Wobswětowe hibanje w NDR
Hónikecy. Energijowa fabrika je w kooperaciji z Němskim muzejom za hygienu wosebitu wustajeńcu pod hesłom „Rewěr. Wobswět. Protest. Akcije na dobro wobswěta we Wojerecach a kołowokoło – w NDR a dźensa“ wuwiła. Na konceptće wobdźělił je so mjez druhim tež Wojerowski Lessingowy gymnazij. Swjatočne wotewrjenje budźe dźensa we 18 hodź. w Energijowej fabrice. Wustajeńca je hač do 20. oktobra přistupna.
Poskitki w Kulturnej zahrodźe
Budyšin. Hač do 30. junija maće hišće móžnosć, open-air poskitki SLA w Kulturnej zahrodźe wopytać. Pjatk, 21. junija, wočakuja was w 19.30 hodź. hólcy skupiny Fünf an der Feier z dixijom, tangom, walčikom a swingom hač k serbskim spěwam. Dźeń pozdźišo, 22. junija, přeprošujetaj spěwarka Milena Wowčerjec a komponist a pianist Skupiny Astronawt Matej Dźisławk w 19.30 hodź. z čućiwymi serbskimi baladami kaž tež z němskimi a jendźelskimi cover-wersijemi. Njedźelu, 23. junija, předstaji Paul Hoorn ze swojej kapału Kapelye CORAZÓN z Drježdźan w 19.30 hodź. hudźbny swět klasiki, klezmera, swětoweje hudźby a cancióna.
Janske spěwanje při cyrkwi
Na nócny wopyt do Wojerec
Wojerecy. W najdlěšej nocy lěta, pjatk, 21. junija, přeprošuje Wojerowska coologiska zahroda wšitkich zajimcow wot 18.30 hodź. na wosebite nócne wjedźenje. Hladar zwěrjatow Markus Heyl chce wopytowarjam wosebite dohlady za kulisy poskićić a rozprawja mjez druhim wo tym, kotra družina zwěrjatow zahe do „łoža chodźi“ abo kotra je w nocy aktiwna. Zetkanišćo je kasa při hłownym zachodźe. Zastup za dorosćenych je 9,90 eurow, za dźěći 5 eurow.
Zapodajće Waše namjety!
Budyšin. Hač do 30. junija móžeće hišće namjety za Myto Domowiny, Myto Domowiny za dorost a Čestne znamješko zapodać. Wotedajće je prošu z wotpowědnym formularom, kotryž namakaće na webstronje , w zarjedźe Domowiny abo pósćelće jón z mailku na . Prošu wobkedźbujće při namjetowanju změnjeny porjad za spožčenje. Dalše informacije namakaće pod www.domowina.de/hsb/domowina/wuberki/mytowanski-wuberk
Je hišće swobodnych městnow
Na „Kofej w třoch“ do muzeja
Budyšin. Pod hesłom „Lejpold. Korčma při serbskim highwayju.“ přednošuje Daniela Heckowa wo 200-lětnych stawiznach něhdyšeho hosćenca při puću mjez Chrósćicami a Delanami. Serbski muzej Budyšin přeprošuje zaso na „Kofej w třoch“ a to srjedu, 19. junija, w 15 hodź.
Hišće městna w lěćnym campje
Němske Pazlicy. Syć za dźěći a młodźinu w Biskopicach (KiJu) ma hišće swobodne městna w swojim lěćnym campje w Němskich Pazlicach a to wot 08. do 14. julija za dźěći w starobje 10 do 16 lět, kaž tež wot 16. do 20. julija za dźěći w starobje wot 6 do 8 lět. Nazorniše informacije a móžnosć knihowanja nańdźeće pod: www. aktiv-erlebnis-lausitz.de.
Serbsko-němske čitanje
Drježdźany. Swobodny zwjazk němskich awtorow Sakskeje (FDA) kaž tež Institut za slawistiku na Drježdźanskej TU přeprošujetej srjedu, 19. junija, we 18.30 hodź. na serbsko-němske čitanje do Domu rěčow na TU (Zellersche Str. 22, 2. poschod, rumnosć SE1-217). Čita mjez druhim Měrana Cušcyna. Hudźbnje wobrubitaj zarjadowanje Marta Hantušec a Frieder Sparsobrod.
Namša pod hołym njebjom
Slepo. Ewangelska wosada w Slepom přeprošuje njedźelu, 23. junija, w 10 hodź. na namšu za zdźerženje stwórby pod hołym njebjom na wosebitym městnje a to w zbywacym čwaku lěsa před Wochožanskej wuhlowej jamu, při dróze mjez Miłorazom a Slepom. Prěduje generalna superintendentka Theresa Rinecker ze Zhorjelca. Wšitcy kemšerjo su po mši na mjezsobnu rozmołwu – mjez druhim k temje „Zhubjena domizna“– a přikusk prošeni.
Posledni test w Chrósćicach
Serbske mustwo za Europeadu 2024 změje štwórtk, 20. junija, w 19 hodź. swoju poslednju testowu hru přećiwo mustwu SJ Chrósćicy na tamnišim sportnišću.
Janske jěchanje w Kózłem
Akwa-fitnes za samodruhich
Wojerecy. Akwa-fitnes za samodruhich Wojerecy. Wot 19. junija poskićuje team porodneje pomocy Klinikuma łužiska jězorina akwa-fitnes-kursy za samodruhe žony wot 24. tydźenja samodruhosće. Kursy pod nawodom fachowcow skrućeja ćěło a dušu přichodnych maćerjow. Wone wotměwaja so w basenku dnjoweje kliniki HOY-REHA na Kastanijowej 20 we Wojerecach, stajnje srjedu w 13 hodź. 5 terminow płaći 40 eurow. Přizjewić móžeće so telefonisce pod 03571 445511. Wobdźělnicy njech přinjesu wupjelnjeny a podpisany přizjewjenski formular sobu, kotryž namakaće pod slědowacym linkom jako download: www.sana.de/seenlandklinikum/aquafitness
Prózdninske dny z wnučkami
Smjerdźaca. Serbske šulske towarstwo přeprošuje dźěći w starobje wot 6 lět a jich wowki a dźědow na prózdninske dny do Kulturneho domu w Smjerdźacej a to wot 22. do 24. julija wšědnje mjez 9 a 15 hodź. Wobdźělenski popłatk je 30 eurow na dorosćeneho, 25 eurow na dźěćo. Přizjewće so prošu telefonisce pod: 0175-9548505 abo z mejlku pod
Na „Kofej w třoch“ do muzeja
Spěwanje pod měrowym dubom
Židźino. Na lětsa hižo 36. wječorne spěwanje pod Měrowym dubom přeprošuje Židźinski chór wutrobnje wšitkich lubowarjow chóroweje hudźby. Zarjadowanje budźe srjedu, 19. junija, w 19 hodź. na Židźinskim swjedźenišću. Wosebity hósć wječora je chór Meja z Radworja.
Swjeća 650. róčnicu
Wulke Zdźary. Składnostnje 650lětneho wobstaća wjeski su we Wulkich Zdźarach na cyły kónc tydźenja wot 14. do 16. junija wulki swjedźeń z pisanym programom organizowali. Hosćo zbliska a zdaloka su wutrobnje přeprošeni, tutón jubilej zhromadnje woswjećić. Zastup na cyły kónc tydźenja je darmotny. Na zelenišću njeposrědnje pódla promenady při Hórnikečanskim jězoru je wulki swjedźenski stan postajeny. Tu woswjeći so sobotu a njedźelu wječor wulka party-nóc. Kołowokoło stana namaka wopytowar bohatu ličbu gastronomiskich a kulinariskich poskitkow. Swjedźeń zahaji so pjatk w 17 hodź. při cyrkwi ze swjedźenskim pochodom z dujerskej hudźbu „Fanfarow jězoriny“.
Gmejnska rada w Rakecach
Žiwjenju šansu dać
Kamjenc. Hornjołužiske telefoniske dušepastyrstwo přeprošuje na přednošk na temu „Suicid wotwobarać – žiwjenju šansu dać“. Uta Lewitzka, fachowa lěkarka za psychiatriju a psychoterapiju přednošuje, mjez druhim wo tym, kak móžemy suicidam zadźěwać. Zarjadowanje wotměje so štwórtk, 13. junija, wot 18.30 do 21 hodź. w Kamjenskej cyrkwi swj. Justusa, při kěrchowje na Kinsporkskej dróze 19. Přeprošena je tež mać, kotraž rozprawja wo swojich nazhonjenjach w zwisku ze suicidom swojeho syna.
Bórze je Knižne lěćo
Wojerecy. Bórze su prózdniny a nimaš hižo čerstwu literaturu we domje? Biblioteka ći w tutej situaciji pomha! „Do čitanja so zanurić“ je hesło lětušeho Knižneho lěća, na kotrymž so tež knihownja Brigitty Reimann zaso wobdźěli. Start akcije je 14. junija! Wjace hač 150 nowych dźěćacych a młodźinskich knihow maja w poskitku. Wupožčowansku dobu podlěšimy a cyły prózdninski čas. 9. awgusta woswjećimy kónc Knižneho lěća z wulkej kónčnej party, na kotruž was wutrobnje přeprošujemy. Wot 14 do 18 hodź. wočakuja was pola nas paslenske poskitki, lód, knižne čaporowe wiki a hišće wo wjele wjace!
Při pomniku rjedźić
Pančicy-Kukow. Domowinska skupina Pančicy-Kukow namołwja swojich čłonow a wšitkich dalšich zajimcow srjedu, 12. junija, w 17 hodź. kołowokoło pomnika Jakuba Barta Ćišinskeho w Lipju sobu rjedźić. Štóž ma chwile a móže pomhać njech sej trěbny grat kaž hrabje, chošćo a podobne sobu přinjese. Skupinske předsydstwo nadźija so prawje bohateho wobdźělenja.
Na workshop wo serbskej rěči
Stróža. Ideje za spěchowanje serbskeje rěče w biosferowym rezerwaće Hornjołužiska hola a haty chcedźa studowacy Wysokeje šule za wudźeržliwe energije Eberswalde (HNEE) we wobłuku dźěłarnički zběrać. Zarjadowanje nawjazuje na lońši workshop wo spěchowanju serbskeje kultury a budźe póndźelu, 17. smažnika, wot 15 do 17 hodź. w Domje tysac hatow w Stróži. Zajimcy su přewšo witani, woni njech so prošu emailnje přizjewja na adresu .
Na pućowanje do Rěčic
6. turněr zapřahow
Chrósćicy. Zarjadniski zwjazk „Při Klóšterskej wodźe“ přeprošuje na 6. turněr zapřahow, dnja 15. a 16. junija do Chrósćic. Wjace hač 50 zapřahow wubědźuje so kołowokoło pomnika za padnjenych pólskich wojakow sobotu wot 8 hodź. w dresurje a w jězdźenju mjez kehelemi a njedźelu wot 9 hodź. w razantnej jězbje přez kraj.
Njedźela za swójby
Smochčicy. Smochčanske kubłanišćo swj. Bena přeprošuje njedźelu, 16. junija, mjez 10.30 hodź. do 15.00 hodź. na njedźelu za swójby. Po Božej mši wočakuje ludźi pisany program na jewišću z hudźbu, serbskimi rejemi a klankodźiwadłom. Dalše poskitki dnja su: bubnowanska dźěłarnička, pryskanje wody z wohnjowej woboru abo jězba z kremserom po wsy. Tež wobjed poskićuja. Zastup je darmotny. Za dalše informacije kontaktujće prošu Stephanie Barwanietz pod info@kebs.de abo telefonisce pod 035935-22316.
„Kak to widźiće?“
Serbsko-čěske čitanje
Warnoćicy. We wobłuku dźěłarnički „Po stopach łužiskich Serbow we Warnoćicach“, předstaji awtorka Měrka Mětowa swoju powědku „Prěni raz“. Wobdźělnicy su šulerki a šulerjo Serbskeho gymnazija Budyšin a Biskupskeho gymnazija we Warnoćicach. Na čitanju wobdźělitaj so tež wudawaćelka Marka Maćijowa a přełožer Milan Hrabal. Moderaciju přewza dr. Jana Piňosová ze Serbskeho instituta. Serbsko-čěske čitanje wotměje so štwórtk, 13. junija, w 15.30 hodź. w Biskupskim gymnaziju Warnoćicy (ul. Střelecká 1800). Antologija za čitarjow wot dwanaće 12 lět je loni w Ludowym nakładnistwje Domowina wušła. Kniha poskićuje so jako wjazane wudaće kaž tež jako e-book na stronje LND: www.domowina-verlag.de.
Gysi přińdźe do Łužicy
