Nětko budu dyrbjeć lutować
Gmejna Ralbicy-Róžant ma efektiwnje hospodarić
Róžant (JK/SN). Na wšěch 18 dypkow měješe dnjowy porjad prěnjeho posedźenja noweje gmejnskeje rady gmejny Ralbicy-Róžant wčera wječor. Tak móžachu třo nowi radźićeljo, Halena Jancyna, Tomaš Glawš a Matthias Möller hnydom, takrjec „do zymneje wody skočić“ a wužadaće dźěło radźićela zeznać. Po tym zo běchu, kóždy jednotliwje, swój slub wotpołožili -– hač na radźićela Eduarda Luhmanna wšitcy serbsce –, započinachu z dźěłom.
Radźićeljo přepodachu wšelake nadawki za kónčny dźěła nowotwara Ralbičanskeje pěstowarnje. Tak dósta nadawk za wuhotowanje pěstowarnje z meblemi, we wysokosći 303 060 eurow, předewzaće HABA Sales we Bad Rodach. Z teje sumy přewozmje nošer pěstowarnje, Serbske šulske towarstwo z. t., dźesać procentow. Kaž sobudźěłaćerka planowanskeho běrowa rozłožowaše, leži poskitk pod kalkulowanej sumu, štož gmejnje tyje. Dalši nadawk přepodachu radźićeljo za něšto wyšu sumu, hač běchu to předwidźeli. Zatwar kuchnje za spřihotowanje a wudawanje jědźe we wysokosći 41 600 eurow přewozmje firma z Hnašec.
Swětłownja přistawa hódna
Młodźinski projekt jobcentera Zhorjelskeho wokrjesa při Bartonjanskim jězorje je zakónčeny. Ze swětłownju maja tam nowy turistiski domicil, kotryž je prěnje dny hižo wulki zajim zbudźił.
We Łužicy je tójšto serbskich fanow motorsporta. Wobstajnje ...
Krótkopowěsće (23.08.24)
Sakska za Einsteinowy teleskop
Zhorjelc. Sakska podpěruje prócu Astrocentruma Łužica (DZA), so w europskim wubědźowanju wo stejnišćo Einsteinoweho teleskopa přesadźić. To přilubi krajny minister za wědomosć Sebastian Gemkow (CDU) wčera w Zhorjelcu, hdźež su areal zarjadnišća DZA prezentowali. Teleskop „je rozsudna kročel při wuslědźenju uniwersuma“, praješe Christian Stegmann, jedyn z iniciatorow DZA.
LaSuB přećehnje do pasaže
Budyšin. Krajny zarjad za kubłanje a šule (LaSuB) poćehnje do swobodnych rumnosćow pasaže Žitnych wikow. Tole je wčera Budyski wyši měšćanosta Karsten Vogt na wobydlerskim forumje nutřkowneho města připowědźił. Hač do měrca 2025 ma zarjad přećahnyć. Vogt so nadźija, zo so nutřkowne město potom zaso trochu wožiwi.
Do zwěrjenca z mjedwjedźom
Policija (22.08.24)
Dyrbja bjez cigaretow wuńć
Hornja Hórka. Dotal njeznaći su wutoru nawječor cigaretowy awtomat při Hłownej dróze w Hornjej Hórce skóncowali. Awtomat měješe hódnotu něhdźe 5 000 eurow. Jasne njeje, kelko cigaretow su so pokradnyli.
Baćony podadźa so do juha
Trjebaja nowe jewišćo
Njebjelčicy. Dźěći Njebjelčanskeje serbskeje pěstowarnje „Jan Skala – Barbojte kamuški“ trjebaja za zjawne wustupy nowe jewišćo. Dotal wužiwane mobilne jewišćo je wobškodźene a njehodźi so hižo sporjedźeć. Nowe jewišćo płaći 10 000 eurow. Přizwolene spěchowanske srědki pak njedosahaja. Tuž prosy Domizniske a kulturne towarstwo Njebjelčicy z.t. wo pjenježne dary. Nadrobne informacije namakaće pod: .
Finisaža wustajeńcy
Budyšin. Poslednja składnosć sej wustajeńcu „Ulrich Schollmeyer – wobrazy, teksty a modele“ w Budyskim měšćanskim muzeju wobhladać, budźe tutu njedźelu, 25. awgusta, w 14 hodź. Kaž hižo na wotewrjenju ju „next generation“ wobrubi. Skupina BandSchreibenVorfall z Halle čita ze swojich tekstow, kotrež su w ramiku wustajeńcy nastali. Nimo toho je składnosć, so z muzejowym pedagogu a wuměłcom Ulrichom Schollmeyerom, wo jeho wobrazach a modelach rozmołwjeć. Zastup wučinja mjez dwaj a sydom eurow.
78. literarna kofejownja
Wobydlerjo dožiwjeja rjane lěćo
Chcedźa fairnje dźěłać
W Chrósćicach je so nowa gmejnska rada konstituowała a do dźěła dała
Chrósćicy (JK/SN). W Chrósćicach maja po starobje poměrnje młodu gmejnsku radu. Tuž wjeseli so wjesnjanosta Marko Kliman (CDU) ćim bóle na fairne a konstruktiwne zhromadne dźěło, kaž na spočatku konstituowaceho posedźenja gmejnskeje rady wčera wječor zwurazni. Z tym zahaji Kliman hnydom najwažniši dypk prěnjeho posedźenja gremija, a to spřisahanje radźićelow Nowi radźićeljo slub zhromadnje wotpołožichu, zakónčiwši jón ze słowami „z Božej pomocu“.
Město a wokolina so trjebatej
Wólbny forum z kandidatkami za OB zaběraše so z mnohimi wobydlerskimi prašenjemi. Kandidat AfD njeje so, byrnjež přizjewjeny był, kaž tež hižo na forumje generaciskeho zetkanja SpinnNetz 19. awgusta, na zarjadowanju wobdźělił.
