, kotrymž maja dalše slědować, přewza kraj Braniborska.
Hóstna hra z Heidelberga
Budyšin. Prěni raz dožiwi Budyski publikum wčera dźiwadło Junges Theater Heidelberg, a to z inscenaciju „Blutrote Schuhe“ Charlesa Wayja w Dźiwadle na hrodźe. Předstajenje bě dźěl wuměnoweho projekta z partnerskim městom Budyšina. Serbske dźěćace dźiwadło wopyta wot 10. do 13. apryla Heidelberg, Budyski kruch „Terror“ předstaja tam nazymu.
Wo pomoc ze stron Čěskeje šło
Policija (03.04.17)
Trik bohužel fungował
Budyšin. Z wnučkowym trikom su njeznaći minjeny pjatk 79lětnej žonje w Budyšinje pjećcyfrowu sumu pjenjez wulišćili. Młoda žona pola njeje připołdnju zazwoni a wuda so jako wnučka, kotraž pjenjezy trjeba, dokelž chce sej awto kupić. Pozdźišo zazwonichu dalši njeznaći, kotřiž jako pozdatni prawiznicy a kriminalisća „basničku wnučki“ wobkrućichu. Skónčnje rentnarka wjacore tysac eurow njeznatemu mužej přepoda. Woprawdźita wnučka je pad nazajtra policiji přizjewiła.
