Tři nowe jězdźidła dóstali
My smy dobyli?
Krótkopowěsće (14.06.22)
Wšitcy znowa nastupja
Budyšin. Wšitcy štyrjo kandidaća wo zastojnstwo noweho krajneho rady Budyšina Udo Wićaz (CDU), Alex Theile (zhromadny kandidat Lěwicy, SPD a Zwjazka 90/Zelenych), Tobias Jantsch (swobodny kandidat) a Frank Peschel (AfD) k wólbam 3. julija znowa nastupja. W Zhorjelskim wokrjesu porno tomu njeje hišće jasne, hač wšitcy kandidaća 3. julija znowa nastupja.
Wutwarja serwis na městnje
Drježdźany. Drježdźanska rjemjeslniska komora swój serwis na městnje dale wutwarja. Wotnětka móža so rjemjeslnicy tež w Sprjewinym Dole nastupajo podpěru swojich prašenjow dla wobhonić. Poskitk wopřija wobłuki dale-a wukubłanja, dawki, prawo, personalny management, wodźenje zawoda atd. Dwójce wob měsac su fachowcy w tamnišim kompetencnym centrumje docpějomne.
Dwurěčna zběrka wušła
Poradźuje darmotnje
Budyšin. Prawiznik a wokrjesny radźićel Lěwicy Hajko Kozel poskići jutře, wutoru, wot 15 do 17 hodź. dalši raz darmotne socialne poradźowanje. Wone hodźi so tohorunja w ruskej a ukrainskej rěči přewjesć a wotměje so we wobydlerskim běrowje Lěwicy na Šulerskej w Budyšinje. Zajimcy njech přizjewja so pod telefonowym čisłom 035932/ 363727.
Radźićeljo wuradźuja
Pančicy-Kukow. Leaderowa wuwićowa strategija budźe jedna z temow přichodneho posedźenja gmejnskeje rady Pančicy-Kukow jutře, wutoru, w 19 hodź. we Wotrowskej starej šuli. Dale změja radźićeljo wjacore twarske naležnosće na blidźe. Mjez druhim póńdźe wo nowotwar pawiljona a a hrajkanišća na terenje bywšeho hosćenca w Pančicach.
Wokoło pomnika rjedźić
Pančicy-Kukow. Čłonojo Domowinskeje skupiny Pančicy-Kukow a dalši zajimcy su přeprošeni pomhać při rjedźenju wokoło pomnika Jakuba Barta-Ćišinskeho w Lipju. Dźěłowe zasadźenje wotměje so jutře, 14. junija, wot 17 hodź. Wobdźělnicy njech přinjesu sej kmany grat sobu. Kóžda pomocliwa ruka je witana.
Policija (13.06.22)
Njetopyrja wućěrili
Běła Woda. Wo njewšědnu pomoc prošeše sobotu rano muž w Běłej Wodźe. Policiji wón zdźěli, zo bě so njeznate zwěrjo do jeho bydlenja zadobyło. Zastojnicy wuhladachu na to na wjerchu spanskeje stwy muža njetopyrja, kiž bě po wšěm zdaću z wočinjenym woknom do bydlenja přilećał. Zhromadnje so poradźi, njeprošeneho hosća pohnuć, bydlenje wopušćić a sej hinaši nóclěh pytać.
Wubrane nachwilne wuslědki
Wólby wyšich měšćanostow, měšćanostow a wjesnjanostow 12. junija 2022
| komuna | wólbokmani wólerjo |
wobdźěl | njepłaćiwe płaćiwe lisć. |
kandidaća | hłosy | podźěl w proc. |
| Budyšin | 31 279 15 426 |
49,3 % | 232 15 194 |
Ahrens, Alexander (SPD) Vogt, Karsten (CDU) Kubank, Andrea (Lěwica) Thronicker, Andreas (kandidat-jednotliwc) |
2 167 8 196 1 912 2 919 |
14,3 53,9 12,6 19,2 |
| Biskopicy | 8 955 3 483 |
38,9 % | 627 2 856 |
Große, dr.
Puć swobodny za hospodarski plan
póndźela, 13. junija 2022
spisane wot: Jan Kral
Njebjelčicy (JK/SN). Njebjelčanski wjesnjanosta Tomaš Čornak (CDU) so na zašłym posedźenju gmejnskeje rady hišće ze swojimi radźićelemi rozžohnować njemóžeše. Po tym zo bě naćisk lětušeho hospodarskeho plana wupołoženy, su wjacore znapřećiwjenja a dodawki dyrbjeli wobkedźbować. Nětko tak daloko je, zo móža jón na přichodnym posedźenju, 7. julija wobzamknyć. Znate a nowe wobliča w gmejnach
póndźela, 13. junija 2022
spisane wot: Marian Wjeńka
W mnohich městach a gmejnach Hornjeje Łužicy njejsu wčera jenož noweho krajneho radu wolili, ale tež wjesnjanostu. Mjeztym zo wjetšina dotalnych wjesnjanostow znowa nastupi, móžachu so wolerjo w někotrych komunach za nowe wobličo rozsudźić. Budyšin (SN/MWj). Hač na dwě wuwzaći buchu při wčerawšich wólbach w dwurěčnych komunach Hornjeje Łužicy wjesnjanosća woleni. Jeničce we Wósporku a w Bukecach njeje k žanomu rozsudej dóšło, dokelž žadyn ze stajnje třoch kandidatow trěbnu wjetšinu hłosow docpěł njebě. We Worklecach a w Ralbicach-Róžeńće je so pokazało, zo CDU swojeho kandidata přesadźić njemóžeše. Tak je we Worklecach njewotwisny kandidat Clemens Poldrack 54,3 procenty hłosow zdobył a budźe na přichodne sydom lět z wjesnjanostu. W Delanach wostanje Hubertus Ryćer na čole gmejny, dokelž je ze 64,4 procentami wólby dobył. Wón skutkuje wotnětka bjez stronskeje knižki CDU. W Malešecach bě dołhi čas njewěste, hač dotalny wjesnjanosta Matthias Seidel (CDU) dale w funkciji wostanje. Skónčnje pak docpě wón 70,1 procent. Powědanje a začuće
póndźela, 13. junija 2022
spisane wot: Axel Arlt
Po wuwiću minjenych lět bě skoro wočakować, zo Alexander Ahrens (SPD) zastojnstwo wyšeho měšćanosty města Budyšina zakitować njebudźe. Přejara bě widźeć, zo so jemu poradźiło njeje, z měšćanskej radu hromadźe na dobro města skutkować. Zo su wolerki a wolerjo z Karstenom Vogtom wčera mužej najwyše zastojnstwo města dowěrili, rěči za charakter wjelelětneho nawody tudyšeho Melanchthonoweho gymnazija, ludźi hromadu zwjesć móc. To je nuznje trěbne, dokelž njesmě změna strukturow sprjewine město dospołnje wobeńć. Z wólbnym wuspěchom Karstena Vogta sunje so powědanje znowa do srjedźišća, kotrež měješe so před sydom lětami z wuzwolenjom Alexandera Ahrensa wuwróćić. To pak njeje so zešlachćiło. „Bjez CDU w měsće ničo njeńdźe“ wone rěkaše. Dźensa zda so to začuće być, z kotrymž zwjazuje nětko wjace hač štwórćina wólbokmanych Budyšanow swoju nadźiju na bórzomny rozmach w komunje. Axel Arlt
Chorownja ma dobry přichod
póndźela, 13. junija 2022
spisane wot: Andreas Kirschke
Sakska socialna ministerka Petra Köpping w Běłej Wodźe pobyłaBěła Woda (AK/SN). Wokrjesna chorownja w Běłej Wodźe ma jako wobłuki přesahowacy strowotniski centrum dołhodobnje dale wobstać. Přichodnje budźe wukubłanska chorownja Drježdźanskeje mediciniskeje uniwersity. Runočasnje ma wona jako akademiske wuwučowanišćo w hladanju we wobłuku kubłanja Žitawsko-Zhorjelskeje wysokeje šule skutkować. „To je přikładne w Sakskej. Zhorjelski wokrjes je modelowy region mediciniskeho zastaranja“, podšmórny sakska statna ministerka za socialne a towaršnostnu zwjazanosć Petra Köpping (SPD) na dźěłowym wopyće minjeny štwórtk w Běłej Wodźe. Tam je wona zhromadnje z krajnym radu Berndom Langu (CDU), socialnej decernentku Martinu Weber, někotrymi sobudźěłaćerjemi chorownje, zo zastupnikami chorobnych kasow, samostatnych lěkarjow a z dalšimi fachowcami na městnje wo přichodźe Běłowodźanskeje chorownje wuradźowała. dale... |
