Hudźi na šěsć rozdźělnych pišćałkach
Młody Worklečan Kilian van Dorp je ze swojimi instrumentami na Zwjazkowej runinje chětro wuspěšny
Mnozy starši na tym wobsteja, zo hraje znajmjeńša jedne dźěćo w swójbje instrument. Tute zbožo ma tež Kilian van Dorp. Młody Worklečan njehraje jenož na pišćałkach – tež pišćele a klawěr njejsu jemu cuze. Nimo toho rady programěruje a trenuje prawidłownje pola medijowych skawtow w Budyšinje.
Hudźbna karjera
Muzej z wosebitej atrakciju
Dorost nowu hrajnu drastu dóstał
Rozmach stykow z Čechami
Chróšćan zběžk zbudźi wosebitu fazu serbsko-čěskeje wzajomnosće
W prěnim lěće mojeho předsydarjenja njeje so nastupajo politiske styki do Čěskeje wjele stawało. To so w lěće 2001 njejapcy změni – a zwisowaše z politiku sakskeho knježerstwa, kotrež žołmu zawěranja zakładnych a srjedźnych šulow rozputa, štož tež srjedźnu šulu w Chrósćicach potrjechi. Hajko Kozel, zapósłanc Lěwicy w krajnym sejmje Sakskeje, pěstowaše hižo lěta wuske styki ze zastupjerjomaj čěskeho parlamenta Miroslavom Ransdorfom a Jaromírom Kohlíčekom, kotrajž so za Serbow hižo dawno intensiwnje zajimowaštaj. Jako wuraz swojeje zwjazanosće a solidarity pomhaše Kohlíček Chróšćanam při barbjenju šule.
Do Vilémova lětsa ze Serbami
Nowe spěwy skónčnje raz bjez dešća předstajili
Budyšin (SN/bn). Spěwytwórc Rokotak je předwčerawšim swój aktualny album „Kommen ist wie gehen“ na Kulturnej zahrodźe Serbskeho ludoweho ansambla předstajił. Lětsa jako CD kaž tež jako klasiska winylowa tačel pola labela Djummi wušły, na znatych portalach tež online přistupny zynkonošak wopřijima jědnaće titulow, chabłajo mjez bluesom a rockom. Hudźbnje drje su na přikład Chris Rea a Element of Crime kmótřili. Teksty wotbłyšćuja wobkedźbowanja wšědneho dnja a towaršnostnych zjawow kaž tež zhladowanja na swójsku zańdźenosć. W tym zwisku dowoli sej Rokotak mały žort, jako spěw „Regenvariante“ takrjec jako zjimanje swojich dotalnych dožiwjenjow z Kulturnej zahrodu připowědźi: „W minjenych lětach zesylni so poněčim zaćišć, zo buch jenož přeprošeny, zo by so tudyši trawnik raz porjadnje powodźił.“ Tónraz wšak ani jenička mróčałka koncert njezamući. Tak zamó hudźbnik cyłu tačel dospołnje prezentować.
Prěni zjawny koncert załožby
Załožba Wnučkokmanosć w Njebjelčicach prosy prěni króć na zjawny koncert. Centrum załožbowy w Njebjelčicach skići we wobłuku swjedźenja za to trěbnu kulisu.
Njebjelčicy (SN/MiR). „Naš kuratorij bě zwoprědka za to, załožbowy swjedźeń wšitkim zajimcam wotewrěć. Tuž nětko prěni króć z koncertom na to reagujemy“, rjekny předsyda Njebjelčanskeje załožby Wnučkokmanosć Tomaš Čornak. 22. awgusta hraje we wobłuku druheho swjedźenja załožby na Lipowej 15 w Njebjelčicach wot 19 hodź. Jacke Schwarz & banda. K hudźbje diskoteki, wo kotruž so Torsten Pötzsch, něhdyši wyši měšćanosta Běłeje Wody stara, budźe składnosć rejować. Na njedawnym Witaj-festiwalu wužiwaše wón za to zynkonošaki, kotrež běchu hosćo sobu přinjesli. Tale ideja ma tež załožbowy wječor wožiwić. Zastup na zarjadowanje je bjezpłatny.
Slědy Židow we Łužicy
Festiwal šesćiměstow lětsa z fokusom na nimale zhubjenu kulturu
Strawałd/Lubij (SN/bn). Performance pod hesłom „Lubijo, kak klinčiš – Wopoj zynkow mjez dopomnjećom a přitomnosću“ tworješe wčera zazběh lětušeho festiwala šesćiměstow Přińć a woteńć. Hans Narva z mustwa organizatorow powita hosći w połnje wobsadźenym Domje Schminkeho w Lubiju, wjeselo so wosebje nad „tójšto młodymi wopytowarjemi. Předewšěm za was dźě wuhotujemy festiwal, kotryž ma tež w dźewjatym lěće narok, ‚klasisku‘ hudźbu po nowych pućach posrědkować.“ Dźakujo so wšitkim sponsoram, partneram a wuměłcam wón zarjadowanje na to oficialnje zahaji a připowědźi „napjatu akustisku jězbu w (nje)swětle zaćmića słónca“.
We wobłuku Budyskeho pišćeloweho lěća je Michael Vetter wčera na ...
Wuspěšny posledni test
SJ Chrósćicy –
ST Klětno/Hamor 2:1 (1:1)
zestawa SJC: Cyž – L. Zahrodnik, Zynda, Matik, Bogusz, Rätze, Šiman, Žur, Hawš, Mark, Kral-Zahrodnik, G. Zahrodnik, Donat, M. Zahrodnik
Poslednju testowu hru přewjedźechu Chróšćenjo sobotu na domjacym trawniku přećiwo Sportowemu towarstwu Klětno/Hamor. Ći běchu poslednju sezonu suwerenje do wokrjesneje wyšeje ligi Hornjeje Łužicy postupili. Za trenarja SJC Waldemara Adamowicza bě to poslednja móžnosć to a tamne wuspytać. Zdobom pak chcyše, zo so jeho mustwo zahraje.
