Swójby swjedźeń organizowali
Róža Domašcyna čita
Budyšin. Čitanje z Róžu Domašcynej budźe jutře, pjatk, we 18.30 hodź. w Budyskim tachantskim wobchodźe. Spisowaćelka předstaji swoju kónc zašłeho lěta wušłu knihu „Wurzelwesen“. Dale čita wona z planowaneje knihi, kotraž wuńdźe 2026, a ze staršich twórbow. Wuběr knihow Róže Domašcyneje su jutře na předań. Tute awtorka kupcam tež rady signuje. Zastup płaći wosom eurow.
Koncertuje w cyrkwi
Rakecy. Pod hesłom „Swětła nadźije“ wotměje so jutře, pjatk, w 19.30 hodź. w Rakečanskej ewangelskej cyrkwi koncert z hudźbu a inspiraciju. Křesćanski spěwytwórc a producent modernych duchownych pěsnjow Albert Frey jón z dalšimaj hudźbnikomaj wuhotuje.
Přihotuja wulki projekt
Nowe informacije wo bydlenskej a přemysłowej štwórći předpołožili
Rakecy (JK/SN). Zo w Rakecach při zwjazkowej dróze B 96 njedaloko něhdyšeje kormjernje swini wulki projekt přihotuja, su SN hižo rozprawjeli. Na wčerawšim posedźenju Rakečanskeje gmejnskeje rady je inwestor prěnje konkretne planowanje a móžne wuhotowanje areala předstajił. Tak přetwarja płoninu, kotraž je nětko hišće polo, mjez Rakecami a něhdyšej kormjernju swini na bydlenski, nakupowanski a přemysłowy kwartěr.
Młodźinski festiwal Youco
Budyšin. Prěni festiwal YOUCO woswjeća tónle pjatk, 16. meje, wot 12 hodź. w a před Němsko-Serbskim ludowym dźiwadłom. „Koncept festiwala je, zo jón młodostni za młodostnych wuhotuja“, tak Beno Brězan, kotryž je ideju we wobłuku projekta Bautzenrocks zrodźił. W srjedźišću festiwala steji, potrjebu młodostnych sylnišo do zjawneho žiwjenja integrować. Dalši akcent zarjadowanja je, zo je festiwal njepolitiski. Młodostni móža hry hrać, kreatiwni być a so jedyn wo druheho starać. Z tym je festiwal zakład zhromadnosće bjez politiskich ambicijow. „Nadźijomnje młodostni tak zrozumja, zo je wo wjele wažnišo mjezsobne kontakty tworić hač jedyn druheho wumjezować.“ A třeći stołp koncepta je, zo kóždy wobdźělnik ze swójskimi resursami a nic z wulkim popłatkom poradźenju festiwala přinošuje. Trěbnu financielnu podpěru dóstawaja Beno Brězan, jako zrodźer ideje za festiwal, a młodostni, kotřiž w projekće Bautzen.Rocks skutkuja, wot města Budyšin a w sprjewinym měsće zasydlenych předewzaćow.
Pozadk mjena puća wuslědźili
Budyšin (CS/SN). Na wuchodźe Budyšina namakamy měrnu předměšćansku Renatusowu dróhu. Dokelž pomjenowachu ju runje před 100 lětami tak, su so tamniši wobydlerjo za pozadkom mjena wobhonili a chcedźa jeje stotu róčnicu woswjećić.
Swoje dźensniše mjeno dósta dróha w lěće 1925. Wolfgang Jironsek, jedyn z wobydlerjow Renatusoweje dróhi, bě wćipny a započa rešeršować, zwotkel dróha swoje mjeno ma. W měšćanskim archiwje wón trěbne informacije namaka. Tak tamnych wobydlerjow za temu zahori. Wot toho časa so wobydlerjo prawidłownje zetkawachu a ideju jubileja dróhi zrodźichu. Prěni wuslědk jich zetkanjow je taflička z wujasnjenjom dróžneho mjena. Tutu tafličku su wčera wotkryli, tak je nětko zjawnosći přistupna.
Z wulkim měšćanskim swjedźenjom woswjeći město Kamjenc wot ...
Krótkopowěsće (15.05.25)
Jasne žadanja sobudźěłaćerjow
Čorna Pumpa. Sobudźěłaćerjo Łužiskeho energijoweho koncerna LEAG žadachu sej wčera „transformaciski bonus“ za energijowe předewzaća na wuchodźe Němskeje. Nadźiju na zwoprawdźenje planowaneho zakonja wo wěstosći za milinarnje wubudźa aktualne koaliciske zrěčenje. Dotalne knježerstwo chcyše skerje stejnišća na juhu Němskeje do naprawow za změnu energije zapřijeć.
Spěwy labela NDS Records zhašeli
Budyšin. Hudźbne platformy Amazon Music, Apple Music a Spotify su mnoho spěwow labela NDS Records z Motydła (Weifa), kotryž je Sakski krajny zarjad za škit wustawy jako jasnje prawicarskoekstremistiski zastopnjował, ze swojeho poskitka zhašeli. To zdźělichu Sakske nowiny dźensa. Platforma Youtube je kanal labela „NDS Records Offiziell“ zawrěła.
Narodny park wotpokazuja
Předstaji Bamborak
Budyšin. Maćica Serbska přeprošuje na wječorny přednošk, kotryž planuja štwórtk, 15. meje, w 19 hodź. w Budyskim Serbskim domje. Korla Baier předstaji swój TTS system (Text to speech) Bamborak, kotryž je w zašłych lětach wuwił. Z nim móže kompjuter hornjoserbske teksty awtomatisce předčitać. System dźěła z neuronalnymi syćemi. Trenowali su jón z wjacorymi tysac sadami. System předstaja live a to serbsce.. Zajimcow wutrobnje witaja.
Premjera z elewomaj
Budyšin. Hrajkajo serbsce nawuknyć a při tym samo swoju stwu zrumować, je wobsah studijoweje inscenacije „Zhubjene a namakane“ serbskeho činohrajneho studija. Hračko změje jutře, 15. meje, w 19.30 hodź. swoju premjeru w Budyskim Dźiwadle na hrodźe. Originalnu němsko-jendźelsku hru awtorki Rike Reiniger su do wjele rěčow přełožili. Tež we Łužicy měješe hra hižo w lěće 2005 w hornjoserbskej a w delnjoserbskej rěči wulki wuspěch z NSLDź. Po dwaceći lětach móže publikum hru nětko znowa dožiwić, a to z elewomaj Bernadet Šnajderec a Ole Schmidt. Režiju ma Torsten Schlosser.
Młodźinski festiwal Youco
Překwapjenka k dnjej maćerjow
Wola noweho wjesnjanostu
Gerd Schuster po wjace hač 20 lětach swoje zastojnstwo złoži
Njeswačidło (JK/SN). Wčerawše posedźenje Njeswačanskeje gmejnskeje rady nawjedowaše zastupowacy wjesnjanosta Frank Koreng. Njeje drje ničo njewšědneho, zo druhi muž gmejny tajke posedźenje zastupujo nawjeduje. Přičina njepřitomnosće wjesnjanosty Gerda Schustera (CDU) pak přeradźi wotběh dnjoweho porjada, hladajo na přihoty za wólby wjesnjanosty. Schuster mjenujcy po wjace hač 20 lětach swoje zastojnstwo 31. awgusta złoži. Radźićeljo dojednachu so na termin njedźelu, 7. septembra 2025. Jeli budźe druhi wólbny přechod trěbny, planuja tutón njedźelu, 28. septembra. Nawodnica gmejnskeho twarskeho zarjada Katrin Ullrich na to skedźbni, zo termin za přizjewjenje kandidatow hišće wozjewja. Čehodla Gerd Schuster swoje zastojnstwo złoži, wčera rjekli njejsu. W aktualnym hamtskim łopjenje susodneje gmejny Rakecy tamniši wjesnjanosta Swen Nowotny (CDU) swoje zrozumjenje za rozsud kolegi wupraji a so jemu za dotalne dobre zhromadne dźěło dźakuje.
