Tójšto idejow zwoprawdźił
Dohromady dźesać zasłužbnych Serbow je Domowina lětsa z Čestnym znamješkom mytowała. Tule chcemy Wam kóždeho z nich bliže předstajić.
Peter Löffler narodźi so w Choćebuskim wjesnym dźělu Zaspy. Zahe zezna serbske nałožki a tradicije kaž póstnicy, łapanje kokota, jutrowny woheń a mnoho dalšich. Jako młodźenc dožiwi młodźinske dźěło Domowiny a so rady na zarjadowanjach wobdźěleše.
Witaja 80 hosći na prěnje přijeće
Budyšin (SN). Prezidij Domowiny wuradźowaše wčera wo prěnim přijeću třěšneho zwjazka, kotrež so štwórtk, 21. nowembra, w Lubinje wotměje. Wočakuja wjace hač 80 hosći z politiki a towaršnosće cyłeje Łužicy. Zdobom su přichodne posedźenje zwjazkoweho předsydstwa přihotowali, kotrež budźe 29. nowembra w Kulowskim Jakubec wustawje. W zdźělence informowaše prezidij, zo so Lena Hauptmannojc w mjenje Serbow na spěwnym wubědźowanju mjeńšin „LIET International“ wot 21. do 23. nowembra na Korsice wobdźěli. LIET International je mjezynarodne wubědźowanje za modernu hudźbu regionalnych a mjeńšinowych rěčow. Zaměr LIET je, rěčnu a kulturnu mnohotnosć Europy spěchować a rěče podpěrować, kotrež nazhonja husto přemało medialneje kedźbnosće.
Dale je prezidij na namjet župy Delnja Łužica Marcusa Końcarja jako zastupjerja Serbow do rozhłosoweje rady rbb za čas wot 2025 do 2029 delegował. Rozhłosowa rada dohladuje zastupujo wobydlerjow krajow Braniborskeje a Berlina, kak rbb towaršnostny nadawk w swojich programach spjelnja.
Bytostne změny wustawkow
Budyšin (SN/bn). Wustawkam Domowiny „znajmjeńša lětnje jónu zwołać a nawjedować wuradźowanje z předsydami přisłušnych towarstwow a župow“ wotpowědujcy je předsyda třěšneho zwjazka Dawd Statnik wčera na posedźenje w Budyskim Serbskim domje přeprosył. Najwobšěrniši dypk dnjoweho porjada wěnowaše so přihotej 23. hłowneje a wólbneje zhromadźizny, kotraž ma so spočatk klětušeho apryla a Budyšinje wotměć. Na njej chcedźa mjez druhim nowy program Domowiny schwalić, w tym zwisku třeći naćisk bu po słowach Statnika online wozjewjeny a twori wuchadźišćo „za dalše diskusije“. Nastupajo „ trěbne změny wustawkow“ předsyda připowědźi, zapisać tak mjenowanu klawsulu ekstremizma, kotraž ma přistupej přiwisnikam „politisce ekstremneho wusměrjenja“ do gremijam/organam Domowiny zadźěwać. Nimo toho ma so zakótwić, zo njesmědźa přistajeni Domowiny runočasnje w předsydstwje zwjazka skutkować. „Najbytostniša změna“ pak potrjechi nowy wólbny porjad. Přichodnje maja so kandidaća za předsydstwo „zasadnje po wjetšinowym principje wolić“.
Hižo dołho z radosću rejuje
Dohromady dźesać zasłužbnych Serbow je Domowina lětsa z Čestnym znamješkom mytowała. Na tutym městnje chcemy Wam kóždeho z nich bliže předstajić.
Z filmom přeswědčił
Dohromady dźesać zasłužbnych Serbow je Domowina lětsa z Čestnym znamješkom mytowała. Na tutym městnje chcemy Wam kóždeho z nich bliže předstajić.
Domowina za „młodu ekscelencu“
Na zwjazkowym předsydstwje wčera w Budyšinje je Rěčny centrum Witaj (RCW) w nošerstwje třěšneho zwjazka nowe myto za młodych ludźi předstajił, kotřiž su na wysokim niwowje delnjoserbšćinu nawuknyli.
Budyšin (SN/mb). Štóž jako 18 do 30lětny z wosebitym angažementom delnjoserbšćinu wuknje a ju tak nawuknje, zo pruwowanje po europskim referencnym ramiku za rěče na niwowje C1 z „derje“ abo „jara derje“ wobsteji, móže so wo připóznaće „młoda ekscelenca“ pola RCW požadać. Maksimalnje dwěmaj wosobomaj wob lěto chce zarjadnišćo tajke wuznamjenjenje spožčić a kóždemu 5 000 eurow dać. Wo tym rozprawješe Bernd Melcher, šef RCW w Delnjej Łužicy. Nawodnica RCW Beata Brězanowa doda, zo je to nimale maćernorěčny niwow a zo ludźi z tutej kompetencu trjebamy. Woni móhli w přichodźe na přikład słowniki wudźěłać a rěč dale wuwiwać.
Sta šulerjow k maturje wjedł
Dohromady dźesać zasłužbnych Serbow je Domowina lětsa z Čestnym znamješkom mytowała. Na tutym městnje chcemy Wam kóždeho z nich bliže předstajić.
Mnohim ludźom w Delnjej Łužicy je Juro Gera předewšěm jako wučer matematiki a jako něhdyši nawoda Delnjoserbskeho gymnazija znaty. Sta šulerjow je wón k abiturje wjedł a přez wjace hač dwaj lětdźesatkaj wuwiće krajiny serbskich kubłanišćow sobu formował.
Žylowčan pak angažuje so tež zwonka swojeho powołanskeho žiwjenja na serbskim polu: Jako spěwar a solist w Žylowskim němsko-serbskim chórje a wot lěta 2006 w chórje Łužica. Runje tak zasłyšiš Jura Gera hdys a hdys w Serbskim rozhłósu.
Dźěłowy plan wulke wužadanje
Chrósćicy (SN). Dźěłowy plan za klětu je wulke wužadanje – to bě po zdźělence regionalneje rěčnicy Kathariny Jurkoweje facit wčerawšeho posedźenja předsydstwa župy „Michał Hórnik“ w Chrósćicach. 800lětny jubilej wosady a gmejny Chrósćicy, mjezynarodny folklorny festiwal, pasion a hłowna zhromadźizna Domowiny w Budyšinje su terminy, kotrež su z wjele nadawkami zwjazane. Nimo toho pak ma so w nazymje hišće župna hłowna zhromadźizna přewjesć a w adwenće kubłanska jězba. Dale su wo móžnosćach zetkanja chronikarjow župy wuradźowali. Zajimawe bě tež rozmołwa wo wobsahach a idejach za webstronu župy, kaž tež wustupowanje na Facebooku abo wo móžnej prezentaciji na Instagramje.
Najprjedy pak přeprosy župa swojich čłonow hišće lětsa sobotu, 30. nowembra, na adwentnu kubłansku jězbu do Choćebuza. Zhromadnje ze župu Delnja Łužica su wotměnjaty program přihotowali. Tak čaka na wopytowarjow serbske wodźenje po měsće, wopyt serbskeho muzeja kaž tež adwentnych wikow. Přizjewjenja su w regionalnym běrowje Domowiny hač do 22. nowembra móžne.
Zhromadnje za serbske ewangelske wosadne žiwjenje
Na hłownej zhromadźiznje Serbskeho ewangelskeho towarstwa (SET) reformaciski dźeń je předsyda Mato Krygaŕ w narěči, kotruž tu dokumentujemy, wo dźěle a wuhladach SET přednošował.
Serbske ewangelske towarstwo ma tuchwilu 51 čłonow. Lětsa móžemy knjeni fararku von Ruthendorf-Przewoski jako nowu čłonku SET witać. (...)
Předsydstwu SET přisłušeja Stefan Cuška, dr. Günter Holder, Mato Krygaŕ, Robert Maćij, Měrćin Wirth a Günter Wjenk kaž tež Serbski superintendent Krystof Rummel.
Jako předsydstwo smy so lětsa trójce w Serbskim domje w Budyšinje schadźowali a wuradźowali: w januarje, w meji a w septembrje.
Dźěło w minjenym lěće
Loni, druhu njedźelu adwenta, 10. decembra, swjećachmy na Michałskej farje w Budyšinje adwentničku.
Zaměrnje so ze serbšćinu zaběrał
Dohromady dźesać zasłužbnych Serbow je Domowina lětsa z Čestnym znamješkom mytowała. Na tutym městnje chcemy Wam kóždeho z nich bliže předstajić.
Dr. Křesćan Kessner je so 1954 w Lubiju narodźił. W lěće 1973 zasłyša jako wojak w Grodku prěni raz na zarjadowanju Domowiny oratorij „Nalěćo“. Hnydom so do serbskeje rěče a kultury zalubowa, wuwědomjejo sej swoje wosobinske serbske korjenje. Započa so ze serbšćinu zaměrnje zaběrać. Po studiju psychologije a mediciny wróći so wědomje do bliskosće domizny, zadomi so w Lohmenje na kromje Sakskeje Šwicy. Wottam kontakt do serbskeje Łužicy daloki njebě. Nawukny hornjoserbšćinu a z toho časa wužiwa kóždu składnosć serbować. Wón chodźi na čitanja w Smolerjec kniharnje, na přednoški Maćicy Serbskeje, słucha Serbski rozhłós, čita Serbske Nowiny a druhe časopisy. Z lěta 1996 je z čłonom chóra „Budyšin“ a podpěruje nimale 20 lět aktiwnje bas w chórje, ale tež skutkowanje chóra jako serbske ćěleso.
